Оқыту мен тәрбиелеудің негізгі формасы

Оқыту мен тәрбиелеудің негізгі формасы
Сабақ – оқыту мен тәрбиелеудің негізгі формасы мен орталығы.Өткізілген сабақтың сәтті болып шығуының түрлі шарттары бар.Оның ең негізгісі – ұстаздың білімі мен  жан –жақтылығы. «Ұстаз –мәңгі нұрдың қызметшісі,ол барлық ой мен қимыл әрекетіне ақылдың дәнін сеуіп,нұр құятын тынымсыз жалын иесі»-дейді А.Каменский.Бұған қоса ұстазға шындалған әдістемелік шеберлік қажет.Сабақты жоспарлауда,өткізуде,ұйымдастыруда мұғалімнен үлкен жауапкершіліқажет етеді.Сонымен қатар мұғалім әр оқушының тыныс-тіршілігі іс-әрекеттері мен сабаққа үлгерімнен бастап, олардың азаматтық қалыптасуына дейін жанашырлық танытатын мектептегі ең жақын адамы болмақ.
Сабақ өткізу барысында мұғалім алдында мынадай міндеттер тұрады:
-оқушы сабақ кезінде қажетті мәліметтерді,заңдылық,ережені,өлең,фактіні алуға және есіне сақтауға міндетті:
- оқушыны сабақ барысында жазуға,оқуға,есеп шығаруға,көркем шығармалар орындатуға үйрету:
- оқушылардың қабілеттілігін арттырып отыру.Олар өз бетімен жұмыс істеуі,шығармашылық мүмкіншіліктері,ойлау қабілетін арттырып отыруы.
-Оқушының дүниетанымын,еңбек сүйгіштігін,патриотизмін-елжандылығын,адамгершілігін арттырып отыру.
Оқушы сабақтың мазмұнын,құрылысын,дәлдігін,жұмыс жүргізу тәсілін мұқият ойластыру қажет,яғни қарапайым,елеусіз жайлардың өзін әр қырынан құбылта,ойната көрсетіп,болмыстық бойына қан жүгіртіп,өзгеше қимыл-қозғалысқа түсіруге шебер жан болуы керек.Сабақты жоспарлауда мынадай негізгі талаптар қоюға болады:
1.    Сабақтың тақырыбына сай үш мақсатты нақтылай қою
2.    Оқушының бар зейінін сабаққа аударып бар ынта-жігерімен тыңдауын ұйымдастыру.
3.    Көрнекі құралдың әсерлігі,мазмұндылығы,нақтылығы.
4.    Мысалдардың ғылыми тұрғыда дәлелденген,өмірмен байланыстылығы.
5.    Оқушымен жұмыстың әр түрлілігі,жандылығы.
6.    Оқушы алдына проблема қойып,оны шешу жолында ізденіс жасату.
7.    Оқушының шығармашылық белсенділігін арттыру.
«Ойынсыз,музыкасыз,ертегісіз,фантазиясыз толық мәндегі ақыл-ой тәрбиесі деген болмайды» -дейді Сухомлинский
Осы ойларымды жинақтай келе,мен өз сабағымды мынадай мақсатпен өткізуді көздеймін:
-    Оқушылардың өз ойларын айта білу дағдысын қалыптастыру
-    Байланыстырып жүйелеп сойлеуін дамыту,жетілдіру
-    Сөздік қорын толықтырып,гамматикалық сауаттылығын арттыру:
-    Сөйлеу мәдениетін дамыту
-    Жан дүниесін байыту,ой қиялын өрбіту
-    Оқушының жігерін тәрбиелеу
-    Сын тұрғысынан ойлауын дамыту
-    Әдеби сауатын ашу,рухани дүниесін байыту
-    Көркемдік,эстетикалық талғам көкжиегін кеңейту;
-    Ізгілікті,елжанды дара тұлға тәрбиелеу
-    Өз іс-әрекетін бағалай білу,өзіндік пікір білдіру,өзіндік көзқарасын дәлелдеу,шығармашылық қабілетін қалыптастыру;
-    Адами қасиеттерге,имандылыққа,шеберлікке,еңбек,тапқырлыққа тәрбиелеу,өмірге бейімдеу;
-    Ой-өрісін шыңдай отырып,өмірге көзқарасын қалыптастырып,бойындағы өнерін танып,бағыт-бағдар беру.
-    Қорыта келгенде,біздің өткізген сабағымыз оқушыларға қызықты болып оларды жалықтырмауы қажет.Қызықтырар ұстаз болса,қызықпайтын шәкірт жоқ.