Добавить материал и получить бесплатное свидетельство о публикации
версия для слабовидящих
Главная / Начальные классы / Конспект "Көңілді саяхат"

Конспект "Көңілді саяхат"





Қалалық семинар

Мектепке дейінгі балаларға мемлекеттік тілді оқытуда инновациялық білім беру технологияларын қолдану

Тақырыбы: «Көңілді саяхат»


hello_html_m305ef6dd.png

















Қазақ тілі мұғалімі: Кабдулкалыкова Ә.М.






Сабақтың мақсаты: Балаларға инновациялық білім беру технологияларын қолдана отырып, қазақшаға үйрету, ұйымшылдыққа, шапшаңдыққа баулу, Өз Отанын құрметтеуге тәрбиелеу; Қазақ тіліне деген қызығушылықтарын арттыру.

Сабақтың көрнекілігі: сызба, суреттер, проектор, компьютер, магнитафон.

Сабақтың әдіс-тәсілдері: сұрақ-жауап, СТО технологиясы, ТРИЗ, ойын технологиясы

Сабақтың барысы:

-Балалар, бүгін бізге қонақтар келіп отыр, бәріміз амандасайықшы. Сәлеметсіздер ме?

-Шаттық шеңберіне тұрайық.

Біздің топта ұл-қыздар,

Тату- тәтті ойнаймыз.

Ортамызға қоршаған,

Тек мейірім сыйлаймыз!

Балалар, бүгін біздің сабағымыз ерекше болады. Өйткені, менде бір зат бар. Оны табу үшін «Иә-жоқ» ойынын ойнайық

  • Қолдан жасалған ба? Иә

  • Жұмсақ па? Жоқ

  • Қатты ма? Иә

  • Ағаш па? Жоқ

  • Қағаз ба? Иә

  • Үлкен бе? Жоқ

  • Кішкентай ма? Иә

  • Хат па? Жоқ

  • Сызба ма? Иә

  • Карта ма? Иә.

Біздің картамыз ерекше. Бұл картада бәрі керісінше берілген. Мен сендерге сөз айтамын, сендер маған керісінше жауап бересіңдер. Сонда картамыз дұрысталады.

Ойын: «Керісінше»

Үлкен –( кішкентай), ақ–(қара), ұзын–(қысқа), ащы–(тәтті), ауыр–(жеңіл), ыстық–(суық), жұмсақ–(қатты).

Жарайсыңдар, балалар! Біз осы карта бойынша саяхат жасайық. Картада қандай әріп берілген? Қ әрпі.

  1. Миға шабуыл. Ойын «Кім көп және тез»

Қазақ тіліне тән Қ дыбысына байланысты, сөздер айтады.

(Қ – қоңыр, қарбыз, қоян, қара, қарындаш, қол, қыс, қар, қызыл, қасқыр, Қазақстан)

Қазақстан сөзіне тоқталайық. Қазақстан туралы біз не білеміз?

2. Ойын «Отан» сөзіне ассоцация құрайықшы.

Отан дегенде сендерге қандай сөздер айта аласыңдар.

(Қазақстан, тәуелсіз, егеменді, көпұлтты, мемлекет, елбасы, елорда, Астана, рәміздер, ту, елтаңба, гимн, Нұрсұлтан Назарбаев т.б)


2)Осы сөздермен қысқаша әңгіме құрастырып көрейік.

Менің Отаным-Қазақстан. Қазақстан тәуелсіз, егеменді, көпұлтты мемлекет. Елордамыз Астана қаласы. Елбасы Нұрсұлтан Назарбаев. Рәміздері: Ту, елтаңба, гимн. Мемлекеттік тіл қазақ тілі.


3)Қазақстан туралы тақпақ айту.

-Балалар, кім Қазақстан туралы тақпақ біледі.

(балалар тақпақ айтады)

3.Ойын «Жұбыңды тап»

Балалар жануарлар мен түстерді алады. Музыка ойнағанда, олар билейді. Музыка тоқтағанда, олар өз жұптарын табады.

