М.Жұмабаевтың «Мен
жастарға сенемін» атты әдеби кеші
Мағжан Жұмабаевтың 125 жылдығына
байланысты «Мен жастарға сенемін» атты айдарымен өтетін әдеби кешінің
жоспары. 1 – жүргізуші: Қайырлы
күн, құрметті ұстаздар мен оқушылар! Бүгінгі ұлы күн ата-бабасы түрікті, алашын
жан-тәнімен сүйген азаттықты аңсаған, отаршылдыққа қарсы өлең жолдарын жазған
халқының ұлтжанды ұлдарының бірі, алаш қозғалысының қайраткері – Мағжан
Жұмабаевқа арналады.
2 – жүргізуші:
Мағжан Жұмабаевтың 125 жылдығына байланысты «Мен жастарға сенемін» атты
айдарымен өтетін әдеби кешімізге қош келдіңіздер!
Құт, береке шаңырақ
Әнұраны
елімнің
Орын алған ол төрден . Шақырады бірлікке .
Қанатты қос арғымақ Егеменді
халқымның
Екі жақтан көмкерген. Болашағы бірлікте .
(Әнұран орындалады)
«Шашу» биі. Қыздардың орындауында.
1 – жүргізуші: Алаш
қайраткері Мағжанның 125 жылдық туған күнін бүкіл Алаш жұрты атап өтуде.Мағжан
тек қазақ халқының ғана емес, бүкіл түркі халқының ұлы ақыны болып
есептеледі. Осыған орай биыл 2018 жылды Түркі әлемі Мағжан жылы деп
жариялады.Мағжан жазықсыз жала жабылып,ату жазасына кесілген халық жанашыры,
қоғам қайраткерлерінің бірі еді.1938 жылы дәл осы наурыз айының 19-жұлдызында
мәңгілікке бұл өмірмен қоштасты.
2-жүргізуші:
Кеңес үкіметінің 70 жылдық билігі тұсында
қазақ әдебиеті тарихынан жазықсыз сызылып тасталған тұлғалардың бірі – Мағжан
Жұмабаев. Талантты ақынның есімі де, маржан жырлары да бұл кезеңде идеологиялық
қудалауға ұшырады.
Деректі фильмнен үзінді (Мағжан Жұмабаев
туралы естеліктер)
Азат өмірді, халқының тәуелсіз ел болған
қалпын көруге ұмтылған сол жолда білегіндегі күшімен де, жүрегіндегі жырымен де
күресіп өткен қайраткер ақынның тағдыры аса күрделі белестерді бастан
кешірді. 1-
жүргізуші: Ақындық жағынан келгенде Мағжан, әрине,
қазақтың күшті ақындарынан саналады. Қазақтың тілін байыту ретінде әдебиетіне
түрлер енгізу ретінде, Мағжанның еңбегі көп. Абайдан кейін тіл өнегесінде
Мағжаннан асқан ақын қазақта жоқ.
Әдеби монтаж (Мағжан өлеңдері оқылады)
Деректі фильмнен үзінді.( Мағжан Жұмабаев )
2 – жүргізуші:
Мағжан - ең алдымен сыршыл ақын ол жүректің қобызын шерте біледі, оның
жүрегінен жас пен қаны аралас шыққан тәтті сөздері өзгенің жүрегіне тәтті у
себеді. Мағжан не жазса, сырлы, көркем, сәнді жазады. Оқушының жүрегіне әсер
бере алмайтын құрғақ өлеңді, жабайы жырды Мағжаннан таба
алмайсыз.
1- жүргізуші:
Талайлар Мағжан болғысы келеді бірақ бола алмайды, сірә талантында кемістік
болған шығар.
К.Кемеңгерұлы: Мағжанды сүйемін. Еуропалығын, жарқыраған әшекейлігін сүйемін.
Қазақ ақындарының қарақордалы ауылында туып, Еуропадағы мәдениет пен сұлулық
сарайына оратылып барып жайлауы жарасқан Арқа қызын көріп, сезгендей боламын.
Мағжан - културасы зор ақын. 2
– жүргізуші: Азат бүгін байлыққа тұнған
жерім. Азап жүгін,
ер жауын қуған
ері
Әділет пен бірлікке жанын қиып. Әділ
өткен ағалардың туған
жері.
Бес арыс
ұлдары
«Елім»- деп өткен
ер.
Жалынды
жырлары
Жанымен
өтелер.
Алғаш «Алаш автономиясын» құруда өз үлесін қосқан Ахмет Байтұрсынов, Міржақып
Дулатов, Жүсіпбек Аймауытов, Шәкәрім Құдайбердіұлы, Мағжан Жұмабаевтың қосқан
үлесі көп болды.
Деректі фильмнен үзінді.
Көрініс (Алаштың бес арысы)
1 – жүргізуші:
Мағжан Жұмабаевтың алғашқы өлеңдері ағартушылық сарында жазылды. Мағжан өмір
сүрген уақыт қаншалықты күрделі саяси, қоғамдық тақырыптарды алға тартқанымен,
оның алдында Шоқан, Ыбырай, Абайлар бастап кеткен ағартушылық ой – пиғыл бұл
кезең әдебиетінде басымдау жатты. Мағжанда Абай дәстүрінде жыр жазды, ұлы
ұстаз үлгісін
жалғастырды.
