Өзін-өзі тану пәнінен "Жақсы көру-жақсы қасиет" тақырыбына сабақ жоспары

Өзін-өзі тану

Жақсы көру

Жақсы көру жақсы қасиет

Нақыл сөз

Сабақтың мақсаты: Махаббат және ізгі сезімдер әлемі деген ұғымды ашу; туыстарына, жақындарына, достарына, Отанға, президентке, әлемге деген махаббатын білдіруге ынталаңдыру. Міндеттері: әлемді жағымды қабылдауға үйрету, патриоттық сезімдерін дамыту. Жапсыру-күннің көзін желімсіз жапсыру.

Көрнекі құралдар: «Өзін-өзі тану» хрестоматиясы, «табиғат әуендері» сериясынан аудиожазба, жұмсақ күн бейнеленген ойыншық, жүрек тәрізді жұмсақ ойыншық, қағаздан жасалған күн бейнесі, ата-аналардың фото суреттері. ҚР рәміздері және ҚР Президенттің суреттері.

Шаттық шеңбер: «Күн келеді»

-сәлеметсіңдер ме, қымбатты балалар! Мен сендерді сағатсыздана күттім және де кездескенім үшін сендермен қуанышымды бөліскім келеді:

Қайырымды жаңдар айнала,

Шеңберге келсін жайлана.

Жалықпастан қайта біз,

Махаббат сөзін айтамыз.

Сүйеміз барлық әлемді,

Әлемдегі бар елді.

Бақытымыз осы біз,

Қасымызда досымыз!

Әңгімелесу

Адамзатты аялаған ақ арман,

Барлық ғалам Махаббаттан жаралған, -деп сабағымызды бастайық.

-Балалар, бүгін «Өзін-өзі тану» әлемінің «Жақсы көру» аялдамасына тоқталамыз. «Жақсы көру» аялдамасындағы суреттерге назар аударайық. Суреттерде не көріп тұрсыңдар? (балалардың жауаптары)

- Ту, Елтаңба, ҚР Президенті Н.Ә. Назарбаев, С.А. Назарбаеваның фото суреті.

-Бүгін біз кімдерді жақсы көретініміз туралы әңгімелесеміз.

-Сендерге өздеріңнін жақындарың мен туыстарынды жақсы көресіңдер ме?

-Сендер кімдерді жақын көресіңдер? Өз махаббаттарыңды қалай білдіресіңдер?

Өзіммен-өзім Әуен ойналады

- Балалар, кәне өз жүректеріміздің дүрсілін тыңдап көрейікші. Көздеріңді жұмып, жүректерінің қалай мұнайтып, қуанып, жақсы көретінін елестетіп көріңдерші. Ол мейірімді, мөлдір таза, ақкөңіл бола алады. Әуен тоқтайды.

-Кәне, бір сәт тыныштықта отырайықшы. Ойланып, жүрегімізді тыңдап көрейік. (көздерін ашады)

-Балалар, өз жүректеріне іштеріннен: «жүрегім, мейірімді болғаның үшін саған көп рақмет» -деп айтыңдар.

Үлкен жүректен-жүрекшелерді балаларға тарату.

Тыңдайық-ойланайық

Жүрек С. Тастанбекқызы

Жүректен жаңға жылы сөз бар ма енді,

Жүрексіз тірлік бар ма суда, жерде.

Қашан да өмір жыры-жүрек сыры,

Тлеуін сол жүректін айтам мен де.

Аяулы болғандықтан асыл жүрек,

Өз орнын кеудеден кең алып бөлек,

Күмбезде берік, жылы өмір сүріп,

Өзіңді жамандықтан жүрер демеп.

Сергіту сәті:

Жүректен шыққан жылы сөз,

Жүрекке барып жетеді.

Жылы сөзден дос жүрегі,

Мейірімге толып кетеді.

Ойын : Тәрбиеші балаларға ойыншық күнді көрсетіп, оны қоршап тұруды ұсынады. Махаббат деген-әрқайсымыздың ішіміздегі кішкентай күн. Біз осы кішкентай күніміздің сәулелері арқылы махаббат нұрын төгеміз. Кәне ойынымызды бастайық. Әрқайсымыз бір-бір сәуле болып «Күнімізді» қоршап тұра қалайық. Енді қолдарымызды екі жаққа созып, күннің сәулелері сияқты айналамызға шуақ шашамыз, тілек-сөздер айтамыз.