(сұр қасқыр, ақ қоян, қызғыл сары түлкі, қоңыр аю, қара ит, ақ мысық...)

4. Ойын «Қайталай ғой»

-Балалар, қазір жылдың қай мезгілі?

-Қазір қыс мезгілі.

Тақырып «Қыс». Бір оқушы сөз айтады, келесісі сол сөзді қайталап, өз сөзін қосады. Келесі бала алдыңғы сөздерді қайталап, өз сөзін қосады.

(қыс, қар, суық, мұз, аққала, шырша, жаңа жыл, аяз ата, ақшақар, желтоқсан, қаңтар, ақпан, боран)

Ойын «Шынжыр»

  Мен бір сөз айтамын, балалар оның қандай екенін айтады, сол түрмен басқа затты айтады. Келесі бала ары қарай жалғастырады.

Мысалы: Сәбіз – Cәбіз тәтті – Тәтті қант – қант ақ –Ақ аққала – Аққала әдемі- әдемі гүл – гүл қызыл – қызыл қызанақ – қызанақ домалақ – домалақ доп...


5.Ойын «Не артық?»

Бірнеше сөздер ілінеді, сол суреттерден не артық екенін табады.

  • Аю, қасқыр, түлкі, сиыр

  • Алма, алмұрт, қияр, банан

  • Қуыршақ, қасық, доп, машина

  • Сүт, мұғалім, тәрбиеші, аспазшы

Аю,қасқыр, түлкі - жабайы жануарлар, ал сиыр үй жануары.

Алма, алмұрт, банан – жемістер, қияр көкөніс.

Қуыршақ, доп, машина – ойыншықтар, қасық – ыдыс.

Мұғалім, тәрбиеші, аспазшы – мамандық, сүт азық-түлік

(Келесі жерге барады. шынжыр.)

6. Ойын «Тақырыптық сөйлем».

-Балабақша туралы біз не білеміз?

\ Біздің балабақша үлкен, әдемі, жылы, жарық, таза, қос қабатты.

\ Балабақшада біз ән айтамыз, би билейміз, сурет саламыз, ұйықтаймыз, ойнаймыз.

\ Балабақшада директор, әдіскер, мұғалім, тәрбиеші, күтуші, аспазшы, медбике, күзетші жұмыс істейді.

\ Біздің тәрбиешілеріміз Ольга Викторовна, Юлия Сергеевна, күтушіміз Ольга Яковлевна, мұғаліміміз Әсемгүл Мейрамқызы.

\ Біз №5 даярлық топтың балаларымыз.


Қорытынды:

-Жарайсыңдар, балалар! Бүгін біз сендер көңілді саяхат жасадық. Сендер қазақ тілін жақсы көреді екенсіңдер. Рақмет.

-Осымен көңілді саяхатымыз аяқталды, келген қонақтармен қоштасайық.

-Сау болыңыздар!



























  • Начальные классы
Описание:

Сабақтың мақсаты: Балаларға инновациялық білім беру технологияларын қолдана отырып, қазақшаға үйрету, ұйымшылдыққа, шапшаңдыққа баулу,Өз Отанын құрметтеуге тәрбиелеу; Қазақ тіліне деген қызығушылықтарын арттыру.

Сабақтың көрнекілігі: сызба, суреттер, проектор, компьютер, магнитафон.

Сабақтың әдіс-тәсілдері: сұрақ-жауап, СТО технологиясы, ТРИЗ, ойын технологиясы

Скачать материал
Автор Кабдулкалыкова Асемгуль Мейрамовна
Дата добавления 29.09.2017
Раздел Начальные классы
Подраздел Конспекты
Просмотров 359
Номер материала MA-071756
Скачать свидетельство о публикации

Оставьте свой комментарий:

Введите символы, которые изображены на картинке:

Получить новый код
* Обязательные для заполнения.


Комментарии:

Популярные курсы