Сабақтың тақырыбы: Фольгадан түйе жасау.
Сабақтың мақсаты: фольганы қолмен
умаждау арқылы түйені мүсіндеу тәсілін меңгеру.
Білімдік: бұйым жасау барысында
фольганың қасиеттерін тиімді пайдалана білу; түйенің халық шаруашылығындағы
пайдасы туралы баяндап беру.
2. Оқушының бұйым
жасау шеберлігін қалыптастыру, шығармашылың қабілетін арттыру.
3. Өз елінің тарихын,
салт-дәстүрін танып білуге тәрбиелеу.
Қажетті материалдар
мен құрал-жабдықтар: жұқа фольга, қайшы.
Сабақтың барысы:
Мұғалім оқушылармен сұрақ-жауап
әдісі арқылы төрт түлік малдың бірі - түйе жануары жөнінде әңгіме қозғайды.
Түйенің адам өміріне қаншалықты пайдасы бар екенін ұғыну мақсатында оқушылардың
пікірін ортаға салып топтастыру жұмысын жүргізеді.
Қазақ халқы үшін
түйенің алатын орны ерекше. Қазақ түйенің пірі - Ойсыл қарадан былай тілек
тілейді:
...«Маң-маң басқан,
маң басқан,
Шудаларын шаң басқан,
Төрт аяғын тең басқан,
Екі өркешін қом
басқан,
Тілін тікен теспеген,
Алабота теріскен,
Мұрындығы келіскен,
«Шөк!» - дегенде,
«Бық!» деген,
Шешіп үйін жүктеген,
Ойсыл қара баласы
-
Түйе бассын үйіңді!
Түйе басса үйіңді,
Кие бассын үйіңді!»
Түйе жайында мәліметке
қаныққан оқушылар түйе бейнесін фольга қағазынан сомдауға дайындалады (жұмыс орнын
ретке келтіру, сарамандық жұмысқа дайындық).
Сарамандық жұмыс.
Оқулықтағы суретке
қарай отырып мұғалімнің көмегімен түйе бейнесі сомдалады. Жұқа фольга мен қалың
фольганың айырмашылығы туралы түсінік беріледі. Белгілі бір бейнені сомдау үшін
умаждауға ыңғайлы жұқа фольга қолданылатыны анықталады.
Жұмыстың орындалу
реті:
1) Фольганы суретте
көрсетілгендей қиып ал.
2) Алдыңғы үш
бөлшектің екі жағындағы бөлшектер - түйенің алдыңғы аяқтары. Ортаңғы бөлшегі
түйенің мойны мен басы болады.
3) Артқы үш бөлшектің
екеуі - түйенің екі артқы аяғы.
4) Суретке қарай
отырып, фольганы қолмен мыжу арқылы түйе мүсініне келтір.
Жұмыс барысында
қауіпсіздік ережесін оқушы әрдайым есінен шығармауы тиіс:
Қауіпсіздік ережесімен
балаларды таныстыру.
1) Фольга қағазын
аузыңа салма.
2) Қайшыны жолдасыңа
доғал жағымен ұсын.
3) Қайшының жүзін ашың
қалдырма.
Жұмысты аяқтағаннан
кейін, уақыт қалса фольгадан басқа да жануарлар түрін жасауды тапсыруға болады.
Бағалау. Оқушылардың
жасаған жұмыстарын көрмеге қою. Әр оқушының жасаған жұмысы талдана отырып баға
қойылады.
Оставьте свой комментарий
Авторизуйтесь, чтобы задавать вопросы.