Өтілетін күні: 04.11.2014 жыл
Сабақтың тақырыбы: «Джунгли шақырады» ойыны
Сабақтың мақсаты: Халық ауыз әдебиетінің түрлері жұмбақтар және мақал- мәтелдер
туралы оқушылардың білімін кеңейту, ойын ойната отырып
естерінде қайта жаңғырту. Оқушыларды ұйымшылдықпен жұмыс
атқара білуге, бір-біріне көмектесуге, кішіпейілділікке тәрбиелеу.
Көрнекілігі: аңдардың суреттері, жеміс- жидектердің суреті, жыртқыштардың азығы, т.б.
Қажетті құрал- жабдықтар: тақтайша, сиқырлы таяқша.
Сабақтың түрі: ойын
С а б а қ т ы ң б а р ы с ы:
Мұғалім: Сәлеметсіздер ме, құрметті көрермендер! Бүгін біз «Руханият» үйірмесі мүшелері арасында «Джунгли шақырады» ойынын өткізгелі отырмыз. Олай болса, алдымен барлығымыз «Шаттық шеңберіне» жиналайық.
Шаттық шеңбері
Қайырлы күн, қымбатты балалар! Бүгін мен сендерді ерекше көңіл-күймен қарсы алып тұрмын. Сендер үшін бір керемет әрі жақсы нәрсе жасағым келіп тұр.
Кәнеки, өзіміздің шаттық шеңберімізде тұрып, Махаббат періштесі сыйлаған «сиқырлы таяқшаны» бір-бірімізге бере отырып, жақсы сөздер мен игілікті тілектер айтайық. Осы таяқшаның көмегімен біз Джунглидегі жыртқыштар мен сүтқоректілерге айналамыз. (балалардың бастарында өзі бейнелейтін аң суреті жапсырылған) Балалар, мен өзімнің тілегімді бірінші айтайыншы:
Бақыт, шаттық тілеймін,
Ертемен барлық балаға.
Ал енді мен Айбекке «сиқырлы таяқшаны» берейін. Айбек, айта қойшы, сен достарыңа не тілегің келеді? (балалар бір-біріне «сиқырлы таяқшаны» бере отырып, өздерінің игілікті тілектерін айтады)
Мен бәріңе Денсаулық тілеймін!
Мен бәріңе Қуаныш тілеймін!
Мен бәріңе Мейірім тілеймін!
Мен бәріңе шуақты күн тілеймін!
Мен бәріңе көңілді ойын тілеймін! Және т.б.
Жарайсыңдар, балалар! Енді, достарың сендерге жақсы тілектер айтып жатқанда қандай күйде болғандарыңды айта қойыңдаршы? (Балалардың жауаптары.)
Рақмет! Біз сондай жақсы сөздер, жылы-жылы лебіздер естідік! Олардың бәрі орындалады, өйткені сендер доссыңдар және оның бәрін шын жүректен айттыңдар.
Мұғалім: Келіңдер! Көріңдер!
Тек ынта бөліңдер!
Ширығып, шынығып,
Шығам деп сеніңдер!
Әр ойында көңіліміз хош
Кеудемізде от,
Лаулап жалын боп,
Ұтылмаймыз, жеңеміз, бәріміз,
Джунглиге барамыз!
Бүгін Джунглиге кімдер барады екен таныс болайық! (әр оқушы өзі сомдайтын аң туралы жұмбақ жасыру арқылы таныстырады)
1. Еріксе, құйрығымен ойнайды,
Зеріксе ұйқыға бір тоймайды. (мысық)
2. Бұтақтарға секіріп,
Әр жерден қылт етеді.
Кейде жаңғақ кеміріп,
Жоғары өрлеп кетеді. (тиын)
3. Бірі ұзын, бірі қысқа,
Қорқақ өзі, қыли көзі. (қоян)
4. Кілемнің түрлеріндей жүндері бар,
Айбаты жан шыдамас үндері бар. (жолбарыс)
5. Айбарлы сұсы бар,
Қанжардай тісі бар.
Тұла бойында
Тасыған күші бар.
Күжірейген жалды,
Білсең айт бұл аңды? (арыстан)
6. Қырда жүрер ол жортып,
Іні де жоқ бармайтын.
