Главная / Биология / "Жас эколог" клубының кеші (6-9 сынып)

"Жас эколог" клубының кеші (6-9 сынып)

Тақырыбы: «Адам. Қоғам. Табиғат» атты Жас эколог клубының мүшелерінің бағдарламасы.

1-Жүргізуші.

Қымбатты жас білім сүйетін достар және ұстаздар! Сіздерді бүгінгі болатын «Адам Қоғам Табиғат» атты Жас эколог клубының концерттік кешін тамашалауға шақырамыз.


2- жүргізуші.

-«Адамдардың табиғатсыз үні жок,

Мұны айтуға табиғаттың тілі жоқ».


1-Жүргізуші.

Тыңдап па едің Жамбылдың үнін,

Оқып па едің Жамбылдың жырын,

Ұғып па едің өлең сырын.

Жырлаған бүкіл өсімдік сырын.


2- жүргізуші.

Тыңдап едім Жамбылдың үнін

Оқып едім Жамбылдың жырын

Ұғып сонда өлеңнің сырын

Пайда болды менде сезім.


От болып лаулап жандым да,

Қолыма қалам алдым да.

Ардақты атам Жамбылға

Жыр соқпағын салдым мен.


Исақызы Сәуленің орындауында Ән «Жаралы аққу»


1-Жүргізуші.

О, табиғат, тіршілікке ұйық болған мекенім,

Құшағынан нәр алып мұратыма жетемін.

Алақанда аялаймын ұл-қызыңдай үйдегі,

Азаматтық борышым қорғаушың боп өтемін.


2- жүргізуші.

Табиғаттың тарылтпаймын мөлдір кәусар ауасын,

Қастерлейік оның бар қазына, ырысын.

Ей, адамдар, қалай ғана қатігездік жасайсың,

Табиғаит Анаң, аялағаң ұлысын,-деп ақын ағамыз Р. Сәтімбеков жырлаған, біздің ата-бабаларымыздың тұрмыс-тіршілгі табиғатпен тікелейц байланысты болған.


Абилова Анель табиғат туралы өлеңі «Табиғатты аялайық»



1-Жүргізуші.

Табиғат-тіршіліктің бесігі. Адам табиғаттың бір перзенті. Табиғатқа зер салып қарайтын болсақ бізге бәймәлім сырлары толып жатыр. Оған тереңірек үңілсек табиғат өз бойынан көп мөлшерде адамзатқа, жан -жануарға қажетті заттар бөліп шығарып. Үнемі өзінің тепе-теңдігін сақтап отырады,

Бұл-табиғаттың тазалық заңы.


2- жүргізуші.

Ән шырқалар бақытымен бағымен,

Ән айтылса ұйып тыңда жаныңмен.

Ән айтпақшы Мөлдір қыздарыңыз сіздерге

Өшпес ыстық алаулаған жалынмен.


Ән «Астана» орындайтын Досмағанбетова Мөлдір.


1-Жүргізуші.

Қолмен жасағандай көркем табиғат айдынында жүзген қос аққу, бұрала өскен биші қайың. Айта берсең таусылмайтын табиғат тамашалары. Бұл табиғаттың-сұлулық заңы.


2- жүргізуші.

Мол қазыналы табиғатсыз адам өмірі де, адам құратын қоғам өмірі де тұл,

Бұл –табиғаттың мол қазыналық заңы.


Алтынай мен Үкілім табиғат туралы өлең шумақтары.


1-Жүргізуші.

Халқымыздың жүрегінің кіндігі, жүрегінің жылылығы мейірімінің молдығы, жанының дархандығы, кең далаға, көңілді көк айдынды өзен –көлге, мөлдір бұлаққа, табиғат көркіне ажар қосқан аң-құсқа тікелей байланысты екені ешкімгіде күмәнді емес.


2- жүргізуші.

Домбыра бұл үнсіз қалып көрмеген,

Қуаныш та, қайғы мұң да кернеген.

Үзіледі, үзіледі, үзіледі әуендер

Ғашықтардың көз жасындай пернеден

Күй «Адай» орындайтын Бердіқожаева Асем


1-Жүргізуші.

Өмір қымбат қашанда адам жанға,

Оның қорғау –борышым, елім сонда

Кешегі бір жылдарда айналған-ды

Қазағымның даласы полигонға.


2- жүргізуші.

