Главная / Начальные классы / Сценарий по внеклассной работе "Әнием кадерлем"

Сценарий по внеклассной работе "Әнием кадерлем"

Әниләр бәйрәме”

Алып баручы 1. Хәерле кич, хөрмәтле әниләр! Бүген без һәрбер кеше өчен әһәмиятле булган көнне билгеләп узарга җыелдык.

Әниләр бүгенге көн сезгә багышлана! Бүгенге бәйрәм сезнең барлык борчу мәшәкатьләрегезне оныттырып, яхшы кәеф алып килсен иде.


Балалар шигырь сөйлиләр.


1.Әнием – син минем бердәнберем,

Мин сине бик тә яратам.

Синең күзләреңә карыйм да

Барлык борчуларым таратам.


2.Булышсам, ничек шатланасың,

Бүләк итеп кабул итәсең.

Килә минем сиңа һәркөн шулай

Гел шатлыклар бүләк итәсем!


3. Язмыш сынауларында да

Алар безгә нык терәк.

Кайгыда да, шатлыкта да

Алар безгә бик кирәк.


4. Шуңа күрә әниләрне

Кирәк безгә сакларга.

Аларның ышанычларын

Һәрвакытта акларга.


5. Учларымда кояш минем,

Күңелемдә гел яз минем,

Син булганда янәшәмдә,

Бердәнберем, газиз әнием!

6. Һәркемгә дә газиз әни

Әни сүзе – изге сүз.

Күпме наз һәм нур сибелә

Бу гади сүз үлемсез.

7. Әниләрнең назы белән

Без керәбез һәр көнгә

Кояш кирәк җир йөзенә,

Әни кирәк һәркемгә.


8. Дөньяда иң яхшы әни,

Беләсезме, кемнеке?

Белмәсәгез, үзем әйтәм,

Ул әни бит – минеке.


Бала:

Күмәкләшеп, бергә , дуслар

Җырлап алыйк, әйдәле.

Котлы булсын, гөрләп торсын

Әниләрнең бәйрәме.


Җыр башкарыла.

Биюченең итәге

Бии, бии кыскара,

Биючегә сүз әйтмәгез,

Бии, бии остара.


Бие әйдә, бие әйдә

Биегәнне күрсеннәр

Баскан җирдә ут чыгара,

Безнең кызлар дисеннәр.


Лирик бию (татар халык киемнәреннән)

конкурс“Мәкальне тәмамла”


Без мәкальнең башын башларбыз, сез ахырын әйтеп бетерерсез.

- Ана сүзен тотмаган олыгайганчы… (игелек күрмәгән)

- Ана ачуы – язгы кар: күп булса да…. (тиз эри)

- Ана куены (туннан җылырак)

- Яктылык – кояш янында, яхшылык – (ана янында)

- Үз анасын зурлаган, (кеше анасын хурламас)

- Анасына өргән эт (бүре авызына төшәр)

- Алтмышка җитсен бала (Ана өчен һаман да бала.)


Биюе башкарыла.

Икенче бәйге: “Балаларыбызны беләбезме?”


- Балагыз нинди төс ярата?

- Нинди кием кияргә ярата?

- Балагызның яраткан артисты кем?

- Балагыз кайсы бәйрәмне ярата?

- Балагыз нәрсә белән шөгыльләнергә ярата?

- Сезнең пешергән кайсы ризыгызны бигрәк тә яратып ашый?

- Гаиләдә кемне күбрәк ярата?


Әни кебек булсам иде! -

Аның назлы сүзләре.

Их, яратам әниемне-

Аның нурлы күзләре.


2. Әни кебек булсам иде!

Гел елмаеп торсам иде.

Тирә – юньгә, әни кебек

Гел нур чәчеп торсам иде!


5. Җылы наз ул, әнием – синдә генә,

Иркә сүзләр- синең телдә генә,

Матур хисләр, уйлар йөрәгеңдә,

Изге синең, әнием, теләгең дә!


6. Әнием минем матур

Күзләре якты, көләч.

Шундый күңелле була

Ул өйгә кайтып кергәч.


7. Әни җирдә иң кирәкле кеше.

Әниләрнең белик кадерен.

Җил – давыллардан саклап үстерә ул

Кызганмыйча бөтен гомерен.


8. Гел шулай нур сибеп

Яшә син, әнием!

Исәнлек – саулык сорап,

Дога кылам,

Әниемнән аермасын

Берүк Аллам!


Җыр башкарыла.



Алып баручы 2. Сез балагызны яхшы беләсезме? (әниләргә сорау) Башка бала белән бутамыйсызмы? Яхшы, хәзер тикшереп карарбыз! Балаларыгызны ничек яхшы белү турындагы биремнәребезне дәвам итәбез. Күзләрне бәйләгән килеш балаларның кулларыннан үз балаңныкын танып алу.


татар биюе.


Бәйрәм бүләксез булмый ул.

Барыгыз да беләсез.

Безнең ничек тырышканны,

Хәзер менә күрерсез!


Нәни кулларым белән мин

Тик сиңа, диеп кенә.

Әзерләдем бүләгемне

Бик зур көч куеп менә.




4


Сценарий по внеклассной работе "Әнием кадерлем"
  • Начальные классы
Описание:

Бу класстан тыш үткәрелә торган бәйрәмнәрнең берсе. Бәйрәм әниләргә  багышлана. Балалар әниләргә атап шигырьләр сөйлиләр, җырлар җырлыйлар. Үзләренең биюләрен күрсәтәләр.

Кичә балаларда әниләренә карата хөрмәт хисләрен тагы арттырырга ярдәм итә . Шулай ук үзара дуслык хисләрен тагын да тирәнәйтә. Балаларда җырга , биюгә, гомумән сәнгат кә тартылу көчәя.

Кичәдә әтиләр әниләр үзләре дә катнаштылар. Балалар берлектә төрле төрле уеннар уйнатылды. Әти һәм әниләргә дә төрле биремнәр бирелде. Алар  ул биремнәрне бик тырышып үтәделәр. Шулай ук бәйрәмдә " Табышмак әйтәм, җавабын тап " дигән табышмаклар әйтешү өлеше дә булды. Әти әниләр һәм балалар арасында дөрес җавап өчен көч сынашу буды. Табышмаклар әйтешү ике якның да тигез җавап бирүе белән тәмамланды. Ике як та бик канәгат калдылар.

Бәрәңге әрчү уены да бик күңелле узды. Мода төп шарт тизлектә һәм бәрәңгене чиста , юка итеп әрчү иде. Укучылар сынатмадылар. Барлык уен таләпләре буенча бәрәңгене әрчеделәр.

Кичә бик күңелле үтте. Укучылар да , әти-әниләр дә бик канәгат калдылар.

 

Автор Загидуллина Гульуся Валиахметовна
Дата добавления 18.11.2014
Раздел Начальные классы
Подраздел Другое
Просмотров 671
Номер материала 2783
Скачать свидетельство о публикации

Оставьте свой комментарий:

Введите символы, которые изображены на картинке:

Получить новый код
* Обязательные для заполнения.


Комментарии:

↓ Показать еще коментарии ↓