- 02.10.2020
- 645
- 11
Рабочие листы
к вашим урокам
Скачать
Тәрбие сағатының тақырыбы:"Әрбір бала - бір жұлдыз" Мақсаты: Жан - жақты жетілген, білімді де тәрбиелі, қазақ халқының салт-дәстүрін дәріптеп, ата-ана аманатын жалғастыратын толыққанды азамат тәрбиелеу. Жас ұрпақты өз ойын жеткізе білуге, шығармашылықпен жұмыс жасауға баулу. Көрнекілігі: Мультимедия, баспасөз материалдары, оқушылар шығармашылығы. Әдісі: Интерактивтік әдіс. І. Ұйымдастыру. Гимн «Менің Қазақстаным» ІІ. Кіріспе сөз. Жас ұрпаққа тәрбие беру мәселесі мемлекетке де, ата-ана мен мұғалімге де зор міндет жүктеуде. Тәрбиелі оқушы әдепті, ақылды, білімді, еңбекқор, адамгершілік қасиеттерімен ерекшеленіп, сыныптастары үлгі алатын, беделді болып келеді. Әр бала – керемет рухани күш иесі. Ол шетсіз-шексіздікті танып білуге ұмтылады. Балаға сеніммен қарау оны қуаттандыра түседі. Қазақ халқы бала бойына салт-дәстүрді сіңіре отырып, мүшел жасты ең қауіпті де, қатерлі кезең деп есептеген. Балаларын қатерден қорғау үшін көптен тілеу тілеп, бата алған екен. Осы дәстүрге орай бүгінгі тәрбие сағатымызды баланың дүние есігін ашқаннан алғашқы мүшелге дейінгі кезеңдегі өмірден алған мағлұматтары мен жеткен жетістіктеріне арнап «Әрбір бала - бір жұлдыз» деп атадық. ІІІ. «Менің жұлдызым жоғары» (Жұлдызды топпен таныстыру.) ІҮ. «Келемін ғой өсіп мен» (Мүшел жастың тарихымен таныстыру) Ү. «Сырлы есімдер...» (Оқушылар шығармашылығы) Адам өмірінде өз есімінің алар орны ерекше. Ат қойыстың өзінде де бүкіл бір халықтың психологиясы, таным – түсінігі, ой – арманы көрініп тұрады. Өмірде өзінің қолы жетпеген биіктерге, армандарға ұрпағының қолы жетсін деп тілемейтін ата – ана жоқ. Дүниеге келген нәрестеге ат қою расында да ізгі ниеттен туындайды. «Балаға қандай ат қойылса, оның болашақ тағдыры соған байланысты болады», - деген наным - сенім бар.Ендеше, өз есімдеріміздің сырына үңіліп көрейік... - Менің Айнұр есімімді атам қойған. Аспанда жалғыз ай болса, оның нұры жерге түсіп айнала жап – жарық болады. Менің өмірім де «Айдай нұрлы болсын» деген тілектен туған. - Бақытжан деп менің есімімді «Әлемдегі ең бақытты жан болсын» деген тілеумен әжем қойған. - Айдана деп атымды «Айдай сұлу, Данадай ақылды болсын» деп ата – анам қойған. - Гүлжанар деген менің есімімді «Гүлдей көркем, жанар таудай биік болсын» деп қойған. -Менің Алтынбек деген атымды ата - анам үлкен үмітпен қойған. "Алтын" сөзі түсінікті, ал "бек" ақсүйек тұқымынан шыққан лауазым иесі, яғни менің үлкен адам болып шығуымды тілек еткен. - Мен әжемнің еркесімін, Асылтас есімімді әжем үлкен мағынаға теңейді. -Әйгерім есімім "керім" сұлу, сүйкімді" мағынасын береді. -Менің Талуханайбек есімім ерекше шежіреге байланыстырылып қойылған. Тағанқожа - атам, Ұлубек - әкем, Хансұлу - әжем, Айжан – анам, Алмасбек – ағам есімдерінің буын бөліктерінен менің есімім құралған. Бұдан басқа Еркежан, Ақтамберді, Айбек, Азамат, Назерке, Мадина, Серікбол, Айзада, Әсемгүл, Эльвира, Айгүл, Мейрамгүл, Алтынай есімді оқушылар өз шығармашылығын қорғады. Талай ұрпақ ауысар, талай әдемі есімдер дүниеге келер, бірақ қай заманда да сөзге мән берілген. Ат қоюдағы жауапкершілігімізден жаңылмасақ болғаны. ҮІ. «Туған күн айшықтары» (Әлем деректерінен) М. Шахановтың «Туған күн кешінде» әні орындалды. ҮІІ. «Жұлдыздар шоғыры туралы не білеміз?» Шығыс халықтары, оның ішінде қазақтар да жан-жануарлардың атымен аталатын көне халықтық календарьды кеңінен пайдаланып келеді... ҮІІІ. «Жүректен жүрекке» (Ата – аналарға арналған тренингтік тапсырма) Балам –ай, өзің жайлы ойланамын, Шынымен мұндай кезде ой да қалың. Кішкентай жүрегіңді тебіренткен, Анаңа сұрақ болса қой, қарағым. 1 топқа: «Өмір өрнектері...» (Аяқталмаған тезис беріледі) 2 топқа: «Сіздің өміріңіздегі балаңыздың алар орны...» Ата – аналар өз топтарына берілген тапсырманы қорғап, ойларын ортаға салады. ІХ. «Мен...» (Ата – аналардың жауабын тыңдап, оқушылардың ата – ана өміріндегі өз орындарын салыстырту) Х. «Мен жұлдызбын – жарқыраған» Сынып оқушыларының оқу үлгерімі, олимпиада, кіші ғылыми кеңес, түрлі аудандық, облыстық, республикалық сайыстар мен түрлі марафондардағы жетістіктері сараланып әр оқушы ұпайлары бойынша жұлдыз бойынан өз орындарына орналастырылды. М. Мақатаевтың «Бақыт деген» әнін оқушылармен қосылып мұғалімдер, ата – аналар бірге орындады. ХІ. Қорытынды сөз. Бау – бақшаны баптап, күтіп, мезгілімен суарсаң ғана жеміске кенелесің. Бүгінгі тәрбие сағатының ерекшелігі: «Отбасы – тұлға қалыптастырушы бесік» ретінде ата – аналармен бірлесе отырып өткізілді. Бала бойына адамгершілік қасиет пен білім нәрін, тәрбие негізін бірлесе отырып сіңірсек қана сол бір мол жеміске жетеміз. Қазақта «Жұлдызың – жоғары болсын» деген бата – тілек бар. Ендеше, ұрпағымыздың шоқ жұлдыздай жарқырап көріне беруіне тілек білдірейік.
6 654 631 материал в базе
Настоящий материал опубликован пользователем Жандыбаева Мейрамгуль Мухтаровна. Инфоурок является информационным посредником и предоставляет пользователям возможность размещать на сайте методические материалы. Всю ответственность за опубликованные материалы, содержащиеся в них сведения, а также за соблюдение авторских прав несут пользователи, загрузившие материал на сайт
Если Вы считаете, что материал нарушает авторские права либо по каким-то другим причинам должен быть удален с сайта, Вы можете оставить жалобу на материал.
Удалить материал
Ваша скидка на курсы
40%
Курс профессиональной переподготовки
500/1000 ч.
Курс повышения квалификации
72 ч.
Курс повышения квалификации
36 ч. — 180 ч.
Курс повышения квалификации
36 ч. — 180 ч.
Мини-курс
4 ч.
Оставьте свой комментарий
Авторизуйтесь, чтобы задавать вопросы.