Планирование по математике "Көп таңбалы сандар" 4 класс

Пәні:

Математика

Сыныбы:

4 «в» сынып

Уақыты:

06.10.2015

Сабақтың тақырыбы:

Көптаңбалы сандарды жазбаша қосу және азайту тәсілдері

Құзыреттілікке жеткізетін сабақтың мақсат-міндеттері:

А) ақпараттық құзыреттілік

Көптаңбалы сандарды жазбаша қосу және азайту туралы білімдеріне сүйене отырып, берілген есептерді шығаруды  меңгерту.

Ә) коммуникативтік құзыреттілік

Ауызша, жазбаша сөйлесу арқылы, көптаңбалы сандарды жазбаша қосу және азайту тәсіліне берілген есептерді шығару және  кері есептер  құрастыруда өзіндік ойлау дағдыларын, есеп шығару нормаларын сақтауға, жауапкершілікке тәрбиелеу.  Топ ішінде өзінің және өзгелер жауабының дұрыстығын дәлелдеу.

Б) проблеманы шешу құзыреттілігі

Өз әрекетін бақылау, салыстыру, шешім шығару біліктерін дамыту. Есептерді әдеттен тыс жағдайда қолдануға, мақсатқа сай шешімнің дұрыстығын дәлелдеуге үйрету, өзіндік бақылау мен бағалауға дайын болу.

Сабақтың типі:

Жаңа материалды меңгерту

Сабақта қолданылатын педагогикалық технологиялар:

білім беруді  ізгілендіру, ынтымақтастық, дамыта оқыту.

Сабақтың әдісі:

көрнекілік, практикалық, түсіндірмелі-иллюстративті, ішінара зерттеу.

Пәнаралық байланыс:

ана тілі,

Оқыту құралдары:

оқулық,  үлестірмелі материал.

Сабақтың барысы:

Мұғалімнің қызметі

Оқушының қызметі

Күтілетін нәтиже

І. Ұйымдастыру бөлімі

Амандасу, түгендеу;

оқу-құралдарының дайындығын, кезекшінің жұмысын тексеру;

сабақтың мақсат-міндеттерін таныстыру; бүгінгі сабаққа оқушылардың қызығушылығын ояту, назарын сабаққа аудару.

Психологиялық дайындық:

1, 2, 3

Дем аламыз жинап күш.

«5»-тік баға аламыз,

Қуанып үйге барамыз.

Амандасады;

оқу-құралдарын дайындайды, кезекшілік міндеттерін атқарады;

сабақтың мақсат-міндеттерімен танысады;көңіл-күйі көтеріңкі болады, мұғаліммен бірге өлең жолдарын қайталайды.

Сынып сабаққа психологиялық тұрғыдан дайын, кезекшілік атқарылды, мұғалім мен оқушының арасында ынтымақтастық қарым-қатынасы орнайды.

ІІ. Үй тапсырмасын тексеру.

-         Балалар, үйге берілген тапсырманы орындадық па? Орындасақ, сынып болып талдайық?!

7-есеп. (61 бет). Шешуін амалдар бойынша жазып, өрнектердің мәнін тап.

1) 802-(414-82)+(395-109)

2) (119+78)-(540-509)+405

3) 3х(421-325) : 2

4) 980-(745-199) : 2

- Иә, орындадық.

1) 802-(414-82)+(395-109) = 758

а) 414 – 82 = 332

ә) 395 – 109 = 286

б) 802 – 332 = 472

в) 472 + 286 = 758

2) (119+78)-(540-509)+405 = 571

а) 540 – 509 = 31

ә) 119 + 78 = 197

б) 197 – 31 = 166

в) 166 + 405 = 571

3) 3х(421-325) : 2 = 144

а) 421 – 325 = 96

ә) 96 : 2 = 48

б) 3 х 48 = 144

4) 980-(745-199) : 2 = 707

а) 745 – 199 = 546

ә) 546 : 2 = 273

б) 980 – 273 = 707

Өз бетімен орындалған жұмыстың нәтижесін талдау.

ІІІ. Жаңа материалды меңгерту.