2 – жүргізуші:
Басқа жұрт аспан көкке асып
жатыр, Кілтін өнер –
білім ашып жатыр, - дей келіп қазақ арасында мұндай ұмтылыстың әлі де жоқ
екеніне өзегі өртенеді. Қолында дәулеті бар деген бай болыстар да, азын-аулақ
оқыған төрелер де өз басының қамын ойлаумен жүр. Халықтың жайына алаңдайтын
ешкім жоқ. Оқудағы шәкірттерге де дұрыс білім берілмейді. Қыз – балалар малға
сатылуда өзара дау жанжал, айтыс-тартыс көп. Міне, Мағжанның өкініші осылар.
«Күншығыс» өлеңі – Серікбаева Лана
«Пайғамбар» өлеңі – Көшімбек Аида
Деректі фильмнен үзінді.
1 – жүргізуші:
Алтай – түркі халықтарының бір алтын бесігі, өз тарихында мың өліп, мың
тірілген ұлысқа пана болған, жойылып бара жатқан тәуелсіз елдігін сан мәрте
қайтадан қалпына келтіруге қуат берген құтты мекен. Кезінде сақтар да, ғұндар
да, түркілер де, тіпті, Шыңғыс хан да сол Алтайдан шығып, әлемнің жартысын
жаулап алған. Мағжан ақын да сол даңқты оқиғаларды түркі жұртының жадына
түсіріп, «күштілермен қатар болғымыз келсе қайта бірігейік» деп жар салады.
2
– жүргізуші: «Түркістан» поэмасынан үзінді –
Шабденова Қаракөз (Слайд Түркістан
туралы)
1
– жүргізуші: Табиғатты Мағжаннан көп, одан артық
суреттеген қазақ
ақыны кемде кем. Мағжан – табиғат қойнында
туып, табиғат анасының бауырында өскен нағыз табиғат ұлы. Басқа жұрт өз
өнерпаздарымен мақтанса, қазақ әдебиеті де бір кезде суретшілік жөнінен
Мағжанымен мақтануында сөз
жоқ.
2 – жүргізуші:
Бір өлеңінде анасына, жарына, жалпы адамға деген махаббатын туған жерге қатысты
сезімімен ұштастырып жатса, енді бір жырларында сол табиғаттың асыл жемісі –
адамды бәрінен жоғары қояды. «Бәрінен де сен сұлу» өлеңі өзіндік халық арасына
кең таралған. Біреулер бұл әннің авторы Мағжан екенін біліп, біреулер білмей
жаттап өсті.
«Бәрінен
де сен сұлу» әнін бәріміз бірге қосыла шырқайық (Караоке)
1
– жүргізуші: Өнер қуған
жасынан
Өнері судай
тасыған
Келесі біздің бишілер Көрінген
көштің басынан
9
«Б» сынып қыздарының «Қыз қуу» биі
2
– жүргізуші:
Әдебиет- әдебиет үшін таңба айқын болмай,
нәрлі әдебиет болуға жол жоқ. Сондықтан бүгінгі күннің бар жазушысының ішінен
келешекке бой ұрып, артқы күнге анық қалуға жарайтын сөз – Мағжанның сөзі. Одан
басқамыздың бәріміздікі күмәнді, өте сенімсіз деп білемін, - деп Мұхтар Әуезов
анық айтқан.
1
– жүргізуші:
Ендеше, құрметті көрермендер, ел
тарихындағы тығырыққа тірелген
тұста айтылған ақын сөздерінің жаңғырығы
біздің заманға жетіп тұрғандай. Мағжан сенім артқан жастар ақынның үмітін ақтап
бұл күнде Тәуелсіз, Егемен Қазақ елінің іргетасын нық орнатып, бүкіл әлемге
танымал болып отырған жайымыз
бар. ХХІ
ғасыр жастарының өткен ғасырда өмір сүрген алаш ардақтыларының бірі Мағжан
Жұмабаевқа жолдаған хаттарын тыңдап көрейік.
«Ақынға хат»
2 – жүргізуші:
Мағжан
айтады.
Жүрген ескі заңымен Алдындағы
малымен
Бірге жусап, бірге өрген Алаш
деген елім
бар
Неге екенін білмеймін Сол
елімді сүйемін! – деп өзінің туған елімен жеріне деген перзенттік
сүйіспеншілігін жайып салады.
Құрметті көрермендер! Біз де өз елімізді
Мағжандай сүйіп, Отанымызды қастерлеп, туған жеріміздің патриотты ұландары
атанайық!
Ән. «Мен қазақпын» Орындайтын 9 «Б» сынып
оқушылары
1
– жүргізуші: Бойын кернеп бұлықсыған бұла
жыр, Байтақ елдің жоғын жоқтап
шығар ұл, Жұмабайдың Мағжаны деп
табын да, Ұлы
Абайдың жұрнағы деп ұға біл!
2
– жүргізуші: Құрметті, әдебиет сүйер қауым, ХХ
ғасырдың алып тұлғасы Мағжан Жұмабаевтың 125 жылдығына арналған «Мен жастарға
сенемін» атты әдеби кешіміз өз мәресіне жетті. Келесі кешімізде кездескенше сау
болыңыздар!
Оставьте свой комментарий
Авторизуйтесь, чтобы задавать вопросы.