Құйрығымен бұлтартып,
Қандай аң ол алдайтын? (түлкі)
Жарайсыңдар балалар, енді топқа бөлінейік. Сүтқоректілер мен жыртқыштар тобы (сүтқоректілер мен жыртқыштар туралы мағлұмат беру арқылы оқушылар топтарға өздері бөлінеді)
1- ойын. «Батпақ»
Балалар, барлығымыз көзімізді жұмамыз.Біздер тропикалық орманда жүрміз деп елестетейік. Айналамызда пальмалар өсіп, бамбуктер шулайды, ағаш үстінде маймылдар секіріп жүр, белгісіз құстардың дауысы естіледі. Ал біздер ұзақ серуеннен кейін батпаққа кезіктік.Батпақ- бұл егер әр қадамыңды ойланып баспасаң батып кететін жер. Қазір осынау қорқынышты жерден қалай өтер екенсіңдер, соны байқаймыз. Ал, батпақтан өтуге бізге мына тақтайшалар көмектеседі. Әуелі қос аяғымызбен бірінші тақтайға тұрып аламыз содан соң әр топ осы тақтайшаның үстінде тұрып өздері қалаған әндерін шырқап берулері қажет. (әр ойыннан соң балаларға топтарына байланысты сүйек және жемістер таратылып отырады)
2- ойын. «Ғажайып жұмбақтар»
Джунглидегі батпақтарда қолтырауындар толып жүреді екен.Қазір сендерге сол қолтырауындар ғажайып жұмбақтар жасырады. Сол жұмбақтардың жауабын тауып көрейік.
Алға жайып тұз-дәмiн,
Келтiредi үй сәнiн.
Ол халқымның ақ жаны,
Жақсы дәстүр маржаны,
Кеңпейiл де арайлы,
Осы жерден тарайды. (Дастархан)
Күрең қызыл түсi бар,
Тағамдардың асылы.
Қуат берер күшi бар. (Таба нан)
Ұрмай-соқпай жылатады,
Әркiм бiрақ ұнатады. (Пияз)
Апан-апан,
Ескі шапан.
Иір қобыз,
Жарық жұлдыз. (Түйе)
Кішкентай ғана бойы бар,
Айналдырып киген тоны бар. (Қой)
Асты тас,
Үсті тас,
Ортасында жанды бас. (Тасбақа)
Кезікті бір жануар,
Үстінде екі тауы бар. (Түйе)
Тікірейіп
құлағы
Менен бұрын тұрады.
Бойын жазып керіліп,
Беті-қолын жуады. (Мысық)
Қанаты
бар ұшпайды,
Жұрт айламен,ұстайды. (Балық)
Күндіз
соқыр не деген?
Түнде қалай көреген? (Үкі)
Білесін
мекен даласын,
Бірден тауып аласың,
Салыр алып дорбаға,
Жүреді ылғи баласын. (Кенгуру)
Жер
бетінде жатқан арқан,
Ұстауға оны бәрі де қорққан. (Жылан)
Қара
арғымақ мінгенім,
Қыр айнала жүргенім.
Сегіз найза сенгенім,
Он екі қылыш ілгенім. (Бүркіт)
Өзі ширақ, өзі қу,
Жүрген жері айқай-шу. (Түлкі)
Бір аң бар қайраты көп, болған күшті
Басынан өткізеді әрбір істі. (Арыстан)
Белестен шапқан бесті ат,
Бүкір келген желісті ат.
Бейғам елде іздейді,
Малдан күдер үзбейді. (Қасқыр)
Орманда жоғары
Ғашқа қонады.
Тұмсығын балға етіп,
Тарсылдатып соғады. (Тоқылдақ)
Орманда сайрайды,
Сайраудан талмайды (Бұлбұл)
Бір топ жынғыл ішінде,
Бір жапырақ қызыл гүл. (қырғауыл)
Ай астында ақ мамық
Жатыр суды жастанып (Аққу)
Туа сала мұрт өсірген мырза,
Пеш түбінде жатқанына ырза. (Мысық)
Үстінен тоны түспеген,
Сонда да араз қыспенен. (Аю)
Жұмыр тасты төрт аяқ
Көтеріп тұр, көп таяп. (Тасбақа)
3- ойын. «Бақалар»
Қандай батпақ бақасыз болады? Сондықтан келесі сайысымыз «Бақалар» деп аталады. Балалар жүресінен отырып, қолдарын тізелеріне қояды. Белгі бойынша секіруді бастап шеңберді айналып шығады. Бақаларға ұқсап секіруді бастаймыз!
4- ойын. «Маймылдар»
Жарайсыңдар балалар, жақсы секіреді екенсіңдер. Ал енді джунглиде міндетті түрде маймылдар болатынын білеміз. Олай болса, келесі сайысымыз «Маймылдар» деп аталады.Тақтада маймыл екі топқа банан ұсынады Бананның артында сөз жасырылған, сол сөзге байланысты мақал-мәтел айтуларың керек. Тақырып: Білім және еңбек.