Оқулықпен жұмыс

-         Оқушылар бүгінгі өтетін жаңа тақырыбымыз « Көптаңбалы сандарды жазбаша қосу және азайту тәсілдері». Барлығымыз оқулығымыздағы 62-бетті ашамыз.

1-мысал. Есептеулердің қалай орындалғанына қара. Есептеу тәсілдерін салыстыр.

а) Көптаңбалы сандарды қосу кезінде бірліктерді бірліктердің, ондықтарды ондықтардың, жүздіктерді жүздіктердің, мыңдықтарды мыңдықтардың астына тағы сол сияқты жазады. Бірліктерді бірліктермен, ондықтарды ондықтармен, жүздіктерді жүздіктермен, мыңдықтарды мыңдықтармен, тағы сол сияқты қосады.

Бірліктерді бірліктердің, ондықтарды ондықтардың, жүздіктерді жүздіктердің астына жазамын.

Бірліктерді қосамын: 8 + 5=13. 3-ті бірліктердің астына жазамын, ал 1 ондықты есте сақтаймын және ондықтарға қосамын.

Ондықтарды қосамын: 3 + 4=7. 7 ондыққа 1 ондықты қосамын, 8 ондық шығады. Оны ондықтардың астына жазамын.

Жүздіктерді қосамын: 4+4=8. 8-ді жүздіктердің астына жазамын.

Мыңдықтарды қосамын: 6 + 5=11 мыңдық. 1-ді мыңдықтардың астына жазамын, ал 1 ондық мыңды есте сақтаймын және ондық мыңдарға қосамын.

Ондық мыңды қосамын: 2 + 4=6 ондық мың, оған 1 ондық мыңды қосамын, 7 ондық мың шығады.

Жауабын оқимын: 71 883

ә) Көптаңбалы сандарды азайту кезінде бірліктерді бірліктердің, ондықтарды ондықтардың, жүздіктерді жүздіктердің, мыңдықтарды мыңдықтардың астына тағы сол сияқты жазады. Бірліктерден бірліктерді, ондықтардан ондықтарды, жүздіктерден жүздіктерді, мыңдықтардан мыңдықтарды, тағы сол сияқты азайтады.

Бірліктерді бірліктердің, ондықтарды ондықтардың, жүздіктерді жүздіктердің астына жазамын.

Бірліктерді азайтамын: 3-2=1. 1-бірліктердің астына жазамын.

Ондықтарды азайтамын: Ондық, жүздік, мыңдық бірліктер жоқ, онда 4 ондық мыңның 1 ондық мыңын аламын. 1 онд. мың – бұл 9 мыңд., 9 жүзд., 10 онд. Сәйкес разрядтардың үстіне жазамын. 10-5=5. 5 ондықты ондықтардың астына жазамын.

Жүздіктерді азайтамын: 9-3=6. 6-ны жүздіктердің астына жазамын.

Мыңдықтарды азайтамын: 9-9=0. 0-ді мыңдықтардың астына жазамын.

Ондық мыңдарды азайтамын: 3 ондық мыңнан 1 ондық мыңды азайтамын, сонда 2 ондық мың қалады, 3-1=2. 2-ні ондық мыңдардың астына жазамын.

Жауабын оқимын: 20 651

Сергіту сәті

Қолдарыңды көтеріңдер – бір дейік.

Көп отырып, қатты шаршап жүрмейік.

Қолды создық, басты бұрдық – екі деп,

Қозғалыспен әрбір адам жетіледі.

Алға, артқа қарадық та – үш дедік.

Тағы жаңа жаттығулар істедік.

Түсірейік қолды төрт пен бесті айтып,

Отырайық көңілді енді марқайтып.

Оқушылар  мұғалімнің  мысал арқылы түсіндірген жаңа сабағын назар салып тыңдайды.

Оқушылар сергіту сәтін бар ынтасымен орындайды.

Көптаңбалы сандарды жазбаша қосу және азайту тәсілдері туралы білімдерін дамытады.

Сергіту сәтін орындайды, бойлары сергиді, сабаққа белсенділіктері артады.

IV. Жаңа материалды  бекіту .

а) мұғалімнің басшылығымен бекіту

ә) өз бетімен бекіту.

