Сабақ жоспары №
Пәні:
Қазақ әдебиеті Сыныбы: 6 Күні: _____________
Сабақтың тақырыбы: Бауыржан Момышұлы. Жауынгердің тұлғасы.
Сабақтың мақсаты:
Білімділік: Ақынның өмірімен шығармаларымен таныстыру. Жауынгердің тұлғасы
әңгімесіндегі жауынгердің ерлігі, батырлығы, қайсарлығы туралы түсіндіру.
Дамытушылық: а)оқу материалынан ең бастысын, негізгі ойды түсінуге, мазмұнын
ажыратуға;
ә)ой қорытып, өз пікірін қорғай білу дағдыларына төселдіру.
Тәрбиелік:
Сабақтың әдісі: сұрақ-жауап, пікірлесу
Сабақтың түрі: жаңа білімді қабылдау
Сабақтың типі: аралас сабақ
Сабақтың көрнекілігі: әдеби кітаптар, суреттер, буклет.
Пәнаралық байланыс:
Оқушылардың белсенділік әдістері: көркем әдебиетті пайдалану, мазмұнын ажырату,
талдау.
І.Ұйымдастыру кезеңі.
Оқушылармен сәлемдесу, сабаққа деген көңіл күйлерін сұрау.
Оқу-құралдарын дайындату. Әнұранды айтқызу.
ІІ.Үй тапсырмасын сұрау.
Әбу Сәрсенбаевтың өміріне және шығармаларына реферат жазу. Туған жер
өлеңін жаттау.
Үй жұмысын 3-4 оқушыдан сұраймын.
ІІІ.Жаңа сабақты түсіндіру.
Бауыржан Момышұлы- 1910 жылы Жамбыл облысы, Жуалы ауданында дүниеге
келген. Ол өзінің естелігінде былай деп жазады.
Мен 25
жыл әскерде болдым. Біле білген кісіге бұл – үлкен университет. Осы 25 жылдың
ішінде мен талай қолбасшымен кездестім, сабақ алдым, талай генералдың қол астында
қызмет істедім, тәрбие көрдім. Өйткені командир деген әскери педагог қой. Осы
әр ұлт адамдарымен қызметтес болғанымды өзіме ерекше мектеп деп бағалаймын.
Себебі чуваш мынадай екен-ау, қырғыз мынадай болады екен-ау деп ойланасың. Ана
халық анадай дәстүрін қастерлейді, мына халық мынаны құрметтейді екен-ау деп
толғанасың. Мен осы 25 жыл ішінде қарамағымда болған, үстеріне шинель киген
солдаттар арқылы барлық халықтардың жанын ұқтым деп ойлаймын. Өйткені олардың
жүректері – іштерінен шыққан балалары – менің алақанымда болды. Отан үшін өз
басымды өлімге байлай отырып, мен оларды ажалмен алысуға жұмсадым. Олардың
өлмеуі үшін өз ұрпақтарын, өз халықтарының намысын, оның өздері сүйетін асыл
қасиеттерін аман сақтап қалу үшін жұмсадым. Өзім де «жаным – арымның садағасы»,
халқым үшін қасықтай қаным пида деп, жанып тұрған отқа талай түстім. Мен соғыс
кезінде «Красная Звезда» газетіне былай жазғанмын: «Өз халқын құрметтеп,
сүймеген адам – опасыз, оңбаған адам» дегенмін... Өз елінің бағасын білген адам
ғана басқа елді қадірлей алады. Өйткені халықтардың туыстығы алдымен адамдардың
өз халқына сүйіспеншілігі арқылы ғана келеді. Мен өзге ұлттарды құрметтеуші, өз
ұлтын сүюші адаммын.
Жауынгердің тұлғасы. («Қанмен
жазылған кітап» жинағынан үзінді). Әңгімені мына жоспар бойынша баяндаймын.
1.
Мәскеуде болған ұрыс.
2.
Полковник Серебряковтың
Бауыржан Момышұлына берген тапсырмасы.
3.
Бауыржан Момышұлы
тапсырманы намысқа тырысып орындады.
4.
Жауынгердің тұлғасы.
Сабақты бекіту.
1. Әңгімеде қай жерде болған ұрыс
жөнінде айтылады?
2. Полковник Серебряков Бауыржан
Момышұлынан нені толық
баяндауды өтінді?
3. Жауынгердің намысқа тырысуы
дегенді қалай түсінесіңдер?
4. Б. Момышұлы туралы қандай
шығарма оқыдыңдар? Қандай
кинофильмдер көрдіңдер?
5. Жауынгердің тұлғасы сенің
ойыңша қандай болуы керек?
6. Ұлы Отан соғысы туралы
өздіктеріңнен шығармалар оқығандарың бар
ма?
Үйге тапсырма : Бауыржан Момышұлының өміріне және шығармаларына реферат жазу. Жауынгердің тұлғасы әңгімесін оқу, түсінік айту.
Оқушыларды бағалау.
Негізгі әдебиет: қазақ әдебиеті
Қосымша әдебиеттер: әдеби кітаптар
Сабақтың жоспарын құрастырған: Байтүлекова Қарлығаш Айдарқызы
Оставьте свой комментарий
Авторизуйтесь, чтобы задавать вопросы.