- 03.10.2020
- 314
- 0
Рабочие листы
к вашим урокам
Скачать
«Оқимын, ойлаймын, ойнаймын»
( мектепалды даярлық тобының тілашар тойы)
Мақсаты:Оқушылардың мектеп туралы білімдерін кеңейту.Мақал-мәтелдер, өлеңдер арқылы тілін, ойын,сөздіек қорын ,байланыстыра сөйлеу мәдениетін дамыту. Балаларды үлкендерді сыйлауға, айтқан ақылдарын тыңдай білуге тәрбиелеу. Түрлі ойындар арқылы ұйымшылдыққа, тапқырлыққа тәрбиелеу
Көрнекілігі: Пернелік тақта,суреттер, қима , үлестірмелі суреттер, нақыл сөздер
Өту барысы:
Тәрбиеші: Қымбатты ұстаздар, оқушылар, ата-аналар! Күні кеше білім баспалдағына алғаш рет қадам басқан бөбектеріңіздің бүгінгі «Тілашар» тойына қош келдіңіздер! Ендеше ертеңгі күннің үмітін ақтар еліміздің болашақ азаматтарын ортаға шақыроайық.
«Той» деп бүгін көңіл шіркін тасады,
Ән менен күй көңіл сырын ашады.
Той деп келген қонақтарға мың алғыс!
Ақ жаулықты аналар – той шашуын шашады:
1-Диас: Шашу шашты әжелер,
Сылдырлатып теңгелер.
Тойымыздың шашуы
Сәт сапарға тең келер.
2-Аружан:
Тану үшін бабаңды
Тану үшін анаңды
Тану үшін ғаламды
Мектеп керек адамға!
3-Әлихан:
Сатпау үшін арыңды
Сатпау үшін жаныңды.
Өсіруге танымды
Мектеп керек адамға!
4-Жомарт
Нұр шашып тұр көкте күн,
Өмірімнің көктемін
Гүлдендірем деп келдім
Алтын ұя мектебім!
5-Айзат
Құтты болсын қадамың
Құтты болсын талабың
Мағжан атам айтқандай
Білім отын жағамын
6-Нұржан
Мектеп деген жақсы екен
Қызығы мол думанды
Жақсы көрем бәрінен
Әдемілеп жазғанды
Мектеп жасқа жеткенім,
Еркеліктен кеткенім
Кітабымды қолтықтап
Мектебіме жеткенім
7-Назерке
Бар байлықты басқарып
Оқу- білім тұрады.
Кітапты көп оқыған
Білімді боп шығады.
8- Нұршыңғыс
Мектебім айтар әнім
Сан рет қайталадым
Өзіңнен алғанымды
Өзіңе қайтарамын
Балалар, біз Ыбырай Алтынсарин атамызды білеміз бе? Кім болған
Ағартушы ұстаз, тұңғыш мектеп ашқан, т.б
Дұрыс айтасыңдар!Қандай өлеңін білеміз?
Бір Аллаға сыйынып,
Кел, балалар оқылық
Оқығанды көңілге,
Ықыласпен тоқылық.
Өте тамаша!
Ендеше біз бүгін Ы. Алтынсариннің «Мақта қыз бен мысық» ертегісін еске түсіреміз.
(Балалар ертегіні естеріне түсіріп айтады)
Балалар сендер ғажапсыңдар!
Ендеше біз ертегі кейіпкерлерінің тапсырмаларын орындаймыз.
Сиырдың тапсырмасы:
Жұмбақтар
Аққу да бар бүркітте жоқ,
Аюда бар, борсықта жоқ (А)
Өзі сөйлей білмейді
Салған ізі сөйлейді
(қаламсап)
Түрлі сәуле төгілген,
Көпір көкте керілген
(кемпірқосақ)
Гүл секілді
Құлпырады, көктейді
Күн секілді,
Бірақ нұрын төкпейді.
(Күнбағыс)
(барлық жұмбақтың шешуін : орысша, ағылшынша айтады)
Талдың шарты:
Әріптерден сөз табу
Саған жақын бір адам,
Үш әріптен тұрады
Оқысаң да қай жақтан,
Бір сөз болып шығады
(Ата, апа, аға,іні)
Егер Т-дан бастасаң,
Жер биігі боламын.
Т-ны алып тастасаң,
Балық ұстай аламын.
(тау-ау)
(Жауаптар үш тілде)
Сергіту сәті (орыс тілінде)
Балалар дыбыстар нешеге бөлінеді? Дұрыс. Ана сөзі қандай дыбыстан басталып тұр?
н – дыбысы қандай дыбыс?
Нан, тауық, аққала сөздеріне дыбыстық ьалдау жасаймыз, буындаймыз.
