Бекітемін:
Күні: 9.12.2016
Сыныбы: 6 « А»
Тақырыбы: «Қыз-еркем, қылығымен көркем»
Мақсаты: қыздардың эстетикалық талғамының жоғары
болуын, сұлулықты, әдемілікті сезініп, өзін қоршаған ортада сымбатты ұстай
білуге тәрбиелеу, халқымыздың ұлттық өнерін дәріптеу, технология пәні бойынша
білім біліктерін шыңдау.
Әдісі: репродуктивтік, сұрақ-жауап, баяндау,
сарамандық.
Көрнекілігі: сұрақтар, ою-өрнектер, газеттер, киім
үлгілері, нақыл сөздер.
Сайыстың өтілу барысы:
1. Сайыс мақсатымен таныстыру.
2. Қолөнер сайысының өтілу барысы.
3. Қорытындылау. Марапаттау.
Жоспары:
1. «Топтың атымен таныстыру, топтың
ұраны.
2. «Анасын көріп, қызын ал» өз
өнерлерін корсету.
3. «Мықты болсаң, тауып көр»
сұрақ-жауап.
4. «Шебер қолдар» салат түрлерін
жасау.
5. «Қыздарға әсемдік жарасады» Сән
киім үлгісін көрсету (үй жұмысы)
6. Дастархан жабдықтау, берілген
ыдыстарды, асханалық құралдарды дастарханға дұрыс орналастыру, сулықтарды
бүктеу тәсілдерін көрсету
1-жүргізуші: Құрметті ұстаздар, оқушылар!
Эстетикалық пән бірлестігінің «Тәуелсіздік-тұғырым»
атты апталық аясында откелі отырған « Қыз-еркем, қылығымен көркем» атты
сайысымызды бастаймыз.
2-жүргізуші: Сайысқа қатысқалы отырған қыздарымызды
қошеметпен ортаға шақырайық.
1- жүргізуші:
Сайыста жеңісте бар, жеңілісте бар,
Қуанып шаттанып, күлуде бар.
Өнерін тамашалап отыр қауым,
Сайыста әділқазылар тағыда бар.
Келесі кезекте әділқазылар алқасымен танысу
Сызу пәнінің мұғалімі – Абтикерова Аманкүл
апай
Мектебіміздің аға тәлімгері – Зухра апай
Музыка пәні мұғалімі – Нарманова Күлмараш
апай
2-жүргізуші: Қазақ халқы қашанда қыз бала тәрбиесіне
үлкен мән берген
Мысалы: «Қызға қырық үйден тыю, бір үйден жию», «Қыз
қылығымен тәтті», «Қыздың жиған төсегіндей» ...т.б
1-жүргізуші: Ендеше, бүгінгі сайысымыздың мақсаты ..
қыздардың эстетикалық талғамының жоғары болуын, сұлулыққты, әдемілікті сезініп,
өзін қоршаған ортада
Сымбатты ұстай білуге тәрбиелеу, халқымыздың ұлттық өнерін
дәріптеу, технология пәні бойынша білім біліктерін шыңдау.
2-жүргізуші: Бүгінгі сайыс «Қолға жұмыс-жүрекке
қуаныш» деген ұранмен өткелі отыр. Сайысымыздың 1-ші бөлімінде әр топ атын,
ұранын айтып өтуі тиіс.
Кімдер жүйрік, өнерпаз білейікші
Аруы деп мектептің жүрейікші
Әділқазыларға тек әділдікті,
Ал, қыздарға тек сәттілік тілейікші!
Кезек топтарға беріледі.
1-жүргізуші: Би билеп, ал біреуі ән салыпты.
Бүгінгі сайысқа бәйге алуға,
Арулар аянбай ақ жан салыпты, - дей келе « Анасын көріп,
қызын ал» өз өнерлерін көрсету. Әр топқа мата және ою-өрнек таратылады.
