Математикалық сайыс "Жұлдызды сағат"

Сабақтың тақырыбы: «Бақытты сәт» математикалық сайыс

Сабақтың мақсаты:

            -Оқушылардың математикадан алған білімдерін шындау,олардың пәнге қызығушылығын арттыру;дың

            -Оқушылардың ой-қозғауын,зейінін тиянақтау.

            -Оқушының жеке тұлға ретінде қабілетін ашу

            -Оқушылардың жұмбақтың тез шешімін таба білуге,мақал мәтінін түсіне білуге баулу,мақал-мәтел,жұмбақтарды математика пәніне де қолдана білуге үйрету.

            -Оқушылардың халықтық салт-дәстүрлерді білуге,құрметтеуге тәрбиелеу,салт-дәстүрді өмірмен байланыстыру,сөз мәйегін түсініп өмірде қолдана білуге үйрету.

Сабақтың көрнекілігі:

1.Ұлағатты сөздер жазылған плакаттар

2.Түрлі-түсті шарлар

3.Бағдарлама

4.Жұлдызшалар

5.Ұлы математиктер портреттері

Сабақтың түрі: ойын сабақ

 Бағдарламалар:

I-тур «Ұпай жина»

II-тур «Жалғасын тап»

III-тур «Кім шапшаң?»

IV-тур «Кім көп біледі?»

V-тур «Кім тапқыр?»

  «Бақытты сәт»

«Математика сырлары

Қызықтырды біздерді

Сайысқа бірге қатысуға

Шақырамыз сіздерді»-дей келе бүгінгі сайысымызға қош келдіңіздер,құрметті оқушылар,ұстазадар!

Оқушылар!Бүгін,біз 5-6 класс оқушыларымен бірге «Бақытты сәт» атты математикалық сайыс өткізгелі отырмыз.Сайысқа класс оқушылары түгел қатыса алады,қатысқысы келген оқушылар қол көтеріп,дайын тұрған орындарға жайғасайық.Біздер сұраққа жауап берген оқушыларды «жұлдызшалар»арқылы белгілеп отырамыз, ең көп жұлдызша жинаған оқушы «жеңімпаз»атанып бәрімізге белгілі әр турдан кейін алған жұлдызша саналып,аз жұлдызша жинаған оқушы,көрермен қатарына қосылып отырады,ал көп жинаған,келесі турға өтеді.

                            Сәт сапар Оқушылар!

I-тур «Ұпай жина» деп аталады.Ойынның шарты:мен жұмбақ айтамын,қол көтеріп жауабын айту керек.Зейін қойып,мұқият тыңдаңыздар!

            1.Бес жігіт сапар шегіп шықты жолға,                                                                                              Мінгені бесеуінің жалғыз жорға.(қолғап)

            2.Жоқ өзінде бас та,қас та,мойын да,                                                                                                Ұзындығы жазулы тұр бойында(сызғыш)

            3.Тоғыз белбеу,қос жібек,                                                                                                                Екі мұрын,бір шүмек(домбыра)

            4Бір түкті кілем,                                                                                                                   Бір түксіз кілем(аспан мен жер)

            5.Кезікті бір жануар,үстінде екі тауы бар.(түйе)

            6.Екі желім,                                                                                                                                      Күйдің көрігі,                                                                                                                                   Әннің көлігі(домбыра)

            7.Жүз түйе түйме,он төрт ине.(есепшот)

             8.Басында таяғы бар,                                                                                                                          Төрт аяғы бар,                                                                                                                                  Сегіз тұяғы бар,                                                                                                                                Иегінде сақалы бар.(ешкі)

             9.Айқасқан екі таяқ,                                                                                                                         Тұрады жоқты сұрап(х)

            10.Екі ошаққа бір көсеу(сиырдың танауы мен тілі)

            11.Екі бала қатар тұрса да,                                                                                                               Бірін-бірі көрмейді(көз)

            12.Бір ғажап бар тілі жоқ,                                                                                                                 Сойлесем десең міні жоқ(кітап)

            13.Бір үйде тұрады 50 батыр                                                                                                            Шыққаны үйге сүйкеніп өліп жатыр(сіріңке)

            14.Бірде орақ,бірде доп,                                                                                                                   Бірде барда,Бірде жоқ(ай)

            15.10-ға 10-ды қоссам 10 болады,                                                                                                    10-нан 10-ды алсам 10 қалады.(қол мен қолғап)

            16.Бір құтыда 2 түрлі су жатады,қайнатсаң мұз боп қатады.(жұмыртқа)

            17.От басында құмған,екі көзін жұмған(мықты)

            18.32 батырмыз                                                                                                                                Ел күзетіп жатамыз,                                                                                                                              Сапта қатар тұрсақ та,                                                                                                                             Құламаймыз бір шақта(тістер)

            19.Үш көзді батыр,                                                                                                                           Жолды аңдып жатыр.(бағдаршам)

            20.Бірін-бірі қоштаған,бір үйден көрдім 42 дос-жаран.(42 әріп)

II-тур «Жалғасын тап»

Жарыс заңы ежелден

Жеңімпазды анықтау.

