Тақырыбы: "Тіл - ұлттың игілігі"

Тіл ұлттың игілігі
Мақсаты: Балаларға тіл туралы түсінік бере отырып, білімдерін арттыру; мақал-мәтел, жұмбақ, тақпақ, тілді қастерлеуге, сөздік қорын байытуға, ана тіліне деген сүйіспеншілікті оятуға тәрбиелеу.
Әдіс-тәсілдері: әңгімелесу, көрсету, түсіндіру, сұрақ-жауап.
Көрнекілік: тіл туралы жазылған нақыл сөздер.
Қостілділік: отан-родина, ана тілі-родной язык.
Шаттық шеңбері:  Бір шаңырақ астында,
                                  Тату-тәтті тұрамыз
                                  Бірге ішеміз астыда,
                                  Бірге сайран құрамыз.
«Тіл ұлттың игілігі» тақырыбында ұйымдастырылған оқу іс-әрекетімізді бастаймыз.
Елбасы Н.Ә.Назарбаевтің 1998 жылғы 20-қаңтардағы жарлығына сәйкес 22-қыркүйек «Қазақстан халықтарының тілдері күні» мерекесі аталып келеді.
-Біздің мемлекетіміз қалай аталады?
-Мемлекеттік тіліміз қандай тіл? Ал, балалар, мемлекетіміздің әнұранын айтайық. Енді тіл туралы жаттаған тақпағымызды жақсылап айтып берейік.
1.Ақбарәлі: Тілім барда қазағым бар, халқым бар
                      Дәстүрі бар, ата жолы салтым бар
                      Кең даладай жиналмаған шалғайы,
                      Аңқау, ашық мінезім бар аңқылдақ.
2.Еңлік:       Қазақ тілін туын берік ұстаған
                      Қазақ тілім кең далама ұқсаған,
                      Қазақ тілім мәртебелі, еңселі
                      Құрметтеп отыр, бүгін ел сені.
3.Эмелья:    Желеп-жебеп піріміз
                      Таза болсын дініміз
                      Жауқазындай жалындап,
                      Өркендесін тіліміз.
4.Бауыржан:  Өшпейді еш уақытта
                         Ата-баба аңсары
                         Қазақ тілі бақытқа,
                         Жеткізеді баршаны.
5.Айлана:  Ана тілім – елдігім
                    Ана тілім- ерлігім
                  Тілді биік құрметтеп,
                  Тойлап жатыр ел бүгін.
«Мақал-мәтелдің ұйқасын тап» ойынын ойнайық.
1. Өнер алды................(қызыл тіл)
2. Бас кеспек бар болса да,...................(Тіл кеспек жоқ)
3. Тіліңмен жүгірме.......................(біліміңмен жүгір)
4. Піл көтермегенді.................(тіл көтереді)
5. Ашуың келсе....................(қолыңды тарт)
  Айтпас жерде.................(тіліңді тарт)
Туған жерің-түп қазығың, айбының
Туған тілің-сатылмайтын байлығың,
Туған дәстүр салт-санасы тірегің,- деп  Мұхтар Шаханов ағамыз жырлағандай тіліміз тұғырлы болғай.
Тәрбиеші балалардан бүгінгі оқу іс-әрекетінен не үйреніп, қандай әсер алғанын сұрақ-жауап арқалы қорытындылайды.
Күтілетін нәтиже:
Нені біледі: Ана тілі-қазақ тілі екенін; әнұранын.
Нені игерді: Ана тілімізді қастерлеуді; Тіл туралы мақал-мәтелдер.