Главная / Информатика / Сыныптан тыс шара (6,7 класс)

Сыныптан тыс шара (6,7 класс)

Үш тілде оқытатын №21 орта мектеп-гимназиясы











Информатика пәнінен сыныптан тыс шара



hello_html_9fc305e.gif


6,7 кластар аралығында






Пән мұғалімдері: Мамытжанова Г.А.

Әли Г.Қ.











2014-2015 оқу жылы


«Үздік бағдарламашы»

интеллектуалды сайысы


Өтетін күні, уақыты: 22.12.2014ж сағ.12.30

Қатысушылар: 6,7 класс оқушылары


Мақсаты: Оқушылардың информатика пәнінен алған білімдерін жинақтау, ұйымшылдыққа, шығармашылыққа баулу.

Білімділік: Оқушылардың бойына ақпараттық-танымдық қасиеттер дарыту, жан-жақты интеллектуалды ойлай білетін тұлға қалыптастыру.

Дамытушылық: Оқушылардың пәнге деген қызығушылықтарын арттыру. Ойлау қабілеттері мен танымдық қабілдеттерін дамыту.

Тәрбиелілік: Оқушыларды алғырлыққа, шапшаңдыққа, тапқырлыққа, жауапкершілікке тәрбиелеу.

Жүргізуші:

Құрметті ұстаздар, оқушылар! «Ғылымдар патшалығы-нақты тілде» атты апталықтың «Үздік бағдарламашы» интеллектуалды сайысына қош келдіңіздер!

Үздіктердің үздігі, білімділердің білімдісін анықтайтын бүгінгі сайымызға қатысатын 6,7 класс оқушыларын қошеметпен ортаға шақырамыз.

Сайысқа екі топ «Ақпарат» және «Алгоритм» топтары қатысады.

Шын жүйрік шабысын бағалап, нақты білімі мен ойын сынайтын әділқазылар алқасымен таныс болыңыздар:


_______________________

_______________________

________________________

_________________________


Құрметті әділ-қазылар және сайыскерлер! Сайыс бөлімдерімен таныс болыңыздар.


  1. «Сергіту» (топ мүшелеріне жұмбақтар)

  2. «Жұлдызды сәт» (ұяшық таңдау)

  3. «Кім жылдам?» (блок схема)

  4. «Үздіктің үздігі» (топ басшылары)

  5. «Байқампаз бол да, бағалан!» (электронды оқулық)

  6. «Кім тапқыр?» (комп.даму тарихы)

Бақпен сыналар бұл жарысқа қатысып отырған оқушыларға сәт сапар тілей отырып, сайымызды бастаймыз.

Ал сайыскерлер бүгінгі додаға дайынсыздар ма, көңілдеріңізде қобалжу бар шығар? Олай болса көңілді жұмбақтармен көңілімізді бір сергітіп алайық.

Бұл бөлімнің шарты: әр топ мүшелеріне жеке жұмбақ жасырылады, дұрыс жауап берсе топтың есебіне 1 ұпай қосылады. Жауап бере алмаса жауап беру мүмкіндігі екінші топқа өтеді.


Төртбұрышты әйнек,

Тұнып тұрған әлек.

Монитор

Тетігін бассаң алаңсыз,

Жазады қалам қағазсыз

Компьютер

Компьютермен енеді,

Қағазға басып береді

Принтер


Ақпараттарды экранға шығарады

Бұл құрылғы қалай деп аталады?

Сканер



Экранның бетінде оның тұрағы,

Қашан болсын жыпылықтап тұрады?

Меңзер, курсор


Бір сарайда тұрады екен,

Бес атаның балалары.

Қыдырмашы біреуі

Бір күн бар да, бір күн жоқ

Соны есепке алсақ,

Ұзын саны жүз жеті? пернетақта





Пернетақта ауылында тұратын,

Пернелік деген атаның

Бар екен 12 ағайынды, немерелері алғашқы.

Есімдері де өздерінің бір қызық

Тек қана F әрпімен басталады.

(Функционалдық пернелер)

Биологияда бұл паразит,

Көзге зорға көрінер

Информатикада өлшем бірлік

Ақпаратты өлшер! БИТ


Батырмасын бассаңыз,

Салады қағаз қаламсыз

Ебін оның тапсаңыз,

Қажетті бейне саларыз... ГРАФИКАЛЫҚ РЕДАКТОР


Компьютерлік қойын кітапша

Блокнот


Сайыстың ІІ бөлімі «Жұлдызды сәт!».

Экранда санмен белгіленген ұяшықтарда сұрақтар жасырылған. Екі топ кезектесе отырып, ұяшықты тандап, сұраққа жауап береді.

«Жұлдызды сәт» бөлімінің сұрақтары:

 

  1. Ақпараттың ең кіші өлшем бірлігі (бит)

  2. Сурет салуға арналған программа (пайнт)

  3. Вирусты тауып, жоятын программа  (антивирус)

  4. Алгоритм жазылу жолдары (табиғи, алгоритмдік, графиктік, программалау тілдерінде)

  5. Компьютердің негізгі құрылғысы (жүйелік блок)

  6. Латынның түсіндіру, баяндау, мәлімет деген ұғымдарын білдіретін сөз? (Ақпарат)

  7. Бүкіл әлемдік желі (интернет)

  8. 1 Байтта неше бит бар? (8)

  9. Екілік жүйесінің сандары (0,1)

  10. Қағаздағы көріністі экранға түсіруші? (сканер)

  11. Принтерлер қандай түрлерге бөлінеді (Матрицалық, бүріккіш, лазерлік)

  12. Өшірілген құжаттар қайда сақталады? (себет)

  13. Компьютердің барлық жұмысын басқаратын программа (операциялық жүйе)

  14. Вирустар қандай топтарға жіктеледі (жүктелетін, файлдық, макровирустар)

  15. Орындаушының белгілі бір мақсатқа жету жолында орындайтын әрекеттер тізбегі не деп аталады (алгоритм)

  16. Алгоритм типтері (сызықтық, тармақталу, циклдік)

Келесі ІІІ бөлім «Кім жылдам?»

