- 04.10.2020
- 1954
- 3
Рабочие листы
к вашим урокам
Скачать
Класстан тыш чара башлангыч сыйныфларына тәэмин ителә
Тема: Сәламәт тәндә сәламәт акыл
(уен-дәрес 2 класслар өчен).
Максат:
- балаларны чисталыкка, пөхтәлеккә, үз сәламәтлекләре турында үзләре кайгыртуга омтылыш тәрбияләү,
- сәламәтлекнең нигезе чисталыкка бәйләнгәнлеген төшендерү.
Җиһазлау: К. Чуковскийның “Юындыр” шигыреннән өзек, магнитафон, “Антошка” җыры, сабын, теш щёткасы, теш пастасы, сөлге, мунчала, тарак, көзге, карта, кулъяулыклар, “Юындыр“ рәсеме.
Дәреснең барышы:
Исәнләшү:
-Исәнмесез, укучылар.
-Исәнмесез, саумысыз!
-Хәерле көн, балалар.
-Имин үтсен көнегез!
-Кәефләрегез ничек соң?
-Кояшлы иртә кебек.
Укытучы:
- Бүген без, балалар «Сәламәтлек иленә сәяхәт» итәрбез. “Чисталык сәламәтлекнең нигезе ул”. Үзен чиста, пөхтә йөрткән кеше һәрвакыт сәламәт таза, шат күңелле була. Дәресебезнең кунагы безнең белән сәяхәткә чыга. Аның исемен хәзер әйтерсез. Беренче тукталыш “Шапшаклар станциясе”.
1нче укучы:
Качты юрган урыныннан,
Простыня очты шуннан,
Сикереп алды, китеп барды
Мендәр дә бака сыман.
Укытучы:
-Бу өзек кайсы шигырьдән?
-Аны кем язган?
1нче укучы:
“Шапшаклар” станциясендә К. Чуковский әсәре героена охшаган балалар яши. Алар чисталык һәм тәртип турында кайгыртмыйлар. Һәрвакыт юынмыйлар, тешләрен чистартмыйлар. Кызлар һәм малайларның өс һәм аяк киемнәре пычрак,өйләрендә тәртипсезлек, алар чиста кулъяулык йөртми, тырнакларын кисми икән.
Укытучы:
Бу станциядә яшәүчеләр бик еш авырый. Менә сезнең алда – аларның берсе.Без аңа кимчелекләрен бетерергә ярдәм итик. “Җанлы картина” дигән уен уйнала. Чәче, башы тузган, пычрак баш киеме, бөгәрләнеп беткән сәдәфләре төшкән костюм кигән бер малай чыга. Аның битендә кара таплары, куллары пычрак, тырнаклары киселмәгән, ботинка бавы сүтелгән. (Кесәсендә конфет кәгазьләре, чүп тутырылган).
Укытучы:
-Бу малайга нинди киңәшләр бирәсез?
Җаваплар:
1. Һәр көн билгеле бер сәгатьтә торырга һәм зарядка ясарга.
2. Иртән, көндез, кич, ашар алдыннан, йокыдан торгач һәм йокларга ятканчы юынырга.
3. Тырнакларны атнага бер тапкыр кисеп торырга.
4. Өс һәм аяк киемнәрен чиста йөртергә.
5. Чәчне чиста матур йөртергә, көн саен тарарга, кыска итеп кистерергә.
(Балалар янына парикмахер керә. Ул үзенең һөнәре турында сөйли.)
Мин парикмахер-чәчтараш. Кайчы, шампунь һәм тарак минем төп коралым. Малайлар чәчләрен кыска йөртсеннәр, ә кызлар үреп, карап торсыннар.
3нче укучы:
“Шапшаклар станциясе”ндәге балалар, әйберләрен саклап тотмыйлар. Аларның сумкалары, китап-дәфтәрләре бик пычрак, ләкин бездә андый кызлар һәм малайлар юк! Чөнки без сәламәт булырга телибез. Кагыйдәләрне еш үтибез.
-Чисталык-сәламәтлекнең нигезе!
-Мәктәпкә чиста һәм пөхтә киенеп йөр!
Укытучы:
-Игътибар! Сез сигналны ишетәсезме? Безнең сәяхәт дәвам итә. “Киләсе тукталыш “Ялкаулар” шәһәре. “Шапшаклар” станциясе” һәм “Ялкаулар” шәһәре бер-берсенә якын урнашкан. Шуңа күрә аларда яшәүчеләр арасында уртаклык бар. Балалар, сез ничек уйлыйсыз,алар нинди сыйфатлары белән бер-берсенә охшаган?