Хор: Ұстазым
Қыздардың тапсырмасы:
Ұйқасын тауып ойнаймыз!
Қарсы алғанда май таңын,
Әнді шырқап (айтамын)
Әсем әндер шарықтап,
Көгершіндер (қалықтап)
Соққан сайын жел жібек,
Барады( ту желбіреп)
Өте тамаша! Балалар, неткен ақылдысыңдар!
Ендігі кезек дүкеншінің тапсырмасы:
Есік қағылады, бұл кім екен? А-а-а Бояугүл апай сіз бе, келіңіз!
Мен балаларға тойларына шашу ретінде, түрлі боялар мен суреттер ала келдім.
Кім суретті әдемі салады,соған сыйлығым бар.
Нұржанның тақпағы:
Қарындаш алып, сурет салып,
Үйренгенмін бақшада.
Суретімді мақтап жүрді,
Жақсы аға, жақсы апа.
Қандай бұйымтайыңыз бар, айтыңыз?!
Табиғатты бейнелеп саламыз . Ол үшін мен сендерге сұрақ қоямын. Табиғат нешеге бөлінеді?
(Балалар жауаптары тыңдалады)
Түстер нешеге бөлінеді? ( Б.ж)
Тамаша! Бәрін де дұрыс айттыңдар .Қалаған суреттеріңді сала ғойыңдар!
Сергіту сәті (ағылшын тілінде)
Тауық тың шарты:
Санамақтар. Жұмбақ есептер. Геометриялық фигуралар
0-Нұрдәулет
Дөңгелекке ұқсайды
Доп сияқты ұшпайды
Досым нөлді «О»-дейді
Десем ол нөл ұқпайды.
1-Мақсат
Айда біреу аспанда,
Күнде біреу аспанда.
Тұратұғын елжіреп
Бәрімізде бір жүрек
3-Бауыржан
Үйімде бар үш қалам,
Үшеуінде үштағам
Үш досымды салам мен
Үш балыққа ұқсаған
4-Айлуна
Төрт дөңгелек арбада,
Төрт аяқ бар малда да
Тауыса алмай бидайды
Төрт тышқан жүр қоймада
5-Диас
Бестік деген бағаны
Бақыт күнде алады
Бәрі жақсы көреді
Беске оқыған баланы
6-Абдумалик
Алақай дер келді күн!
Алтыдамын мен бүгін
Алты жасқа келмекші
Алғы аптада енді кім?
7-Нұрай
Жеті саны киелі
Жұрттың бәрі біледі
Жеті жасқа жеткендер
Жығылмай-ақ жүреді
8- Бекназар
Сен де мен де баламыз
Сегіз санын саламыз
Сегіз деген екі төрт
Сегіз жаста ағамыз
9-Абибулла
Тоғыз жасқа келгенім
Тоғыз жасты көргенім
Тоғыз жасты тәнті еткен
Талабымды көр менің
10-Айзере
Он жыл, он жас он деген
Он жас кіші ол менен
Онды жаза аламын
Он деген бір нөл менен
Өте тамаша айттыңдар балалар! Бірліртермен үш тілде санайды.
Жұмбақ есептер
Үш алманы бақтағы
Кірпі алып жинады
Ең әдемі біреуін
Ақ тиінге сыйлады
Қалды өзінде қаншасы?
Санап көріп байқашы?!
Алтыдағы Бекеттің
Алтау еді жаңғағы
Біреуін мысық әкетті
Біреуін күшік әкетті
Қанша сонда қалғаны?
Геометриялық фигураларды салыстырады , орналастырады.
Ән: «Балапан» орындайтын Назерке
Тышқанның тапсырмасы:Өтірік өлең, жаңылтпаш, мақал-мәтел
Өтірік өлеңдер
Гұлнұршат:
Жұмысымда жүр едім,
Қонаққа бақа шақырды.
Көлге кесем су беріп,
Аш қалдырды қатырды.
Әсел:
Құмысрқа көлге шомылып,
Құмға аунайды жағада
Жазда қарға көміліп
Аққала соқты жағада
Абибулла
Бір күні ірі арыстан
Кешірім сұрады балықтан
Балық оны кешірмей,
Жұлып алды қайықтан.
Нұрай
Сәулесінен күннің
Арқан естіп бір күн
Жүнін қырқып шілдің
Жейде тоқып кейдім
Өтірік өлеңдер
Жаңылтпаштар:
Диас:
Сорпа іштік
Сорпа ыстық
сондықтан
Қорқа іштік
әнел
Ақтастыда ақ таскөп,
Ақтастыда әк тас көп.