 Тақтамен жұмыс

2-мысал

Баған түрінде жазып, есепте:

984 140 – 568

125 659 – 4 128

478 149 + 7 445

85 025 – 49 145

445 200 + 6 257

700 253 -  457 652

550 + 3 644

22 300 + 65 478

110 050 – 90 647

Бәрекелді!

3-есеп.

а) Қысқаша жазылуы бойынша есеп құрастыр және оны шығар.

1-күні – 800 хат

2-күні – 1000 хат                        2400 хат

3-күні – 100 хаттан ? бума

Есептің мазмұнымен таныстыру

-          Есепте не туралы айтылған?

-          Есепте не белгілі?

-          Есепте не белгісіз?

-          Есеп не сұрайды?

Есепті талдау:

-          Есептің сұрағына бірден жауап беруге болады ма?

-          Неге?

-          Поштаға 3 күнде барлығы 2400 хат әкелінгенін және 1-күні 800 хат, ал 2-күні 1000 хат әкелінгенін білсек қандай амал қолданамыз?

-          Нешеден нешені азайтамыз? Нешеге нешені қосамыз?Нешеге нешені бөлеміз?

-          Поштаға 3 күнде барлығы 2400 хат әкелінгенін және 1-күні 800 хат, ал 2-күні 1000 хат әкелінгенін білсек 3-күні 100 хаттан неше бума әкелінгенін табуға болады ма?

-          Есептің қысқаша берілгенін жазу үшін негізгі сөздерді атайық?

Өте ақылды балалар! Жарайсыңдар!

ә) Сызба бойынша есеп құрастыр.

1000 теңге   ?, 1500 теңге қымбат     ?теңге

                           4500 теңге

Есептің мазмұнымен таныстыру

-          Есепте не туралы айтылған?

-          Есепте не белгілі?

-          Есепте не белгісіз?

-          Есеп не сұрайды?

Есепті талдау:

-          Есептің сұрағына бірден жауап беруге болады ма?

-          Неге?

-          Әділдің қолында барлығы 4500теңге бар екенін, оның 1000 теңгесіне ойыншық алғаны және де одан 1500 теңгеге қымбаттау анасының туған күніне сыйлық алғанын білсек қандай амал қолданамыз?

-          Нешеден нешені азайтамыз? Нешеге нешені қосамыз?

-          Әділдің қолында барлығы 4500теңге бар екенін, оның 1000 теңгесіне ойыншық алғаны және де одан 1500 теңгеге қымбаттау анасының туған күніне сыйлық алғанын білсек қалғанын табуға болады ма?

-          Есептің қысқаша берілгенін жазу үшін негізгі сөздерді атайық?

4-мысал. Қалдықпен бөлуді орында.

99:31              64:17

32:20              78:19

73:16              97:18

48:15              39:12

55:13              24:11

Жарайсыңдар балалар!

5-есеп. 8 бен 7 сандарының көбейтіндісінен  40 пен 4 сандарының бөліндісін азайт. Осы өрнекті тап. Қалған өрнектерді оқы. Олардың мәнін тап.

а) 40 : 4 + 8 х 7

ә) 8 х 7 – 40 : 4

Тамаша, білімді оқушылар!

6-есеп.

Өрнектерді дәптеріңе баған түрінде жаз. 7, 6, 2, 1, 0 цифрларынан ең үлкен және ең кіші көптаңбалы сандар құрастыр.Олардың айырмасын тап. Айырманың мәнінен ең үлкен және ең кіші бестаңбалы сандарды құрастыр. Тағы да айырмасын тап. Жоғарыдағы әрекеттерді ретін сақтай отырып, 3рет қайтала.

7-есеп. Есепті шығар.

а) Ойын алаңының ұзындығы 18 м, ені ұзындығының алтыдан бір бөлігін құрайды. Осы алаңды екі айналдырып сым темірмен қоршау керек. Әрқайсысы 7 метрден неше сым темір орамы қажет?

Есептің мазмұнымен таныстыру

-          Есепте не туралы айтылған?

-          Есепте не белгілі?

-          Есепте не белгісіз?

-          Есеп не сұрайды?

-           

Есепті талдау:

-          Есептің сұрағына бірден жауап беруге болады ма?

