Гимназия
сыныптары бар № 28 жббо мектебі
«Жаңаша оқыту- заман талабы» қалалық
семинары
Дайындаған:
Бектілеуова З.К
Ақтау
қаласы 2013 жыл
Қазіргі кезде
әлемнің барлық елдерінде оқытудың сапасын бағалауға айрықша көңіл бөлініп отыр.
Бағалау технологиясы білім беру жүйесіндегі басым бағыт – білім берудің
тұжырымдамасы мен стратегиясына негізделеді. «Бала жетістігін бағалаудың тағы
қандай баламалы жүйесін ұсына аламыз?» деген сұрақтар бүгінгі күні
педагогикалық қауымдастықты толғандыратыны анық.
Психологтар жүргізген арнайы
зерттеу көрсеткендей, оқушылардың оқудағы үлгермеушілігінің басты себебінің
бірі – өзінің оқу әрекетінің нәтижелерін саралап, сыни тұрғыда бағалай
білмеуінен болып отыр. Сондықтан мұғаліммен оқушы әрекетін бағалауды ұйымдастырудың
тиімді тәсілдерін іздестіру қажеттілігі туындайды.
Қазіргі кезде оқушының білімі мен
білігі, қабілеті, тәжірибесі мен жеке бас жетістіктері туралы ақпарат көзі тек
мектеппен шектелмейді. Бала қатысатын түрлі білім мекемелері: балалар
шығармашылығының орталықтары, оқушылар сарайы, музыкалық және көркемсурет
мектептері, өнер, спорттық мектептер жетіп артылады. Оқушының бейіндік оқыту
түрін таңдау кезінде осы мектептен тыс ұйымдардағы жеткен жетістіктері оның
қандай бағдарға бейім екенін анықтауда айтарлықтай маңызды үлес қосады. Осының
бәрі оқушының жеке жетістіктерін жинақтап көрсететін тиімді технологияны
жасауға негіз болады.
Бағалауды сапалы жаңарту
бағдарларының бірі ретінде соңғы кездерде портфолио технологиясы ұсынылып жүр.
Бұл технология оқушы әрекетінің нәтижесін объективті түрде бағалауға мүмкіндік
береді. Дегенмен, портфолио бағалауда туындап отырған мәселелерді түбегейлі
шешеді деуге болмайды. Шет мемлекеттердің оқыту жүйесінде жоғары бейіндік
мектептерге түсуге оқушының жеке жетістік папкасы немесе оқушы портфолиосы
басты механизмдердің бірі болып табылады. Сондықтан да шет мемлекеттердің
тәжірибесінде адам жетістігін бағалаудың бір түрі ретінде Портфолио әдісі
кеңінен қолданылуда. Ал енді «Портфолио дегеніміз не?» деген сұрақтың басын ашып
алайық.
Америкалық педагогтар Arter және
Spandel (1991) «Портфолио оқушылардың бір немесе бірнеше пән бойынша
жетістіктері мен білім деңгейін көрсететін жұмыстарын мақсатты түрде жинақтау»
деп түсініктеме берген.
Сондай – ақ портфолионың бала
үшін ықпалы қандай?
Біріншіден, балалардың өз
жұмыстарын бағалауын
Екіншіден, ересектердің баланың
жеке дамуын қадағалауына, баланың жеке жұмысының сапасына тікелей ықпал етеді.
Портфолиоға педагогика ғылымында
түрліше анықтама беріледі. Шетел тілдерінің сөздігінде ол былайша
түсіндіріледі:
1. Жазба
жұмыстарын, құжаттарды сақтауға және тасымалдауға арналған құрал.
2. Бір
тақырыпқа біріктірілген жұмыстар сериясы, құжатттар, қағаздар.
Ал Т.Г.Новикова
басқарған редакция алқасы портфолионың қызметін былайша түсіндіреді:
1. Портфолио
– оқушының белгілі бір уақыт аралығында оқудағы жеке жетістіктерінің жинағы мен
бағасын тіркеу тәсілі.
2.
Портфолио – оқушының түрлі салалар бойынша
қажыр – қайраты мен жетістіктерін көрсететін оқу нәтижелерінің жинағы.
3.
Портфолио – оқушының білім, білік,
дағдыларына мониторинг жасауға арналған жүйелі, арнайы жинақталған дәлелдемелер
жинағы.
4.
Портфолио – оқушының жеке жетістіктері мен
тәжірибесін рәсімдеп көрсететін сан алуан ақпараттарды жинақтаған жұмыс
папкасы.
5. Портфолио
– оқушының жеке өсуін қадағалау болып табылатын өзіндік көрме жұмыстары.
Портфолио
бағалаудың тиімді формасы ғана емес, бірқатар педагогикалық міндеттерді шешуге:
-
Оқушылардың оқуға деген жоғары
қызығушылығын үнемі қолдауға;
-
Олардың жеке және белсенді жұмыс жасауын
ынталардыруға, оқу және өздігінен ізденіп оқу мүмкіндіктерін кеңейтуге;
-
Оқушылардың рефлексия жасау мен бағалау
дағдыларын дамытуға;
-
Мақсат қою, өзінің оқу әрекетін жоспарлау
мен ұйымдастыруға үйрену білігін қалыптастыруға негіз бола алады.
Портфолионы
қолданысқа енгізу баланың дамуына байланысты қажеттілік ауқымын толық ашатын
білім беру саясаты мен оқыту әдістерінің өзара әрекеттестігін өзгертуге
мүмкіндік береді. Жалпылай алғанда, портфолио – оқу жоспарының бір немесе
бірнеше саласы бойынша оқушылардың күш – жігерін, дамуы мен жетістігін мақсатты
түрде жинақтап көрсететін жұмыстар жинағы болып табылады.
Сонымен,
қорыта келгенде, портфолио дегеніміз – белгілі бір уақыт аралығында оқушының
оқудағы, шығармашылық, әлеуметтік, құзыреттіліктерін айқындай отырып, жеке
жетістіктерінің негізінде өз бейінін айқындауға мүмкіндік беретін жинақ.
Оставьте свой комментарий
Авторизуйтесь, чтобы задавать вопросы.