- 30.12.2020
- 3419
- 4
РОБОТТАРДЫҢ "СУМО" ЖАРЫСЫНЫҢ РЕГЛАМЕНТІ
Бұл жарыста қатысушылар қарсылас роботты рингтің қара сызығының шегіне тиімді итеруге қабілеті бар дербес робот дайындауы қажет. Роботтар тіке жүріп бір-бірімен түйісуі қажет, роботтар түйіскеннен кейін рингтің ішінде әртүрлі бағытта маневрлар жасай алады.
1. Жарыстың шарттары
1.1. Жарыс екі робот арасында өткізіледі. Жарыстың мақсаты - қарсылас роботты рингтің қара сызығының шегінен итеріп шығарып тастау.
1.2. Роботтар тіке жүріп бір-бірімен түйісуі қажет, роботтар түйіскеннен кейін рингтің ішінде әртүрлі бағытта маневрлар жасай алады.
1.3. Егер роботтың кез-келген бөлігі қара сызықтың шегінен шығып кетсе, робот жекпе-жекте (өріс подиум ретінде қолданылған жағдайда роботтың кез-келген бөлігі подиумнан тыс бетті жанаса жеңіліс есептеледі) ұтылған болып есептеледі
1.4. Егер айқас аяқталғаннан кейін ешбір робот қара сызықтың шегінен шығарылмаған болса, дөңгелек ортасына жақын тұрған робот жеңімпаз болып есептеледі.
1.5. Егер жоғарыда көрсетілген әдістермен жеңімпаз анықталмаған жағдайда, жарыс төрешісі кері ойнау немесе жеңімпазды жариялау шешімін қабылдай алады.
1.6. Айқас кезінде команда қатысушылары роботтарға жолай алмайды.
2. Өріс
2.1.Диаметрі 1 м, қалыңдығы 5 см қара жиегі бар ақ дөңгелек.
2.2. Дөңгелекте қызыл сызықшалармен роботтардың бастау аймақтары белгіленген.
2.3. Қызыл нүктемен дөңгелек ортасы белгіленген.
2.4. Өріс 10-20 мм биіктігі бар подиум түрінде болуы мүмкін.
3. Робот
3.1.Роботтарға негізгі ережеде тиым салынғандардан басқа, қандайда бір жиынтықтарды қолдануға шектеулер қойылмайды.
3.2. Жарыстың барлық уақытында:
· Робот өлшемі бастаушылар үшін 250х250х250 мм-ден жалғастырушылар үшін 150x150x150 мм-ден аспауы қажет.
· Робот салмағы 1кг-нан аспауы керек.
3.3.Раунд алдында робот мына шартты қанағаттандыруы тиіс:
3.4.Робот дербес болуы керек
3.5. Төрешілердің ойынша басқа роботтарға әдейі зақым келтіретін немесе ластайтын немесе өрісті бүлдіріп, ластайтын робот байқау барлық уақытында ойыннан шығарылады.
3.6. Раунд алдында роботтардың габариттері, салмағы, детальдары тексеріледі.
3.7. Конструктивті тыйымдар:
· Робот дөңгелегі мен корпусында жабысуға бейімделген құралдарды қолдануға тыйым салынады.
· Роботтың ашық беттерінде қандай-да бір майланған құралдарды қолдануға тыйым салынады.
· Робот жұмысына жоғары орнықтылық беретін құралдарды қолдануға тыйым салынады, мысалы вакуумдық орта.
· Қарсылас роботқа бір нәрселерді лақтыратын құралдарды қолдануға тыйым салынады.
· Қарсылас роботқа қару ретінде сұйық, порошок және газ тәріздес заттарды қолдануға тыйым салынады
· Тез өртенуге бейімді заттарды қолдануға тыйым салынады.
· Қарсылас роботқа немесе рингке зиянын тигізетін конструкцияларды қолдануға тиым салынады
Жоғарыда көрсетілген ережені бұзған роботтар жарыстан шығарылады.
3.8. Раундтар арасында роботтын конструкциясын және робот бағдарламасын өзгертуге болады.
3.9. Әр айқаста роботқа әртүрлі жүктелген бағдарламаны қолдануға рұқсат.
