Сабақтың тақырыбы:
Қобыланды батыр.
Сабақтың мақсаты: оқушылардың
жаңа тақырыпты меңгеруін ұйымдастыру.
Күтілетін
нәтижелер:
Пәндік нәтиже. Қазақ
батырларының шайқастағы ержүректіліктерін елестете отырып, кейіпкер әрекетін
талдауға мүмкіндік беру.
Жүйелі іс-әрекет
нәтижесі. Жыршының
айту мәнеріне салып, мәнерлеп оңу арқылы өлең құрастыруға шабыттандыру.
Тұлғалық нәтиже. Өз Отанына
деген мақтаныш сезімдерін тәрбиелеу арқылы болашақ Отан қорғаушы екенін
сезіндіру.
Сабақтың
көрнекілігі: Қобыланды
батыр, қазаң батырлары суреттерінің топтамасы. «Қобыланды батыр» жыры
аудио-видеотаспа.
Сабақтың барысы:
Ұйымдастыру кезеңінде оқушылардың
сабаққа әзірліктерін байқап шығу.
Үй жұмысын дағдылы үлгі бойынша
бақылап, тексеру.
І. Қызығушылықты ояту.
Батырлар суреттерінің топтамасы
бойынша «Галереяға саяхат» ұйымдастыруға болады.
- Бұл суретте кімдер бейнеленген?
- Олай ойлауларыңа не себеп болды?
- Қандай ерекше белгілеріне қарап
айтуға болады?
- Сабағымыздың тақырыбы кім туралы
болмақ?
- Нені білгіміз келеді? Неге
үйренуіміз керек?
- Бұл суреттерден кімдерді тани
алдың?
- Қазақ батырлары жайлы не білесің?
Білемін
|
Білгім келеді
|
Білдім
|
|
|
|
Жұпта ой бөлісу.
Кестенің бірінші бөлігін толтыру.
- Батырлар жайлы көбірек білгілерің
келе ме?
Өздеріне ұнаған, таныған
батырлардың есімін атай отырып топтарға бөліну.
- Бүгін алдымыздан батырлар жеңіп
шығуы тиісті бірнеше қамал шығады. Бірінші қамалымыз - алдында орындаған кесте.
Жұмыс барысында бірнеше қамал кездеседі. Кім мүдірмей шықса, сол топ жеңімпаз болады.
ІІ. Мағынаны тану.
- Батырлар жайлы біраз мәлімет
біледі екенсіңдер. Енді бұл ақпарат қатарының ауқымын кішірейтейік.
Қобыланды батыр жайлы оқушылардың
білетіндерін байқап алу.
Бұл - екінші қамал.
Бұл - үшінші қамал.
«Түртіп алу» әдісі
бойынша
жырдан үзіндіні оңу.
V -
келісемін, білемін
«-» - келіспеймін
«+» - жаңа нәрсе
? - түсініксіз
Әркім өзі түсініп, елестете, түртіп
отырып оқып шығады. Оқушылар жұмысының қорытындысын тыңдау, түсініктеме беру.
Жырдан үзіндіні таспадан тыңдау.
- Қандай әсер алдыңдар?
- Өздерің оқығаннан айырмашылығы
бар ма?
- Яғни, балалар, жырды оқу да,
түсініп, сезіне отырып тыңдау да - бір өнер. Болашақта сендердің де араларыңнан
жақсы жыршы, термешілер шығатынына сенемін.
Мәтін соңындағы сұрақ-тапсырмаларды
орындау. Сергіту сәті. Жырдағы батырлардың шайқасын қимыл-қозғалыспен
көрсету.
«Қанжарменен қармасты, Семсерменен
серместі...»
Алдыңғы кестенің екінші топтамасын
толтыру.
ІІІ. Ойтолғаныс.
Қобыланды батырды сипаттау кестесін
толтырайық. Әр сипаттауға түсініктеме беру. (Мысалы: ержүрек десе, оның
ержүректілігін өлеңнің қай тұсынан аңғардың?)
Бұл - төртінші қамал.
Кестенің үшінші бөлігін толтыру.
«Бүгінгі сабақтан не білдім?»
Жұпта, топта талқылау арқылы
орындау.
- Қобыланды батыр жырын оқи отырып
қазақ батырларын көз алдыңа елестете алдың ба? («Галереяға саяхатқа» қайта оралу).
Керек дерек:
Қарақыпшақ Қобыланды, Қарақасқа
атты Қамбар батыр, Ер Тарғын, Қаракерей Қабанбай, Қанжығалы Бөгенбай, Шапырашты
Наурызбай, Батыр Баян, Қарасай, Өтеген, Сұраншы, Саурық, Сыпатай, Райымбек,
Махамбет, Исатай, Сырым, Кенесары, Наурызбай, Амангелді, т.б. - есімі елге
белгілі, қол бастаған немесе ұлт-азаттық күрестің ұйтқысы, басшысы болған
батырлар.
Үйге тапсырма ретінде: Алшағыр хан мен
Қобыланды батыр арасындағы шайқас немен аяқталғанын білгің келсе, осы жырды
мектеп кітапханасынан алып, жалғасын оқып келу.
Оқушылардың жауаптарын бағалау.
Сабағымыз батырлар жайында болғандықтан, бағаларымыз да нағыз батырларға сай
болу қажет.
- Бүгін біздің алдымыздан бірнеше
қамал шықты. Қай топ барлық қамалды жеңіп шықты екен?
Бағаларын сараптау.
Оставьте свой комментарий
Авторизуйтесь, чтобы задавать вопросы.