Мата бетіне ою-өрнектен түйреуіштермен қыстыру арқылы композиция құрау керек. Бұл
жерде түстердің үйлесімділігі, ұқыптылық, жылдамдық ескеріледі.
2-жүргізуші: Түйреуіштермен жұмыс кезінде қауіпсіздік
ережелерін сақтауды ұмытпайық.
1-жүргізуші: Қыздарымыз іспен айналысып жатқанда 6 «А»
сынып оқушыларының орындауында « Кара жорға» биін тамашалаңыздар.
2- жүргізуші: Жек жат кім, жұрағат кім, жамағат кім?
Көңіліне тоқып бәрін жүрмей мекен
Туысты қалай атау керектігін
Кәнеки, біздің қыздар біле ме екен, - дей келе «Мықты
болсаң, тауып көр» сұрақ –
жауап сайысына да келіп қалдық....
1. Үш арсызды ата? (Ұйқы,
күлкі,
тамақ)
2. Жеті қазынаны ата?
( 1. Ер жігіт
2. Сұлу әйел
3. Ақыл, білім
4. Жүйрік ат
5. Қыран бүркіт
6. Берен мылтық
7. Жүйрік тазы )
4. Жеті жұртты ата?
(Оба, Зіл зала,
Су тасқыны,
Асаршылық,
Құрғақшылық,
Өрт,
Апат)
4. Әпкеңнің
қызы саған кім?
(Бөле)
5. Ер баланың үш жұртын ата?
(өз жұрты, нағашы жұрты, қайын жұрты)
6.Жеті атаны ата?
(Әке,
бала,
немере,
шөбере,
шөпшек,
немене,
туажат
7.Бес арысты ата?
(Ахмет Байтұрсынов,
Міржақып Дулатұлы,
Жүсіпбек Аймауытов,
Шәкәрім Құдайбердіұлы,
Мағжан Жұмабаев)
8. Жеті күнді ата?
1. Дүйсенбі
2. Сейсенбі
3. Сәрсенбі /сәтті күн/
4. Бейсенбі
5. Жұма /қасиетті күн/
6. Сенбі
7. Жексенбі.
1- жүргізуші:
Көрсетті өнер әр салада сайысып,
Қимылдары бір жүргендей жай ұшып,
Мерекелік ас мәзірін жасапты,
Қыздарымыз дем арада майысып.
Бұл бөлімде қыздар өздерінің аспаздық өнерлерін көрсетеді.
2- жүргізуші:
Құлақтан кіріп, бойды алар,
Жақсы ән мен тәтті күй.
Көңілге түрлі ой салар,
Әнді сүйсең, менше сүй,- деп ортада
Шамбилова Назеркенің
орындауында
«Ән шашу»
1- жүргізуші:
Сымбатына сән киім жарасатын,
Аспандағы ай менен таласатын.
Өнеріне сай келіп тұрған,
Аруларға қызығып қарасасың –дей келе сайысымыздың «Қыздарға
әсемдік жарасады» Сән киім үлгісін көрсету бөліміне берсек.(Аруларды
кезек-кезекім ортаға шақырымыз, сән үлгісін көрсетеді және таныстырады)
2- жүргізуші: Келесі сайысымыз Дастарқан жабдықтау
сайысы. Бұл сайыстын шарты: Дастарқанға асханалық құралдарды дұрыс орналастыру,
сулықтарды сәнді етіп бүктеу.
Әділқазы бағаларын береді.
(әділқазы алқасы ортаға шығып өз пікірін білдіреді,
аруларға жинаған ұпайларына
сай атақтары мен мақтау қағаздарын береді.)
1-жүргізуші: Мен қазақ қыздарына қайран қалам,
Жанары жаны жаздай жайраңдаған.
«Қыз өссе -елдің көркі» деген сөзді
Қапысыз қалай айтқан қайран бабам?!
Құрметті қонақтар келгендеріңізге көп-көп
рахмет.
Оставьте свой комментарий
Авторизуйтесь, чтобы задавать вопросы.