3.10. Бастаушылар үшін робот сайыс барысында өз формасын өзгертуге болмайды. Жалғастырушылар үшін бастау дабылы берілгеннен кейін өз формасын 250x250x250 ге дейін өзгерте алады.
4. Жарысты өткізу.
4.1. Жарыс бірнеше Жекпе-жектен (мүмкіндік) тұрады. Жекпе-жек екі қатысушы роботтың ең күштісін анықтайды. Жекпе-жек 30 секундтық 3 айқастан тұрады. Айқастар қатарынан өткізіледі.
4.2. Жарыс кем дегенде екі раундтан тұрады (нақты санын ұйымдастыру комитеті анықтайды). Раунд - бұл әр робот ең аз дегенде 1 рет қатысатын жекпе-жек жиынтығы.
4.3. Бірінші раунд пен раундтар арасында командалар өз роботтарын баптай алады.
4.4. Раунд басталмас бұрын командалар өз роботтарын "Карантин" облысына орналастыруы қажет. Төрешілер роботтардың талапқа сай екенін растағаннан кейін жарысты бастауға болады.
4.5. Егер тексеру барысында роботтың құрастырылуында бұзушылық болса, төреші дұрыстауға 3 минут уақыт береді. Бірақ, бұл ескерту берілген уақытта түзетілмесе, команда жарысқа қатыса алмайды.
4.6. Робот "Карантинге" өткеннен кейін раунд соңына дейін оны өзгертуге, бағдарлама көшіруге, батарейкаларын ауыстыруға болмайды.
4.7. Төреші раундтың басталуы туралы жариялағаннан кейін, операторлармен қызыл сызықтың алдына роботтар қойылады.
4.8. Роботтар бастау позициясына қойылғаннан кейін, төреші операторлардан дайындығы туралы сұрайды, егер екі оператор роботты іске қосуға дайын болса, төреші бастауға дабыл береді.
4.9. Роботтарды іске қосу дабылынан кейін операторлар бағдарламаны іске қосады.
4.10. Роботтар тіке жүріп бір-бірімен түйісуі қажет, түйіскеннен кейін рингтің ішінде әртүрлі бағытта маневрлар жасай алады. Айқастың басталуымен роботтардың түйісу уақыты 15 секундтан аспауы керек.
4.11. Егер айқас басталғаннан кейін 15 секунд ішінде роботтар түйіспесе, төрешінің ойынша қай роботтың кесірінен түйісу болмады, сол робот айқаста женіледі.
4.12. Егер роботтар тіке жүріп, бірақ 15 секунд ішінде түйісіп үлгермесе, онда өріс ортасынан алыс тұрған робот жеңілген болып есептеледі.
4.13. Жекпе-жекке тікелей төрешілер және робот операторлары, яғни команданың бір мүшесі қатысады.
4.14. Роботтарды іске қосқаннан кейін операторлар 5 секунд ішінде өрістен 1 метрге әрі кетуі қажет.
4.15. Айқаста робот ұтылады, егер:
· Роботтың бір бөлігі рингтің қара шегінен асса.
· Егер робот қарсыласына қарағанда ринг ортасынан алыс тұрса. Айқас уақыты бітіп, ешбір робот ринг шекарасынан шықпаған жағдайда.
6. Төрелік
6.1. Егер өзгертулер ешбір командаға үстемдік бермесе, ұйымдастыру комитеті жарыс ережесіне өзгертулер енгізуге құқылы.
6.2. Бақылау және қорытындылар шығару белгіленген ережелерге сәйкес төрешілер алқасымен жүзеге асырылады.
6.3. Төрешілер барлық жарыс барысында барлық өкілдіктерге ие болады, барлық қатысушылар олардың шешіміне бағынуы қажет.
6.4. Төреші даулы жағдайларды шешу үшін қосымша мүмкіндіктер (айқастар) бере алады.
6.5. Егер төрешілікке байланысты қандай-да бір қарсылықтар болса, команда ағымдағы раунд аяқталмай тұрып, ұйымдастыру комитетіне ауызша шағымдана алады.