Апам айтты әпкеме:
«Үйдің ішін ақтас»деп
Ақан
Біреуі бөрікті кісі
Біреуі көрікті кісі
Бөрікті кісі қорықты
Көрікті кісі зорықты
Мақал-мәтел
Баяғыда бір даңқы елге жайылған хан болыпты.Хан халыққа үкім шығарып, бұйрық беріпті.Барлығың тегіс бір-бір жаңа мақал немесе мәтел сөз тауып, келіңдер?! Ханның үкімінен қорыққан халық жаңадан мақалдар тауыпты.Тек бір ғана кедей еш нәрсе таба алмапты.Хан мақал тауып айта алмаған кедейді «суға батырып, тұншықтырыңдар»-депті.
Сорлы кедей қорыққаныннан «Көп қорқытады, терең батырады» деп жаңа мақал тауыпты.Хан қуанғанынан оны өлімнен босатыпты.
Міне , не деген ғажайып сөз айттың Әсел! Тамаша.
Ендеше, Қорқыт бабаның , Ұлы Абайдың, Батыр Бауыржанның нақыл сөздерін айтуға Бекжан Диасты,Жомартты, САяны шақырайық
Диас:
Қорқыт бабам сөйлейді, тыңдап көрейік:
Қыз анадан көрмейінше, өнеге алмас.
Ұл атадан көрмейінше сапар шекпес.
Ескі қамыс біз болмас,
Ежелгі жау, дос болмас. Өнегелі бала-көрікті. Жапалақ-жапалақ қар жауса жазға қалмас.
Жомарт.
Абай атам айтқандай:
Әсемпаз болма әр неге,
Өнерпаз болсаң арқалан
Ақыл, қайрат, жүректі бірдей ұста,
Сонда толық боласың елден ерек
Бес асыл іс: талап, еңбек, терең ой, қанағат рақым ойлап қой,Бес дұшпан:Өсек, өтірік , мақтаншақ,еріншек бекер мал шашпақ.
Сая: Бауыржан батыр айтқан нақыл сөздер:
«Біреуді өсектеп келген адамға сенбе,басқаға сені өсектейтініне сен». «Өзіңді сыйлайтын жерге қайта-қайта жылтыңдап бара берме, қадірің кетеді» «Сақалдының бәрі ақылды емес, сақал текеде де бар»
Көрдіңіздер ме? Көрермен қауым менің балаларым өте талантты, дарынды. Жарайсыңдар! Барлық тапсырманы жоғары деңгейде орындадыңдар. Енді ретімен «талға суын, қыздарға сағызын, дүкеншіге жұмыртқасын,тауыққа тарысын,Мақта қызға мейізді, мысыққа құйрығын»беріп бақытқа бөлейік.
Сергіту сәті:
Соңында Л.Н.Толстойдың «Екі дос» әңгімесін оқып беремін, балалар ата- аналарының көмегімен сахналайды.
Достық жайлы мақалдар айтады.
Аю , дос сөздерінің орысша , ағылшынша аудармаларын айтады.
Бәрі қосылып бірге:
Өрге биік самғаған,
Ер жетеміз өсеміз.
Елге қызмет етеміз,
Мұғалімнің айтқанын
Мықтап миға тоқимыз,
Сөз береміз сіздерге
Кілең беске оқимыз!
Хор «Дос болайық бәріміз»
Әсел: Бүгінгі тілашар тойымызды қорытындалау үшін. Гимназия директоры Көмекбай Қуаныш Есқараұлына береміз.
Рахмет!
Нұржан: Келесі сөз кезегі директордың бастауыш сыныптар жөніндегі орынбасары Қалдыгүл Көпбайқызына береміз.
Рахмет!
Көңіл қойып тыңдағандарыңыз үшін рахмет!
«Ботақан» тобының тәрбиешісі: Орынкул Шуйншалиева Жолшарақызы
6 664 158 материалов в базе
Настоящий материал опубликован пользователем Жалимбетова Нургуль Махмудбековна. Инфоурок является информационным посредником и предоставляет пользователям возможность размещать на сайте методические материалы. Всю ответственность за опубликованные материалы, содержащиеся в них сведения, а также за соблюдение авторских прав несут пользователи, загрузившие материал на сайт
Если Вы считаете, что материал нарушает авторские права либо по каким-то другим причинам должен быть удален с сайта, Вы можете оставить жалобу на материал.
Удалить материал
Ваша скидка на курсы
40%
Курс повышения квалификации
72 ч. — 180 ч.
Курс профессиональной переподготовки
300/600 ч.
Курс повышения квалификации
72/108 ч.
Мини-курс
4 ч.
Оставьте свой комментарий
Авторизуйтесь, чтобы задавать вопросы.