Җаваплар:
-Ялкау балалар, шапшак була. Алар эш сөйми. Дәресне игътибар белән тыңламыйлар. Китап укымыйлар. Дәфтәрләренә чиста һәм пөхтә итеп язмыйлар. Әти-әниләренә ярдәм итмиләр. Ялкау малай турында җыр тыңлап китәрсез. (Магнитафонда “Антошка” җыры яңгырый.) (“Ике шапшак” исемле хикәя сәхнәләштерелә.)
Автор:
-Урам буйлапЛәйлә атлый. Тирә-юньдәгеләр аңа гаҗәпләнеп карыйлар, чөнки кызның күлмәгендә төрле җепләр асылынып тора, чәченә мендәр йоны , кәгазь кисәкләре ябышкан, бит куллары, аяклары пычрак. Пөхтә итеп киенгән бер бабай бу хәлне күреп бик гаҗәпләнә.
Бабай:
- Син кайда шул кадәр пычрандың?
Ләйлә: (үзен күздән кичереп)
-Мин ... ни ... чөнки ...
Бабай:
- Син кайда булдың ?
Ләйлә:
- Вәсимәләргә кергән идем.
Бабай:
- Син аларда күлмәгең белән тузан сөртттеңме?
Ләйлә:
- Юк, без аның белән качышлы уйнадык.Өстәл астына гына кердек. Башка берни дә эшләмәдек.
Бабай:
- Һмм! (тамак кырып куя)
Автор:
Ләйлә тизрәк киемнәрен какты, чәчен тарап куйды. Аңа бабайның күзенә күренү оят иде.
Укытучы:
- Балалар тагын кемгә оят булырга тиеш?
Җаваплар:
- Әйе, Вәсимәгә дә оят булырга тиеш? Чөнки ул (Ләйлә)аларның җыештырылмаган өйләрендә кунакта була. Һәм өстен башын пычратып чыга.
Укытучы:
Ялкау булмас өчен: без сәламәтлек иленең башкаласы булган “Чисталык” һәм “Тәртип” илләренә китәбез. Монда урамнар һәм бакчалар да чиста. Кешеләр пөхтә итеп киенеп йөриләр. Алар көн саен юына, үзләрен чыныктыра, шуңа күрә авырмый. Сәламәт булырга нәрсә ярдәм иткәнен табышмаклардан эзләп табарсыз.
1. Үзе йомшак, күбеккә күмә.
Хуш исле. Я кем белә? (сабын)
2. Аркасында сөлге .
Сөягендә мыегы.
Мыегы белән чистарта.
Ак майканы агарта. (теш щёткасы)
3. Он түгел үзе ак.
Авызыңа кереп бак? (теш порошогы)
4. Битне, кулны, муенны корыта
Үзе дә чисталыкны ярата. (сөлге)
5. Айкала да чайкала
Күмелә ул күбеккә
Онытылып тора өйдә
Кирәк була мунчада. (мунчала)
Балалар янына теш табибы керә. Тешләрне ничек сакларга? (балалар белән әңгәмә үткәрә)
Укытучы:
Кәндәлек режимны үтәргә кирәк. Бүген сөйләгәннәрне онытмагыз,
Һәрвакыт чиста, пөхтә йөрегез,
Сәламәт булып үсәрсез.
Безнең девиз: Чисталык – сәламәтлекнең нигезе ул.
6 662 946 материалов в базе
Настоящий материал опубликован пользователем Харисова Зимфира Галимзяновна. Инфоурок является информационным посредником и предоставляет пользователям возможность размещать на сайте методические материалы. Всю ответственность за опубликованные материалы, содержащиеся в них сведения, а также за соблюдение авторских прав несут пользователи, загрузившие материал на сайт
Если Вы считаете, что материал нарушает авторские права либо по каким-то другим причинам должен быть удален с сайта, Вы можете оставить жалобу на материал.
Удалить материал
Ваша скидка на курсы
40%
Курс профессиональной переподготовки
500/1000 ч.
Курс повышения квалификации
36 ч. — 144 ч.
Курс повышения квалификации
36 ч. — 144 ч.
Курс профессиональной переподготовки
300/600 ч.
Мини-курс
6 ч.
Мини-курс
3 ч.
Мини-курс
10 ч.
Оставьте свой комментарий
Авторизуйтесь, чтобы задавать вопросы.