Жылдамдық пен тапқырлықты талап ететін бұл бөлімде алгоритмді блок схемалармен өрнектеп, құрастырылады. 2 мин уақыт беріледі, дұрыс құрастырылған блок схема 5 ұпай.

«Алгоритм» тобына: Екі санның үлкенін табу алгоритмі

«Ақпарат» тобына: Санның оң немесе теріс екендігін анықтау


Келесі бөліміміз «Үздіктің үздігі».

Бұл бөлімде өз тобының намысын қорғауға топ басшыларын ортаға шақырамыз. Сайыстың шарты - адасқан әріптерді орнына қояды. Дұрыс табылған әр сөзге 1 ұпайдан беріледі.



Ү бөлім «Байқампаз бол да, бағалан!» деп аталады.

Бұл бөлімде экраннан мәлімет беріледі және соған байланысты қойылған сұраққа жауап береді, берілген жауап дұрыстығына 5 ұпай қосылады.

Шарты: қай топ жауап беруге дайын сол топ бірінші жауап береді.


ҮІ бөлім.

Тарих тағылымына ой жүгіртетін келесі бөлімімізде есептеуіш техниканың даму тарихына шолу жасайық. Әр дұрыс жауап 1 ұпаймен бағаланады.

  1. Есепшот Грецияда қалай аталды? (Абак)

  2. 1694 жылы атақты неміс математигі Лейбниц қандай есептеуіш құралын ойлап шығарды? (Арифмометр)

  3. Компьютердің атасы  (Чарльз Бэббидж)

  4. ЭЕМ-нің екінші буыны (транзисторлар)

  5. Алғашқы программист  (Ада Лавлейс)

  6. Бірінші электронды машина (ENIAC)

  7. Американдық Герман Холлерит қандай құрылға ойлап шығарды? (Есепші – перфорациялық машиналар)

  8. Блез Паскаль дүние жүзіндегі ең алғашқы қай құрылғыны ойлап тапты? Қосу машинасын

  9. Алғашқы есептеу құрылғысы? (Саусақтар)

  10. Қазіргі дербес компьютерлер қай буынға жатады?

IV буынға


Жарайсыңдар, «Ақыл, қайрат, жүректі бірдей ұста, сонда толық боласың елден ерек» , деп Абай атамыз жырлағандай, білімділік пен ізгілікті бойымызға дарыта білейік! Сайыс қатысушыларына қошемет көрсетейік.

Ендігі сөз кезегін сайысымызды сарапқа салып, жеңімпаздарды анықтайтын әділ – қазылар алқасына берейік!


Сонымен бүгінгі сайысымыз өз мәресіне жетті, Әділ қазылар мүшелеріне және сайысқа қатысушыларға алғыс білдіреміз.

«Үздік бағдарламашы» атты интеллектуалдық сайыста жеңіске жеткен ____________________ тобын құттықтаймыз!

_________________ сіздер де бұл сайыста белсене араласып, тартысты бәсекелес болдыңыздар. Алар асуларыңыз алда.

Жарқын күнде жүздескенше сау болыңыздар!

hello_html_m4d466bb7.png

Сыныптан тыс шара (6,7 класс)
  • Информатика
Описание:

 «Үздік бағдарламашы» интеллектуалды сайысы

 Өтетін күні, уақыты: 22.12.2014ж   сағ.12.30

Қатысушылар: 6,7 класс оқушылары

 

Мақсаты: Оқушылардың информатика пәнінен алған білімдерін жинақтау,  ұйымшылдыққа, шығармашылыққа баулу.

Білімділік: Оқушылардың бойына ақпараттық-танымдық қасиеттер дарыту, жан-жақты интеллектуалды ойлай білетін тұлға қалыптастыру.

Дамытушылық: Оқушылардың пәнге деген қызығушылықтарын арттыру. Ойлау қабілеттері мен танымдық қабілдеттерін дамыту.

 

Тәрбиелілік: Оқушыларды алғырлыққа, шапшаңдыққа, тапқырлыққа, жауапкершілікке тәрбиелеу.

Сайыс бөлімдері:

1.      «Сергіту»               (топ мүшелеріне жұмбақтар)

2.      «Жұлдызды сәт»   (ұяшық таңдау)

3.     «Кім жылдам?»     (блок схема)

4.     «Үздіктің үздігі»   (топ басшылары)

5.     «Байқампаз бол да, бағалан!» (электронды оқулық)

6.     «Кім тапқыр?»   (комп.даму тарихы)

Автор Мамытжанова Гульмира Ахметовна
Дата добавления 04.01.2015
Раздел Информатика
Подраздел
Просмотров 794
Номер материала 30070
Скачать свидетельство о публикации

Оставьте свой комментарий:

Введите символы, которые изображены на картинке:

Получить новый код
* Обязательные для заполнения.


Комментарии:

↓ Показать еще коментарии ↓