Ән де, күй де еріккенннің ермегі емес, адам жанының айнасы, өмір құбылыстарының көрінісі. Өмірдің алды ыстық болса, арты қайғы-мұң. Әсем әуезді, терең мағыналы күй адам өмірінің осындай кезеңдерін бейнелейді

Пародия «Ол сен емес» орындайтын Қаныбеков Мерей


1-Жүргізуші.

Ей, қазақ ұланы,

Болғайсың дала қыраны

Жер –суын қорғау бабаңның

Емес пе еді басты ұраны.


2- жүргізуші.

Көнілділер мен тапқылар сайысында

Бас бәйгені басқаға бермегендер

Әзілімен орынды ой айтудан

Әлі ешкімнен жеңіліп көрмегендер

Қарақия жастары КВН командасы.


1-Жүргізуші.

Табиғат –сұлу мекенім,

Өзіңді пана етемін.

Саяңды өсіп ер жетіп,

Биікке самғап жетемін


2- жүргізуші.

Соққандай әлсін-әлсін тау самалы,

Көңілім әуез үнге тамсанады.

Шырқатар құстар жырын қарсы алдыңда,

Әділет пен Мөлдірің ән салады

Ән «Егіз Лебіз»


1-Жүргізуші.

Табиғаттан нәр алған гой жанымыз,

Жер бетінің ажары ғой, сәніміз.

Туған өлке табиғатын аялап,

Ұсынайық жүрек нұрын бәріміз.


2- жүргізуші.

Талант пен жүректое тасыған,

Өзіміз шығарған асыл ән.

Көрермен ынтамен тыңдаңыз

Өнерлі өрендер жасынан

Папури «Гай»


1-Жүргізуші.

Туған жерді сүю-парыз

Сүю үшін білу-парыз

Қасиетін ұғу –парыз

Күзетінде тұру-парыз


2- жүргізуші.

Күй ойнайды қазағымның қанында,

Күй ойнайды қазағымнын жанында.

Жүрегінің, жүрегінің дүрсілі,

Күмбірлеген домбырасы барында

Күй «Қорғалы» орындайтын Оразалы Асем


2- жүргізуші.

Ойын


1-Жүргізуші.

Адам ойы шарықтап, шартарапты кезіп кеткен бір шақты өз- өзінен шабыттанып, қайрат-жігер шақырып әлдеқайда алып ұшқан көңіл –күйі ән шақырады, ол сенің өз әнің бе, әлде көкірегіңде ұялаған өзгенің сазы ма? Бәрібір, тек жаңағы құйқылжыған көңіл күйіңді ырғағыңа сай келсе, соны жеткізе алса болғаны.

Ән «Сағыныш әні» орындайтын Серік пен Ербол


2- жүргізуші.

Cіңіріп қазағымның бар дастанын,

Талай-талай тарихын, мол дастанын.

Қазақ биін барынша түрлендіріп.

Шығарыпты көршілес қарындастарым

Зейін қойып, сол биге тамсанайық,

Тамсанайық, халайық қол соғайық


Би «oppa gangam style»

Қарақия жастары. Жас эколог мүшелері.


1-жүргізуші

-Табиғаттың тарылтпайық мөлдір кәусар тынысын.

Пәк табиғат! Жүрегімнің тамылжыған жырысың.

Ей адамдар! Қалай ғана қатыгездік жасайсың?

Ол анаң ғой, ал сен кенже ұлысың.


2- жүргізуші

Бүгінгі біздің «Адам Қоғам Табиғат» атты Жас эколог клубының мүшелерінің концертті кешін аяқтайцмыз!

"Жас эколог" клубының кеші (6-9 сынып)
  • Биология
Описание:

Қымбатты жас білім сүйетін достар және ұстаздар! Сіздерді бүгінгі болатын «Адам Қоғам Табиғат» атты Жас эколог клубының концерттік кеші.Халқымыздың жүрегінің кіндігі, жүрегінің жылылығы мейірімінің молдығы, жанының дархандығы, кең далаға, көңілді көк айдынды өзен –көлге, мөлдір бұлаққа, табиғат көркіне ажар қосқан аң-құсқа тікелей байланысты екені ешкімгіде күмәнді емес

Автор Сәрсен Алтынай Жетекқызы
Дата добавления 25.02.2016
Раздел Биология
Подраздел Другое
Просмотров 293
Номер материала MA-065192
Скачать свидетельство о публикации

Оставьте свой комментарий:

Введите символы, которые изображены на картинке:

Получить новый код
* Обязательные для заполнения.


Комментарии:

↓ Показать еще коментарии ↓