Жеңімпаз болу шарты сол

Еңбектену,жалықпау-дей келе II-турға көшеміз.Ойын шарты,мен  мақалдың 1-ші бөлігін айтамын сендер жалғасын тез дұрыс тауып айтуларыңыз керек.

            1.Бір түйір дәнде(бір тамшы тер бар)

            2.Алтау ала болса,ауыздағы кетеді(Төртеу түгел болса төбедегі келеді)

            3.Екі жақсы қас болмас(екі жаман дос болмас)

            4.Бес бармақ жиылса(жұдырық болады)

            5.Алдыңа бір қарасаң (артыңа он қара)

            6.Досыңның мың болғанына мақтан (дұшпаның біреу болса да сақтан)

            7.Досыңды үш күн сынама(үш жыл сына)

            8.Жеті рет өлшеп (бір рет кес)

            9.Білікті бірді жығар,(білімді мыңды жығар)

            10.Қырық кісі бір жақ,(қырың кісі бір жақ)

            11.Бір тал кессең(он тал ек)

            12.Бір жылы сөз(көп күнге азық)

            13.Дос егіз болса(дұшпан сегіз)

            14.Бір кісі қазған құдықтан(мың кісі су ішеді)

            15.100сомың болғанша (100 досың болсын)

            16.Жүзден біреу шешен(мыңнан біреу көсем)

            17.Ер жігіт бір күн өледі(қорқақ мың күн өледі)

            18.Бір елі ауызға(екі елі қақпақ)

            19.Білгенің бір тоғыз(білмегенің 99)

            20.Жігіт бір сырлы(сегіз қырлы)

Сұрақтарға ұлағатпен қараңдар

Ойларыңды ептілікке ораңдар.

Бұл сұраққа тереңірек мән беріп.

Ең шешеңдер ой толғайды жараңдар-деп келесі турымызды бастаймыз.

III-тур «Кім шапшаң?» деп аталады.Бұл турда логикалық есептер шешіледі.Сайыста жеңу үшін белсеңділік  танытып,берілген сұрақтарға тез,дұрыс жауап беруіміз керек.

            1.Домбырадағы он асықты он бала бір-бірлеп бөліп алады.Сонда бір асық дорбада қалады? (дорбасымен бірге алды)

            2.Үш түйеқұс ұшып келеді,аңшы олардың біреуін атып алды.Олардың қаншасы қалды? (түйеқұс ұшпайды)

            3.Жыл он-екі айдың ішінде 30-31 сандары ауысып отырады,ал 28 саны қай айда кездеседі? (барлығында)

            4.Төрт жігіттің бір-бірден қарындасы бар,жанұяда неше бала бар?(5)

            5.Ұшақ Семейден Алматыға дейін 1 сағат 20 мин ұшады,ал кері 80 мин ұшады. Бұл айырмашылықты қалай түсінесің?(екеуі тең)

            6.Екі әкесі,екі баласы 3 алманы қалай бөліп жейді?(атасы,баласы,немересі)

            7.Бес жұмыртқат 12 минутта піседі,ал 10 жұмыртқа неше минутта піседі?(12 минут)

            8.Бала қорапқа барлығы 8 өрмекші мен қоңыз жинады.Барлық аяқтар саны 54.Қанша қоңыз,қанша өрмекші жинады?(қоңызда-6 аяқ,өрмекшіде-8 аяқ бар.5 қоңыз,3 ормекші)

            9.Жанар ақиқат тұжырым айтты.Марат оны қайталап айттып еді,ол жалған болып шықты.Жанар не айтты?(Менің атым Жанар)

            10.Шопанның барлық қойларының 320-сы су ішіп жатыр,қалғаны жайылып жүр.Жайылып жүрген қойлар су ішіп жатқан қойлардың ширегіндей.Шопанда барлығы қанша қой бар?(400)

Білім деген биік шың,

Бақытқа сені жеткізер.

Білім деген ақылшың,

Қиындықтан өткізер-деп келесі турды бастаймыз.

