Главная / Начальные классы / разработка урока по литературному чтению на тему

разработка урока по литературному чтению на тему


Ана тілі 2- сынып

Тақырыбы: Б.Соқпақбаев. «Шынықсын денеміз»

Мақсаты:1. Б.Соқпақбаев туралы түсінік алады,өлеңнің мазмұнымен танысады.

2.Мәнерлеп,түсініп оқу дағдыларын жетілдіреді.

3.Топпен ,жұппен жұмыс жасау арқылы оқушылар тіл табыса білуге,бірін-бірі тыңдай білуге,бірлескен шешімге келуге үйренеді , сыныптастарымен сыйластық қарым-қатынас орнатады ,танымдық белсенділігі артады .

Күтілетін нәтиже:таза ауада спортпен айналысу денсаулыққа пайдалы екені туралы ,қажыр-қайрат жұмсап,игі мақсатына жеткен адам Отанының мәртебесін асыратыны туралы ой түйеді.

Сабақтың көрнекілігі:интербелсенді тақта, Б.Соқпақбаев туралы слайдтар,интернет материалдары, стикерлер мен маркерлер,фломастерлер,

флипчарт.

Әдісі:сын тұрғысынан ойлау,АКТ,топпен ,жұппен жұмыс,әңгімелесу,сұрау-жауап,қалыптастырушы бағалау,өзін-өзі бағалау,бірін-бірі бағалау.

Сабақ барысы:

1.Ұйымдастыру.

Сынып төрт топқа бөлініп отырған.

2.Психологиялық кідіріс:

-Балалар,көңіл-күйлерің қалай? Өзіңнің көңіл-күйіңді қалай бағалайсың?(бас бармақпен бағалау- қалыптастырушы бағалау)

-Топпен жұмыс ережесін есімізге түсірейік.( Жауаптарын тыңдау,тақтаға жазып тұру).

Үй тапсырмасын тексеру:

1.А.Тоқмағамбетовтың «Құлақ пен Тымақ » өлеңін рөлге бөліп оқу. Топтар бір-бірінің мәнерлеп,қатесіз оқуын бағалайды.

2.Сұрау-жауап,қорытындылау:

-Балалар,Асқар ағамыздың өлеңінен өзімізге қандай ақыл алдық?

I. Қызығушылығын ояту

1.Алдын-ала тапсырма беру:

-Қазір экраннан бейне жазба көресіңдер.Қарап отырып,ойланып отырыңдар-бүгінгі сабағымыздың тақырыбы не болмақ?

2. Бейнежазба көрсету(2 минут)- «Қысқы спорт түрлері» (www.youtube.com сайтынан)

3. Бейнежазбаны талдау:

-Бейнежазбадан не көрдіңдер,топ ішінде ақылдасыңдар.Ақылдасқан соң әр топтан бір-бір оқушы тұрып, жауаптарын айтады.

Сұрау-жауап:

- Ендеше, бүгінгі сабағымыздың тақырыбы не деп ойлайсыңдар?

- Балалар,неге біз қыста шана ,шаңғы тебеміз,аққала жасаймыз? Теледидар көріп, компьютер ойнап, жылы үйде отыра бермейміз бе?( Балалар таза ауада ойнаудың денсаулыққа пайдасы туралы өз ойларын айтады.)

II.Мағынаны ажырату

1.Слайд көрсету арқылы Б.Соқпақбаев туралы қысқаша мәлімет беру.

2.Мәтінмен таныстыру:

«Шынықсын денеміз» өлеңін оқып тұрып,бүкіл сыныппен бірге мағынасына сәйкес қимылдар жасау.

3. Оқулықпен жұмыс:

-өлеңді әр оқушы өз бетімен ішінен оқиды;

-жұптасып күбірлеп оқиды;

4. Өлеңнің мазмұны бойынша сұрау-жауап:

-өлең не туралы?(топ ішінде талдап, әр топтан біроқушы тұрып,

жауаптарын айтады).

-денемізді қалай шынықтыруымызға болады?(оқушылар спортпен шұғылдану арқылы денемізді шынықтыруымызға болатынын айтады,спорт түрлерін атайды)

-тағы қандай спорт түрлері бар? Экранға назар аударыңдар. Бейнежазбадағы спорт түрлерін бір сөзбен қалай атауға болатынын ойлап отырыңдар.

Бейнекөрсетілім: «Көкпар»(1 минут) (www.youtube.com сайтынан)

(ат спорты, ұлттық спорт)

6. Сергіту сәті :

Егер күнде ерте тұрып ,таңертеңгілік жаттығу жасасақ ,денемізді шынықтыруға қандай пайдасы бар? - Бейнекөрсетілім: «Таңертеңгілік жаттығу» (www.youtube.com сайтынан)(балалар орындарынан тұрып,экранға қарап,жаттығуларды жасайды)

III. Ой толғау.

1.Топпен жұмыс :топ ішінде ақылдаса отырып,сабақта айтылған спорт түрлерін флипчартқа фломастер, маркерлермен жазады.Әр топ жазғандарын сынып алдына шығып оқиды.Тыңдап отырған топтар бағалайды(бас бармақ

пен бағалау- қалыптастырушы бағалау)


Қорытындылау:

-Биік мақсат қойып, спортпен жүйелі айналыссаң ,чемпион боласың. Бейнекөрсетілім « Чемпиондар әні»(Қазақстандық әлем чемпиондарының аттарын айтып отырады.) ( www.youtube.com сайтынан)

- Отаныңның намысын қорғайтын чемпион болғыларың келе ме?

Ендеше,қазірден бастап не істеу керек?

Рефлексия :сабақта не үйрендім- стикерге жазу, оқу.

Мұғалімнің бағалауы.

Үйге тапсырма:

Өлеңді жаттау, өзіңе ұнайтын спорт түрі туралы әңгіме дайындап келу.










разработка урока по литературному чтению на тему
  • Начальные классы
Описание:

 Әдебиеттік оқу пәнінен (2-сынып) "Шынықсын денеміз"  тақырыбы бойынша өткен сабақ жоспарында сын тұрғысынан ойлау технологиясын қолдану тәжірибесі көрсетілген.Оқушылардың тақырыпты оқып-үйренуге деген мотивациясын қалыптастыру үшін АКТ қолданылып,бейнекөрсетілім ұсынылды.Қалыптастырушы бағалау арқылы оқушылар өздерінің және бірін-бірінің іс-әрекетіне баға беріп,оқу үдерісіне белсене араласуға мүмкіндік алды.Сабақта топпенжұмыс жасай отырып оқушылар бір-бірін тыңдай білуге,бірлесе шешім қабылдауға,ынтымақтаса жұмыс істеуге дағдыланады. 

   Сабақ нәтижесінде қажыр-қайрат жұмсап,биік мақсатқа жеткен адам Отанының да мәртебесін арттыратыны туралы түсінік алады.

 

 

Автор Кусаинова Руфина Токтогалиевна
Дата добавления 08.01.2015
Раздел Начальные классы
Подраздел
Просмотров 308
Номер материала 45718
Скачать свидетельство о публикации

Оставьте свой комментарий:

Введите символы, которые изображены на картинке:

Получить новый код
* Обязательные для заполнения.


Комментарии:

↓ Показать еще коментарии ↓