Тақырыбы: Тәуелсіздік құрбандары
Сабақтың мақсаты: Ерлік-
батыл да батыр адамның намысын, ел намысын, адамзат абыройын, Отан қорғаудағы
қайсар күресінің жеңісі, орасан еңбек жемісі екендігін ұғындыру. Оқушылардың
бойында Отанға, туған жерге деген сүйіспеншілік қалыптастыру.
Көрнекілігі:
көрем, сурет, палакаттар, нақыл сөздер.
Сабақтың
барысы:
І. Ұйымдастыру кезеңі.
«Мен қазақпын» бейнеролик
Мұғалімнің сөзі:
Еліміз Тәуелсіздік туын тігіп, егемендік алғанымызға биыл 23 жыл толып отыр.
300 жылдай Ресей отарлауында келген қазақ халқы өзінің тәуелсіз мемлекет болуын
аңсап, сол үшін күресті. Әрине тәуелсіздік біздің алақанға салған біреудің сыйы
емес. Осы сабақта бүгінгі күн үшін қанын төккен қаһармандар туралы
әңгімелейміз.
І- бөлім:
Тарихы мол сан тарау.
1- жүргізуші:
Біз қазақпыз, есігі ашық, төрі кең
Жылап
өттік жылдар өмір өрінен
Жетер
енді желпінейік, қарайық
Мына
өмірге иегердің көзімен.
2- жүргізуші: Азат
бүгін байлыққа тұнған жерім,
Азап
жүгін, ел жауын қуған ері
Әділет
пен бірлікке жанын қиып,
Әділ
өткен билердің туған жері.
1- оқушы: Қазақ
жері көп шеккен қасіретті
Қазақ
ері өнерлі, өсиетті.
Египетті
билеген Бейбарыстың,
Елі
текті киелі, қасиетті.
2- оқушы: Қорлаған
жау- басқыншы халыққа мұң,
Қорғаған
ер- ойлаушы халық қамын.
Қобыланды,
Ертарғын, Алпамыстар,
Қорғап
қалды ер болып алыптарын.
1- жүргізуші: Биыл
талай жылдан бері аңсап жеткен тәуелсіздігіміздің 23
жылдығы, ызғарлы
желтоқсан оқиғасының 28 жылдығын еске аламыз. Талай қазақ баласының қанын,
жанын қиып келді.
Көрініс: «Атасы
мен баласы»
3- оқушы:
1723 жылы ел жайлауға көшіп жатқан кез.Қаннен-қаперсіз, шат-шадыман жаз
жайлау қызығын көруге бет алғанда Жоңғар-қалмақ тұтқиылдан шабуыл жасап, қазақ
халқын қан жылатты. Дүрліккен ел шұбыра қашып, табаны езіліп, шұбырынды халық
ақтабан боды. Аңдыздаған жұрт Алакөлге аялдап, Қаратауға бас сауғалады.
Көрініс: «Ақтабан
шұбырынды, Алқакөл сұлама»
Ән:
«Елім-ай»
4- оқушы:
Қаратаудың баурайында қалың қазақ бас қосты.Елдің елдігін, ердің ерлігін
сынайтын күн туды. Жауға соққы беріп, жалпы жұртты аман алып қалу үшін данышпан
Төле би батырларды батылдыққа, елді ерлікке шақырды.
Көрініс:
«Қаратаудың басында қалың қазақ бас қосты»
5- оқушы: Ат
ауыздығымен су ішкен, ер етігімен саз кешкен заман болды. Қалың елді Қаракерей
Қабанбай, Қанжығалы Бөгенбай, Шапырашты Наурызбай батырлар бастап, азулы жауды
аңыратып жеңіді.
Мұғалім:
ХҮІІІ- ХІХ ғасырлар . Қазақ билері хандарын иек артып, көмек күткен орыс
патшалығы бірте-бірте өз мақсатын орындап, қазақ жерін отарлап, қазақ жерін
аздыра бастады. Ел ішіне іріткі салып, зымияндық саясатпен ел бірлігіне, ұлттық
қасиетімізге, кеңдігіміз бен тілімізге кесір келтірді. Оған қазақ шаруалары
ызаланып, бас көтерді.
1986 жылы
желтоқсанда орасан оқиға болды. Ел егемендігін аңсаған жастар алаңға шықты.
Желтоқсан желі дауылға айналды. Өрттей қаулаған өжет жастар ұлттық намыс
құдіретін әлемге паш етті.
6- оқушы: Қатыгездік
жұдырығы түйіліп,
Қамшы
үйірді жасқап, жекіп бұйырып.
Желтоқсанда
шықтық үлкен алаңға,
Ата-баба
аруағына сыйынып.
7- оқушы: Желтоқсан
оқиғасының құрбандары: Қайрат Рысқұлбеков, Ләззат Асанова, Сәбира
Мұхамеджанова, Ербол Сыпатаев.
ІІ- бөлім:
Жылдар жемісі
8- оқушы: Келді
міне, ерлікті бағалар күн,
Аруағы
қолдады бабалардың
Ғарыш
шарлап оралды Тоқтар батыр,
Мұратыңа
ие бол бабаларым.
Ж.Молдағалиев: «Мен -қазақпын»
М.Мақатаев: «Үш бақытым»
Ән:
«Жаса, Қазақстан»
ІІІ- бөлім:
Тәуелсіз елміз
І- жүргізуші:
Мен елімнің ұланымын. Сонымен тәуелсіз елміз. Бұл үлкен мәртебе.
ІІ- жүргізуші:
Біз осы тәуелсіз елдің ұланымыз, болашағымыз. Елімізді, жерімізді сүйеміз.
Ендеше елімізге арналған жүрекжарды өлеңдерімізді оқиық.
Ән:
«Қошақаным»
Би:
«Қара жорға»
І- жүргізуші: Тәуелсізбін,
егеменмін, азатпын,
Туды міне,
елім саған азат күн.
Елдің туын
биік ұстап әрқашан,
Болашағы
сендерсіңдер қазақтың.
Қорытынды.
Оставьте свой комментарий
Авторизуйтесь, чтобы задавать вопросы.