IV-тур «Кім көп біледі?» - деп аталады.Бұл турдың шарты 1 минутта оқылған сұрақтарға жауап беру,егер жауабын білмесен келесі деп сұрақты жалғастыра беруге болады.

            1.Қай сан барлық санға қалдықсыз болінеді?  (0)

            2.1 ғасырда неше жыл бар? (100)

            3.Бұрышты өлшейтін құрал? (трансортир)

            4.1 кг мақта ауырма,1кг тұз ауыр ма? (тең)

            5.Қанша цифр білесің? (10)

            6.Ең кіші 3 таңбалы сан? (100)

            7.Шеңбер салуға арналған құрал? (циркуль)

            8.Метрде неше сантиметр ба? (100)

            9.Тәулікте қанша сағат бар? (24)

            10.Үшбұрыштың барлық қабырғаларының қосындысы. (периметр)

            11. 20 минут сағаттың қандай бөлігі (1/3)

            12.Санды қандай санға бөлуге болмайды? (0)

            13.Ең үлкен таңбалы сан (99)

            14.1 минутта қанша секунд бар? (60)

            15.Ең кіші нарурал сан (1)

            16.1 кг қанша грамм бар (1000)

            17.Барлық қабырғалары тең тіктөртбұрыш (шаршы)

            18.Екі қатынастың теңдігі (пропорция)

            19.7 саны жай сан ба, құрама сан ба? (жай сан)

            20.Миллионда неше нөл бар? (6)

            21.Үш кесіндіден құралған фигура (үшбұрыш)

            22.Ең кіші жай сан (2)

            23.Үш таяқтың неше ұшы бар? (6)

            24.Күн көзі жылына неше рет шығады (365)

            25.Екі нүкте арасындағы түзу (кесінде)

            26.9-ға кері сан (1/9)

            27.Егер каз бір аяғымен тұрса 3 кг, ал екі аяғымен тұрса қанша кг. (3кг) 

            28.Шаршының неше қабырғасы бар? (4)

            29.Бір бөлмеде 7 майшам жанып тұр,сен біреуін өшірдің қаншасы қалды? (1)

            30.Үстелдің төрт бұрышы бар,оның бір бұрышын кесіп тастаса неше бұрыш болады? (5)

            31.Төрт қойдың неше аяғы бар? (16)

            32.Ағаш үстінде 100 торғай отырды.Аңшы 10торғайды атып алды. Қанша торғай        қалды? (10)

            33.Үш жұп ат 60 км шапса,онда бір ат неше км шамады? (60км)

            34.Фигуралардың барлық қабырғаларының қосындысы? (периметр)

Білімдіден шыққан сөз,

Талаптыға болсын кез

Нұрын,сырын көруге,

Ойланып ап,айтшы тез-деп келесі турымызды бастаймыз.

V-тур «Кім тапқыр?» деп аталады.Алдарыңда шахмат тақтасының бір бөлігі берілген. Шахмат атының жүру тәртібі бойынша оқығанда қазақ математиктерінің қанатты сөздері шығады (10 минут)

1.       «Қиғаш заңда математикаға қажет»- Асқар Жұмаділдәев

2.       «Із кесуде графтар теориясы жатыр»-Бегалы Жаңбырбаев

3.       «Сан математика ғылымының іргетасы» Орынбек Жаутіков

Сайысқа қатысушылар ойланғанша біз қолымызға қағаз-қалам алып  «Сергіту сәтіне» дайындалайық.Сергіту сәті  «Сиқырлы калькулятор» деп аталады.

            1.Досыңа калькулятор беріп оған өзінің туған айының нөмірін енгізуді сұра.

            2.Осы санды 4-ке көбейт

            3.Оған 13ті қос

            4.Оны 25-ке көбейт

            5.Одан 200-ді алып таста

            6.Туған айының күнін қоссын

            7.Оны 2-ге көбейт

            8.Одан 40-ты алып таста

            9.Оны 50-ге көбейт

            10.Өзінің туған жылының екі санын қос.    (Шыққан саннан 10500 алып таста,шыққан санның алғашқы сандары туған айын,екінші бөлігі күнін,ал соңғылары туған жылын көрсетеді)

Жұлдыздарды санап жеңімпазды анықтау

Ең бастысы орын емес жарыста

Терең білім жеңу шарты сайыста

Тапқырлық пен ізденісте болсаңыз

Өмірде де жетерің хақ,табысқа!-дей келе бүгінгі Бақытты сәт жеңімпаздарын марапаттаймыз