«Ана
деген-теңдесі жоқ ұлылық».
Сабақтың мақсаты:
1) оқушылырға « 8- наурыз» туралы түсінік беру;
2) балаларды барлық
аналарға деген сүйіспеншілікке баулу, ана еңбегін ардақтап құрметтей білуге
тәрбиелеу;
3) оқушылардың логикалық
ой-өрісін, тіл байлығын,сөздік қорын,ойлау қабілеттерін дамыту.
Көрнекілігі:
интерактивті тақта,слайдтар,гүл шоқтары,шарлар.
Сабақтың
барысы:
Мұғалімнің сөзі:
Ана- өмір,қолдаушысы
әлемнің,
Шаңырақтың шаттығы мен
шуағы.
Сейілмесін жанарынан
ананың
Тіршілікке төккен нұрлы
шуағы.
Аялайық аналарды әрдайым,
Қуанышқа бөлейікші
өздерін.
Әжелердің,аналардың,қыздардың
Мұң шалмасын күлім қаққан
көздерін.
Ана – барлық өмірдің
бастауы. Ол адамды өмірге әкеледі,оны тәрбиелейді,өсіреді. Адам бойындағы
барлық асыл қасиет күннің нұрынан,ананың ақ сүтінен дариды. Ана- ұлы адам,ана-
құдіретті жан, ендеше бүгінгі мерекелеріңіз құтты болсын,аяулы аналар! («
Анашым әні»)
1-оқушы:
Құрметті асыл аналар,қадірлі апайлар,қызғалдақ қыздар,бүгінгі «Ана
деген-теңдесі жоқ ұлылық» атты имандылық сағатымызды бастаймыз.
2-оқушы:
Құтты болсын,ардақты ана,
Асыл
анам,мерекең.
Құтты
болсын теңдік алған
Қуанышты берекең.
3-оқушы:
Бала,бала ,бала деп
Түнде шошып оянған.
Түн ұйқысын төрт бөліп,
Түнде бесік таянған.
4- оқушы:
Өмірдің иесі сен, ғазиз Ана,
Келтірген дүниеге нелер
дана.
Анасыз батыр да жоқ,ақын
да жоқ.
Өмірдің алтын кілті
сонда ғана.
5- оқушы:
Адамзат қуат алар ақ сүтіңнен,
Мәпелеп әлдилеген пейілің
кең.
Аналық махаббатың –
кәусар бұлақ,
Сөнбейтін ақ жүрегің-
мәңгі шырақ.
6- оқушы:
Алтын Анам жасымнан аялаған,
Мен үшін игілікті
аямаған.
Сабақтан шаршап үйге келгенімде
Бал сөзі « жаным» деген
сая маған.
( « Ана» әні )
2- жүргізуші:
1910 жылы Данияда Копенгаген қаласында революционер әйелдердің халықаралық
конференциясы өтті.
Мінбеге Клара Цеткин
шықты. Ол ақ шашты,қара көзді, орта жастағы адам еді.
« 8- наурыз барша әйел
қауымының мерекесі болсын» деген ұсыныс айтты. Ұсыныс бір ауыздан қабылданып «
8- наурыз - Халықаралық әйелдер күні» болып қабылданды. Революционер
әйелдердің халықаралық конференциясы өтті.
7-оқушы:
Өзіңе еліктеп өсермін,
Борышты өтермін қалайда.
Тым нәзік,жұтаңдау
жырымды
Жүректе жылытшы,жарай
ма?!
1-жүргізуші:
Менің анам үйде барлық тірлікті істеп, одан қала берсе жұмысқа да барып
үлгереді.
2- жүргізуші:
Мен мектептен келсем тамағым да дайын,от та жағулы,үй де жинаулы,мұның бәрін
қалай үлгереді екен?
1-жүргізуші:
Біздің аналарымыз бәрін өз қамқорлығына алады,олар барлық шаруаны бітіреді,
сонымен қатар олар біздің әр ойымызды айтқызбай табады, біздің бар сырымыз
оларға әрқашан да белгілі.
2-жүргізуші:
Олай болса аяулы аналарымызды бір сынап көрелік.
« Аялы алақан» ойыны
Аналардың көзін
байлап,оқушылардың ішінен өз балаларын тапқызу.
1-жүргізуші:
« Перзент сыры» әнін қабыл алыңыздар.
2-жүргізуші:
Дүниенің жарық күні- анамыз,
Дана болсақ анаменен
данамыз.
Тыңдаңыздар көңіл
қойып,ағайын,
Анаға арнап тағы бір ән
саламыз.
1-жүргізуші:
« Анашым» әні.
2-жүргізуші:
Ән де шырқап,би де билеп жатырмыз,асыл ана,бәрі осының сіздің ғана арқаңыз.
Би: « Қаражорға».
1-жүргізуші:
Менің анам алтын.
2-жүргізуші:
Менің де анам алтын.
1-жүргізуші:
Аналарды құрметтеп
2-жүргізуші:
Қол соғыңдар жалпың.
1-жүргізуші:
Аналарымыз бізді байлаулы көзбен де көреді екен.
2-жүргізуші:
Ерте заманның бірінде қазақ даласына шабуыл жасаған дұшпанның қалың қолы бір
қаланы қоршап алады. Қорғаннан өте алмаған жауқалаға келетін ауыз суды
тоқтатып халықтың берілуін күтіпті. Бірнеше күн өтсе де қала берілмепті. Сонда
дұшпанның әскербасы мынадай бұйрық шығарыпты. « Қаладан көтергенше жүк алып
әйелдердің кетуіне рұқсат етемін» дейді. Әйелдер бір-бір қапшық арқалап
қаладан шығып кетеді. Дұшпан қалаға кіріп қараса бірде- бір еркек жоқ,әйелдер
ер азаматтарын қапқа салып көтеріп кетіпті. Кішкене қыздар ұл балаларды,
кемпірлер шалдарды көтеріп қаладан шығып кетіпті.
1-жүргізуші:
Осылай бір халықты әйелдер аман алып қалған екен. Кішкене қыздар ұл балаларды
көтеріп шығыпты. Сен осылай жасай алар ма едің?
2-жүргізуші:
Білмеймін, мен тек біреуін ғана алып шығар едім.
1-жүргізуші:
Ол бақытты жан кім екен?
2-жүргізуші:
Айтпаймын.
Хор: « Ақ ана» әні.
1-жүргізуші:
Аналарымыз қандай өнерлі десеңші!
2-жүргізуші:
Өздері епті, өздері бір үлкен адамды да көтеріп кетеді екен. Енді оларды қалай
сынасақ екен?
1-жүргізуші:
Олардың шешендігін сынап көрелік.
« Сөз тапқанға қолқа жоқ»
ойыны
Аналарды ортаға шақырып
бір әріп таңдатамыз. Таңдаған әріптерге басталатын сөдермен сұрақтарға жауап
береді.
1-жүргізуші:
Біздің сөз тапқыш аналарымыздың құрметіне « Ана туралы» ән .
2-жүргізуші:
Мұсылман қауымы « Анаңды Меккеге үш рет арқалап апарсаң да қарызынан
құтылмайсың» деген екен.
1-жүргізуші:
Бәріміз де ана алдында борыштармыз. Сол борышты өтеу – бізге міндет.
Аналарымызды ренжітпей,
бізге жарық дүние сыйлаған қамқоршымыз деп атап, мәңгі аялап өтуіміз керек!
Оставьте свой комментарий
Авторизуйтесь, чтобы задавать вопросы.