5- ойын. «Азығыңды тап»
Балалар, біз Джунглиде жүріп ашығып қалмауымыз керек. Ендігі кезекте азығымызды табамыз. Ол үшін мына жатқан азықтардың ішінен әрқайсысың өздеріңнің азықтарыңды жинайсыңдар.
Жарайсыңдар балалар, Джунглиде тапқан азықтарыңмен, жинаған жемістерің өте көп болды. Олай болса саяхатымызды аяқтап, «жүректен жүрекке» шеңберіне қайтып оралайық. Барлығымыз қол ұстасып, бір-бірімізге күлімдей қарап, өз қуанышымызды мынадай сөздермен білдірейік.
Мына сұлу әлемде,
Адам өмір сүреді.
Үлкен менен кішіге,
Күн сәулесін төгеді.
Күнге қол бұлғайық! Әрбір адам күннің көзіне қарап қуанады. Ол бізді өзінің нұрымен жылытады, біздің тезірек өсуімізге көмектеседі.
Рақмет, балалар! Сау болыңдар!
Аудандық оқушылар үйінің «Руханият» үйірмесінде
өткізілген «Джунгли шақырады» тақырыбындағы
үйірмеішілік ойынның
анықтамасы
04.11.2014 жылы «Руханият» үйірмесінің І тобында «Джунгли шақырады» тақырыбында үйірмеішілік ойын болып өтті. Мақсаты: халық ауыз әдебиетінің түрлері жұмбақтар және мақал- мәтелдер туралы оқушылардың білімін кеңейту, ойын ойната отырып естерінде қайта жаңғырту. Оқушыларды ұйымшылдықпен жұмыс атқара білуге, бір-біріне көмектесуге, кішіпейілділікке тәрбиелеу.
Ойынға топтағы оқушылар түгел қатысты. Ойын оқушылардың «Шаттық шеңберіне» жиналып, Махаббат періштесі сыйлаған сиқырлы таяқша арқылы бір-біріне жақсы сөздер мен игілікті тілектер айтуынан басталды. Содан соң оқушылар өздері Джунглиге баратын аң болып бір-біріне жұмбақтар жасыру арқылы өздерінің қандай аң екендерімен таныстырып өтті.
Саяхатқа шығатын оқушылар сүтқоректілер және жыртқыштар тобы болып екі топқа бөлініп ойын кезеңдері арқылы жүріп отырды.Саяхат барысында Джунглиде бес ойын ойнатылды. Атап айтсақ, «Батпақ», «Ғажайып жұмбақтар», «Бақалар», «Маймылдар», «Азығыңды тап» ойындары жүргізілді. Ойын барысында оқушылар түрлі жұмбақтар шешіп, тақырыпқа байланысты мақал-мәтелдер айтып, ән салып, би билеп, бақаларға ұқсап секіріп оздерін еркін сезініп қатысып отырды. Ойын соңында оқушылар саяхатты аяқтап «жүректен жүрекке» шеңберіне жиналып ойынның өздеріне қызықты өткенін, ойынның ұнағаны жайлы пікірлерін ортаға салды.
Ойынға көрермен ретінде қатысқан барлық үйірме жетекшілері өздерінің ұсыныс пікірлерін айтып « жақсы» деп бағалады.
«Руханият» үйірмесінің жетекшісі: К.Құлбарақова
Рабочие листы
к вашим урокам
Скачать
Мен, Құлбарақова Көркем Қызылорда облысы, Қармақшы ауданында оқушылар үйінде "Руханият" үйірмесін жүргіземін. Бұл үйірмеге мүмкіндігі шектеулі балалар қатысады. Мен үшін бұл балаларға күлкі сыйлау үлкен бақыт. Мен оларды ойнатамын, дос болуға шақырамын. Олар өте ақылды, өмірге құштар жандар. Мен олармен көптеген тренингтер жүргіземін. Қолөнермен айналысамыз.
6 651 386 материалов в базе
Настоящий материал опубликован пользователем Дячук Галина Викторовна. Инфоурок является информационным посредником и предоставляет пользователям возможность размещать на сайте методические материалы. Всю ответственность за опубликованные материалы, содержащиеся в них сведения, а также за соблюдение авторских прав несут пользователи, загрузившие материал на сайт
Если Вы считаете, что материал нарушает авторские права либо по каким-то другим причинам должен быть удален с сайта, Вы можете оставить жалобу на материал.
Удалить материал
Ваша скидка на курсы
40%
Курс профессиональной переподготовки
500/1000 ч.
Курс профессиональной переподготовки
300/600 ч.
Курс повышения квалификации
36/72 ч.
Курс повышения квалификации
36 ч. — 180 ч.
Мини-курс
3 ч.
Мини-курс
4 ч.
Оставьте свой комментарий
Авторизуйтесь, чтобы задавать вопросы.