Тақырыбы:
Тәуелсіз елім – тірегім.
Мақсаты:
Балаларға желтоқсан оқиғасының естеліктері арқылы ұлтжандылық тәрбие беру,
желтоқсан құрбандарын мәңгі есте сақтау: жас ұрпақ бойына еліне, жеріне, ұлтына
деген патриоттық сезімін қалыптастыру.
Сабақ барысы:
Балалар қолдарына ту ұстап «Көк тудың желбірегені» әнінің әуенімен топқа
кіреді.
Тәрбиеші:
Арайлап таң атты
Алтын сәуле таратты
Жарқырайды даламыз
Қайырлы күн, балалар
Қайырлы күн, қонақтар.
Шаттық шеңбері:
Қуан, шаттан, алақай
Қуанатын келді күн.
Қайырлы таң, қайырлы күн
Күліп шықсын күн бүгін.
(Орындарына отырады)
Тәрбиеші:
Балалар, бүгін бізге қонақтар келіп отыр.
Тәуелсіз елім-тірегім атты сабағымызды бастайық.
Тәуелсіздік - ең басты құндылығымыз. Тәуелсіздік күні еліміздің барлық азаматтары
үшін орны ерекше мереке деп білеміз, себебі, осынау жүрекжарды қуанышқа толы
күнді ата-бабаларымыз ғасырлар бойы армандап, күтумен өтті.
Осы қазақ халқының жері болашағы үміті үшін желтоқсанда жас өмірін жалау еткен
қазақтың ұл-қыздары Қайрат Рысқұлбеков, Ербол Спатайұлы, Ляззат Асанқызы,
Сәбира Мұхамеджанқызының аттарын атап айтпай кетуге болмас. Олардың аңсаған
армандарымен үміт тілектері бұл күнде толық жүзеге асты. Бір ғана өкініш бар ол
азаттық үшін жан аямай алысқан, сол боздақтардың кейбірінің бүгінгі бақытты
сәтімізді көре алмауы.
( Қайрат Рысқұлбеков пен Ляззат Асанқызының портреттерін көрсету)
Біздің отанымыз Қазақстан. Біз Қазақстан Республикасында өмір сүріп
жатырмыз. Қазақстан Республикасының елбасы Нұрсұлтан Әбішұлы Назарбаев.
Аялы:
Дара елміз жекеміз
Дарабоз ол көкеміз
Көкемізге еріп біз
Көп арманға жетеміз.
Елдігіміздің басты рәмізінің бірі – Әнұран.
Қазақстан Республикасының Әнұранын орындау.
Біздің Мемлекеттік рәміздеріміз ол Ту, Елтаңба.
Тудың
көгілдір түсі, ашық аспан мен тыныштықтың белгісі. Ортасында күн, қыран құс.
Ильяс:
Айнымайды аспаннан,
Біздің тудың бояуы.
Оны халық қашанда
Биікке іліп қояды.
Елтаңба.
Қазақстан елтаңбасы дөңгелек пішінді, тудың түсіндей көгілдір. Оның ортасында
күн сәулесі шашып тұрғандай, шаңырақтың суреті бейнеленген.
Медина:
Елтаңбасы елімнің,
Неткен әйбәт әдемі.
Тұнығындай көңілдің
Ортада аспан әлемі.
Астана жұртын ұйытқан, жеңімпаз істерге жұмылтқан бұл – Астана. Астана
– Қазақстан Республикасының елордасы. Баба қазақ аңсаған елдің туын
көтертіп,мемлекетімізді әлемге танытып, өркенімізді өсірген бұл – Астана.(
Астана суреттерін көрсету)
Астана жайлы Еркеназдың тақпағын тыңдайық.
Еркеназ:
Отанымның төрінде,
Сарыарқаның өрінде.
Ту ұстаған Астанам,
Әсем қалам, бас қалам.
Енді балалар біз Қазақстан Республикасының рәміздерін білеміз.
Ойын ойнайықшы.
«Кім жылдам» туды құрастыру. ( Екі бала шығады туды құрастырады)
«Рәміздерді көрсет» (ту, елтаңба- тақтаға жапсыру).
Жарайсыңдар, балалар!
Тәуелсіз
еліміздің жастары үшін заман талабына сай өнерлі де білімді болып өсу талабы
туды. Тәуелсіз еліміз болашаққа айқын бағдар түзеп, өркениетті елдер қатарына
жетуге аяқ басты. Болашақтың тірегі мына бүгінгі бүлдіршіндер сендерсіндер.
Сәби күлкісімен ана мейрімінің сәні ешқашан бұзылмасын.
Қазақ
елі тәуелсіздігін алды. Туымыз асқақтап желбіреп тұр.
Мынау
балалар Қазақстан Республикасының картасы. Біздің болашағымыз сендерсіңдер,
балалар. Сондықтан сендер де Республикамыздың гүлдеуіне, көркейуіне өздеріңнің
үлестеріңді қосу керексіңдер. Ендеше мына гүдерді мына картаға жапсырайық.
Балалар, біз осындай тәуелсіз мемлекетте бақытты өмір сүріп жатқанымызға мақтан
етіп құрметтеу керекпіз.
Ендеше өзіміздің тәуелсіз республикамызды мақтан етіп «Біз бақытты баламыз»
әнін орындайықшы.
Тәрбиеші:
Тәуелсіздік-таң нұрымен арайлы
Бабалардың арманысың талайғы.
Ғасырлардың құшағында ер жеттің,
Халқым сені өз бақыты санайды.
Ашық
аспан, денсаулықтарын мықты болсын,
Балалар!
Келген қонақтар, Сіздерге де көп-көп рахмет.
Өткізген
тәрбиеші: Мукушева Индира Мертаевна
«Бастау»
балабақшасы Жарма ауданы, Шуақ ауылы
Оставьте свой комментарий
Авторизуйтесь, чтобы задавать вопросы.