6.6. Роботтың жұмысына бөтен адам араласса, ойын өрісі жағдайының нашарлығынан ақаулық туындаса немесе төрешілердің қателігі болған жағдайда төрешілердің шешімі бойынша айқас кері ойналады.
6.7. Команда мүшелері және жетекшісі өз командасының роботының іс-әрекетіне немесе қарсыластың роботына физикалық тұрғыдан да, қашықтан да араласпауы керек. Араласқан жағдайда бірден жарыстан шығарылады.
7. Жеңімпазды анықтау
7.1.Ұйымдастыру комитетінің шешімі бойынша роботтарды саралауды шараның регламентіне және қатысушылар санына қарай әртүрлі жүйеде өткізуге болады.
Ұсынылатын жүйе:
· Бірінші раундқа "олимпиадалық жүйедегідей қос-қостан шығып қалу" бойынша 2-4-ке дейінгі финалистер анықталғанша барлық қатысушылар қатысады. Қатысушылар кезек бойынша жұптасады: бірінші екіншісімен, үшінші төртіншісімен және т.с.с. Жұптағы жеңілгені жарыстан шықпайды, тағы бір жекпе-жек өтетін төменгі кестеге ауысады және екі рет жеңілген робот ойыннан шығады.
· Екінші раунд бірінші раундтағыдай өтеді (әр командада кем дегенде 4 жекпе-жектен болады)
· Финалда алдыңғы раундардың барлық финалистері қатысады және әрқайысысы бір-бірімен жүйе бойынша жарысады
· Саралау жеңген жекпе-жек саны бойынша жүргізіледі, бірақ финалдың басында барлық финалистер тең деп есептеледі. Даулы жағдайларда қосымша жекпе-жектер (айқастар) өткізіледі.
8.Жарыс регламентінің икемділігі
8.1.Ереже икемділігі жарысқа қатысушылардың санының өзгеруіне байланысты болуы мүмкін, ол регламент мазмұнына болмашы әсерін тигізуі мүмкін, сондада оның негізгі компоненттері сақталуы тиіс.
8.2. Жарысты ұйымдастырушылар жарыс басталмас бұрын регламентке өзгерістер енгізе алады, бірақ одан кейін олар шара соңына дейін тұрақты болып қалады.
8.3. Жарыс регламентінің өзгерістері туралы қатысушыларға жарыс басталмай 15 минут бұрын айтылуы қажет.
8.4. Түзету енгізілген ережелер жарыс барысында өзгертілмейді.
9.ЖАУАПКЕРШІЛІК ТУРАЛЫ
9.1. Роботтардың еңбекке жарамдылығына, қауіпсіздігіне, команда мүшелерінің немесе олардың роботтарының іс-әрекеті негізінде туындаған жазатайым оқиғаларға ҚР Заңнамасына сәйкес команда мен жарысқа қатысушылар жеке жауапкершілікте болады.
9.2. Жарысты ұйымдастырушылар команда мүшелері мен олардың құрылғыларының іс-әрекеті негізінде туындаған апатты немесе жазатайым оқиға үшін жауапкершілік алмайды.
ҚОЛДАНЫЛҒАН РЕСУРСТАРҒА СІЛТЕМЕ
1. www.roboland.kz
2. www.myROBOT.ru
3. robolymp.ru
4. www.rus-robots.ru
Рабочие листы
к вашим урокам
Скачать
6 660 615 материалов в базе
Настоящий материал опубликован пользователем Махамбетова Мадина Казиевна. Инфоурок является информационным посредником и предоставляет пользователям возможность размещать на сайте методические материалы. Всю ответственность за опубликованные материалы, содержащиеся в них сведения, а также за соблюдение авторских прав несут пользователи, загрузившие материал на сайт
Если Вы считаете, что материал нарушает авторские права либо по каким-то другим причинам должен быть удален с сайта, Вы можете оставить жалобу на материал.
Удалить материал
Ваша скидка на курсы
40%
Курс профессиональной переподготовки
500/1000 ч.
Курс профессиональной переподготовки
300/600 ч.
Курс профессиональной переподготовки
600 ч.
Курс повышения квалификации
72/180 ч.
Мини-курс
3 ч.
Оставьте свой комментарий
Авторизуйтесь, чтобы задавать вопросы.