-          Неге?

-          Ойын алаңының ұзындығы 18 м, ені ұзындығының алтыдан бір бөлігін құрайтынын. Осы алаңды екі айналдырып сым темірмен қоршау керек екенін. Әрқайсысы 7 метрден екенін білсек қандай амал қолданамыз?

-          Нешеге нешені бөлеміз? Нешеге нешені қосамыз?

-          Ойын алаңының ұзындығы 18 м, ені ұзындығының алтыдан бір бөлігін құрайтынын. Осы алаңды екі айналдырып сым темірмен қоршау керек екенін. Әрқайсысы 7 метрден екенін білсек қалғанын табуға болады ма?

-          Есептің қысқаша берілгенін жазу үшін негізгі сөздерді атайық?

ә) Өткен жылы шаруашылық 12ц көкөніс жинап алды. Оларды 3 машинамен көкөніс сақтау қоймасына тасыды. Биылғы жылы 15ц көкөніс жиналды. Егер әр машинаға көкөніс өткен жылғыдан 100 кг артық тиейтін болса, онда 15ц көкөністі қоймаға жеткізу үшін неше машина қажет болады?

Есептің мазмұнымен таныстыру

-          Есепте не туралы айтылған?

-          Есепте не белгілі?

-          Есепте не белгісіз?

-          Есеп не сұрайды?

-           

Есепті талдау:

-          Есептің сұрағына бірден жауап беруге болады ма?

-          Неге?

-          Өткен жылы шаруашылық 12ц көкөніс жинап алғанын. Оларды 3 машинамен көкөніс сақтау қоймасына тасығанын. Биылғы жылы 15ц көкөніс жиналғанын білсек қандай амал қолданамыз?

-          Нешеге нешені бөлеміз? Нешеге нешені қосамыз?

-          Өткен жылы шаруашылық 12ц көкөніс жинап алынғанын. Оларды 3 машинамен көкөніс сақтау қоймасына тасығанын. Биылғы жылы 15ц көкөніс жиналғанын білсек қалғанын табуға болады ма?

-          Есептің қысқаша берілгенін жазу үшін негізгі сөздерді атайық?

Құстар тапсырмасы

-          Балалар білесіңдер ме?, бізге қонаққа құстар келіпті, жылы жаққа кетіп бара жатқан құстар екен. Сендердің білімдеріңді тексеру барысында бірнеше тапсырмалар ала келіпті. Қалай балалар тапсырмаларын орындап, білімдеріңді көрсетуге дайынсыңдар ма?

-          Ендеше қонаққа келген құстарымызды шақырайық!

1-тапсырма. «Аққу» тапсырмасы

«Жаңылмай айтайық»

1-ден 10-ға дейінгі сандарды қазақша-орысша айту

10-нан 100-ге дейінгі сандарды орысша-қазақша кезекпен айту

-          Оқушылар бізден Аққу осы сандардың ағылшын нұсқасын айтуымыз керектігін айтып жатыр,сандардың ағылшын тілінде қалай аталатынын білеміз бе? Олай болсаа, қанекей бәріміз бірге сандардың ағылшын тілінде аталуын хормен айтайық?!

Oh, very good!

2-тапсырма. «Кептер» тапсырмасы.

-          Балалар кептер бізге мысал алып келіпті, бұл мысал бүгінгі біздің өткен жаңа тақырыбымызға байланысты екен. Қанекей, балалар, қырағылықтарымызды көрсетейік?!

3-тапсырма. «Торғай» тапсырмасы.

-          Оқушылар бізге торғайдың тапсырмасы келді. Орындауға дайынсыңдар ма? Олай болса, берілген сандарды қосып, азайту арқылы салыстыруға берілген тапсырманы орындайық!

1)      5677-1222*33487+67899

2)      101476+45880*700619-99545

3)      7754-1008*40212-33466

Оқушылар берілген мысалдың шешімін тауып, баған түрінде жазады.

Қысқаша берілген есепті жазылуы бойынша жазып, оны шығарады.

а) Поштаға 3 күнде барлығы 2400 хат әкелінеді. 1-күні 800 хат, ал 2-күні 1000 хат әкелінді. 3-күні 100 хаттан неше бума әкелінді?

