Bakı
şəhəri 149 №-li tam orta məktəbin
Fiziki
tərbiyə müəllimi Məmmədzadə Nəriman Fizuli oğlu
V sinif.
DƏRS: Bədənin əyilmə qabiliyyəti
Mövzu : Oynaqlarda mütəhərrikliyin
inkişaf etdirilməsi.
Standartlar : 1.1.1., 2.1.1., 2.2.1., 3.1.2.,
4.1.1.
Gözlənilən nəticələr :
Oynaqlarda mütəhərrikliyin inkişaf etdirilməsində
hərəkətlərin sağlamlaşdırıcı təsiri haqqında məlumat
verir; Hərəkətlərin icra üsulları və
təhlükəsizlik qaydaları haqqında məlumat verir ;
Hərəki fəaliyyət zamanı bədənin əyilmə
qabiliyyətini nümayiş etdirir ;Oynaqlarda mütəhərrikliyin
inkişafına verilmiş hərəkətlərdə məqbul davranış
nümayiş etdirir, öz fəaliyyətini yoldaşlarının
fəaliyyəti ilə uzlaşdırır.
İş forması : Frontal , fərdi
, cütlərdə , qruplarda.
İş üsulu : İzah , nümayiş ,
təkrar , korreksiya və qiymətləndirmə.
Resurslar : Oynaqlarda
mütəhərrikliyin inkişafına yönəlmiş dinamik , statik
hərəkətlər ; qeyri – fəal əyilmələr ; dartınmalar ; ətrafların
geniş amplitudalı yellətmə hərəkətləri.
Zəruri avadanlıq və
ləvazimatlar : Gimnastika döşəkləri , turnik,
gimnastika çubuqları , fit , təbaşir , toplar .
Dərsin gedişi :
Giriş hissə (3-5 dəq.) : Bir
cərgəyə düzülüş , raport , diqqəticəlbedici
hərəkətlər. Motivasiya : Yaşlı və cavan adamın
döşəməyə səpilən kibrit çöplərini yığaraq
masanın üzərinə qoyması zamanı sərf etdiyi
vaxt və səy necə fərqlənir ?
Tədqiqat sualı : Qamətin düzgün tutulması ,oynaqların
mütəhərrikliyinin artırılması üçün nə etmək
lazımdır ?
Hazırlayıcı hissə ( 8-10 dəq.
) : İdman yerişi , dairəvi qaçış ,oynaqların inkişafı üçün
hərəkətlər :
1. Əsas duruşda əllər beldə
başın sağ və sol tərəfə fırlanmaları 3-4
dəfə
2. Başın irəliyə , geriyə , sağ
və sol tərəfə əyilmələri 3-4 dəfə
3. Gövdənin sağ və sol
tərəfə dönmələri (əllər beldə və ya boyun
ardında ) 3-4 dəfə
4. Dizlərin soldan sağa ,əksinə ;
daxildən xaricə , əksinə dönmələri 3-4 dəfə
5. Pəncənin soldan sağa , əksinə
dönmələri 3-4 dəfə
6. Bilənglərin , dirsəklərin, çiyinlərin (əllər
çiyinlərdən tutaraq) dairəvi hərəkəti
Əsas hissə ( 20-25 dəq ) :
1. 2-3 qrupa bölünərək boyun ardı
düzülüşdə topun sağ və ya sol tərəfə
dönərək ötürmələri, sondakı qaçaraq topu qrupun
əvvəlinə gətirərək ötürməni davam etdirir ;
2. 2-3 qrupa bölünərək topun
baş üzərindən ötürülməsi ;
3. 2-3 qrupa bölünərək topun
qıçların arasından ötürülməsi ;
4. Kombinələşmiş oyun : 1-ci
baş üzərindən , 2-ci qıçlar arasından topun
ötürmələri ilə oyun ;
5. Geniş dairə quraraq topun
ayaqların yerindən tərpənməmək şərti ilə sağa
və ya sola dönmələrlə ötürülməsi ;
6. Qrupda gimnastika çubuğunun
əldə tutulmuş vəziyyətdə üstündən keçərək
arxadakı komanda yoldaşına ötürülməsi.
Tamamlayıcı hissə (3-5 dəq. )
: Tənəffüsü və orqanizmi bərpaedici hərəkətlər ;
Tədqiqat sualı ; Dərsin yekunu ; Qiymətləndirmə ; Ev tapşırığı.
Bakı 2015
Оставьте свой комментарий
Авторизуйтесь, чтобы задавать вопросы.