Тақырыбы: «Шаттыққа
толы жүрекпен» педагогикалық ұжымға арналған тренинг
Мақсаты:
ұстаздар қауымының қабілетін, ынта-жігерін, қызығушылығын,
шығармашылығын, біліктілік дағдыларын арттыру.
Басқарушы:
Сәлеметсіздер ме, құрметті әріптестер! Жаңа оқу
жылдарыңыз құтты болсын!
Мұғалім- тәуелсіз мемлекетіміздің болашағын қалап жатқан маман.Өйткені ел
болашағының кілті- бүгінгі жас ұрпақтың қолында.Ұстаздар өз уақытын аямаған,
өзгенің бақытын аялаған, адам жанын терең түсінетін, адаммен қарым-қатынаста
жоғары адамгершілік қасиетін көрсете білетін, жүзінен жылылық, мейірімді күн
нұрындай шуақ шашып, өзіне баурайтын адам.Олай болса, жаңа оқу жылындағы еңбек
жолдарыңыз сәтті болсын деген тілегімді білдіре отырып, тренингімізді
бастаймыз.
1. Сәлемдесу
«Бір күнгі танысына қырық күн сәлем»
дегендей, біз бүгін бір-бірімізбен дәстүрден тыс амандасудың түрлерін
көрсетейік.
1-нұсқау.
Бір-біріне күлімсірей қарап, алақанның ішін және сыртын тигізіп сәлемдесу.
2-нұсқау.
Оң жақ тізелерін түйістіру арқылы сәлемдесу.
3-нұсқау.
Оң жақ, сол жақ иықтарын тигізіп сәлемдесу.
4-нұсқау.
Маңдайларын бір-біріне тигізіп сәлемдеседі.
2. «Күн
шапағындағы менің портретім»
Сіздер
«Мен құрметке қалай ие болдым?» деген сұраққа жауап беруге тырысыңыздар. Оны
орындау оңай болу үшін сіздер шеңбер сызып, оның ортасына өз есімдеріңізді
жазыңыздар.Сонан соң күн шуақтарына өзіңіздің жетістіктеріңіз бен жақсы
қасиеттеріңізді жазыңыз. Күн шуағының мол болғанына көңіл бөліңіз. Жұмыс
уақыты- 2 минут
Басқарушы:
Өз
есіміңізді атаңыз, жетістіктеріңізді оқыңыз.
3. «Әріптер
арасындағы сөздер»
Көптеген әріптердің арасында тұтас сөздер
бар. Сіздер тез оқи отырып, сол сөздердің астын сызуларыңыз керек. Жұмыс
уақыты- 2 минут.
Аашпгоппартаивнртерезевнаапташыопккарталыгксағатлыгсабақоыгборпыаукесікрвнбасбалдақинакпотақтагыеоқушыоанмұғалімрыгадиректорвпыкуқызметкерапецуранлвгкдәптершввр.
4. «Суреттер
сөйлейді»
Мұғалімдерді топқа бөлу. Алдарыңызға
кітап, қоңырау және глобус берілді. Осыдан өздеріңіздің қалауларыңыз бойынша
ұнайтын затты таңдап топқа бөлінесіздер.
Тапсырма:
Үлестірмелі суреттер салынған парақтар әр топқа таратылады және ұстаздар сол
суреттерге қарап, суретті сөйлету керек.
1. Ақ
қағазға сызылған төртбұрыш ішінде қара нүкте орналасқан.
2. Оның
болашағы да соншалықты жарқын,шуағын төккен күн астында әр ұлттың балалары қол
ұстасып тұрғаны бейнеленген.
3. Түнгі
аспан, жымыңдаған жұлдыздар, жарығы сөнбеген бір үй бейнеленген.
Кілті: 1- тапсырма бойынша: Ортасында қара
нүктесі бар үлкен ақ кеңістік. Бұл- бала алғаш дүниеге келгенде осы ақ қағаздай
пәк, сол қағазға ата-анасымен бірге біздер, яғни ұстаздардың салғын бейнеміз
қаншалықты дұрыс болса, сол нәтижесімен салыстыруға болады.
2-
тапсырма бойынша: Ұлты басқа болғанымен, бұл балалардың жан дүниесі бірдей,
сондықтан да ұлағатты ұстаз оларға күн сәулесіндей, бірдей мөлшерде мейірім
шуағын төгеді.
3-
тапсырма бойынша: Түн. Айнала жым-жырт. Аспанда жымыңдаған жұлдыздар. Түгел ел
ұйқыда, бірақ ояу бір кісі бар. Бұл мұғалім. Ол қанша жыл ұстаз болғанымен,
мектепте де, үйде де ертеңгі сабағына үлкен жауапкершілікпен дайындалып келеді.
4. «Табиғат
мінезі» жаттығуы
Қане, бәріміз тізбектеле тұрайық.
Көзімізді жұмып, өзімізді табиғат аясында тұрғандай сезінейік. Күн тамаша,
ашық, күн сәулесі шуақ шашып тұр, айнала тамаша көрініске толы. Енді көзімізді
ашып, өзімізді еркін сезінейік. Алғашқыда бәрі жақсы болып тұрды да, аяқ
астынан жеңіл жел соқты.
Алдыңызда тұрған адамның арқасынан жәймен
ғана қолмен жеңіл желдің самалындай етіп сипайсыз.
Жел күшейді- енді алдыңыздағы адамның
арқасын қатты уқалай бастаймыз.
Кенет, боран басталды- енді боран күшіндей
екі қолмен айналдыра күштірек уқалаймыз.
Содан кейін, аяқ астынан жәй ғана жаңбыр
сіркірей бастады- енді қолымызбен жаңбырдың сіркірегеніндей жәймен ұрамыз.
Бір кезде қатты жауын жауды- біз қатты
жауын сияқты арқамызды саусақтардың ұшымен жоғары төмен сипалаймыз.
Аяқ астынан бұршақ жауды- арқамызды саусақ
басымен бұршақ жауғандай қаттырақ ұрамыз.
Бір кезде бәрі басылды, күн жарқырап
ашылып, адамға бір күшті шуақ берді. Бір-бірімізбен құшақтасамыз.
Тренингке қатысқандарыңызға
өте куанштымын!
Оставьте свой комментарий
Авторизуйтесь, чтобы задавать вопросы.