-          Есепте поштаға әкелінген хаттар туралы айтылған.

-          Поштаға 3 күнде барлығы 2400 хат әкелінгені. 1-күні 800 хат, ал 2-күні 1000 хат әкелінгені белгілі.

-          Поштаға 3-күні 100 хаттан неше бума әкелінгені белгісіз.

-          3-күні 100 хаттан неше бума әкелінді?

-          Жоқ.

-          Өйткені біз поштаға 3-күні 100 хаттан неше бума әкелінгені білмейміз.

-          Қосу, азайту және бөлу.

-          1) 2400 – ( 800 + 1000 )

2) 600 : 100

-          Иә. Поштаға 3 күнде барлығы 2400 хат әкелінеді. 1-күні 800 хат, ал 2-күні 1000 хат әкелінді. 3-күні 100 хаттан 6 бума әкелінді.

-          Берілгені:

Барлығы - 2400 хат

1-күні – 800 хат

2-күні – 1000 хат                       

т/к: 3-күні – 100 хаттан ? бума

-          Шешуі: 1) 2400 – ( 800 + 1000 ) = 600

2) 600 : 100 = 6

Жауабы: 3-күні – 100 хаттан 6 бума

ә) Әділдің қолында барлығы 4500 теңге бар. Ол 1000 теңгеге ойыншық алды. Ал одан 1500 теңгеге қымбаттау анасының туған күніне сыйлық алды. Сонда Әділдің қолында қанша теңгесі қалды?

-          Есепте Әділдің қолындағы ақшалары туралы айтылған.

-          Есепте Әділдің қолында барлығы 4500теңге, оның 1000 теңгесіне ойыншық алғаны және де одан 1500 теңгеге қымбаттау анасының туған күніне сыйлық алғаны белгілі.

-          Есепте Әділдің неше теңге қалғаны белгісіз.

-          Әділдің қолында қанша теңгесі қалды?

-          Жоқ

-          Өйткені біз Әділдің қолында қанша теңге қалғанын білмейміз.

-          Қосу және Азайту.

-          1) 1500 + 1000

2) 4500 – ( 2500 + 1000 )

-          Ия. Әділдің қолында барлығы 4500 теңге бар. Ол 1000 теңгеге ойыншық алды. Ал одан 1500 теңгеге қымбаттау анасының туған күніне сыйлық алды. Сонда Әділдің қолында 1000 теңге қалды.

Берілгені:

Барлығы – 4500 теңге

Ойыншық – 1000 теңге

Сыйлық –?,1500 теңге қымбат 

т/к: Қалғаны – ?  теңге

-          Шешуі: 1) 1500 + 1000 = 2500

2) 4500 – ( 2500 + 1000 ) = 1000

Жауабы: Әділдің қолында 1000 теңге қалды.

Қалдыққа берілген мысалдарды шығарады.

99:31=3(6қалд)        64:17=3 (13қалд)

32:20=1(12қалд)      78:19=4(2қалд)

73:16=4(9қалд)        97:18=5(7қалд)

48:15=3(3қалд)        39:12=3(3қалд)

55:13=4(3қалд)        24:11=2(2қалд)

Оқулықтағы жазбаша жазылып берілген есепті цифрмен таңбалап мәндерін табады.

8 х 7 – 40 : 4 = 46

а) 40 : 4 + 8 х 7 = 66

40 пен 4 сандарының бөліндісіне 8 бен 7 сандарының көбейтіндісін қос.

ә) 8 х 7 – 40 : 4 = 46

8 бен 7 сандарының көбейтіндісінен  40 пен 4 сандарының бөліндісін азайт.

Оқулықтағы берілгені бойынша мұқият ойналып, дәптерлеріне орындайды.

7

6

2

1

0

1)     -76210     -10267

76210 – 10267 = 65943

2)     -96543   -34569

96543 – 34569 = 61974

3)     -97641   -14679

97641 – 14679 = 82962

18см

3см                                                     3см

18см

-          Есепте  ойын алаңының қоршау туралы айтылған.

-          Есепте ойын алаңының ұзындығы 18 м, ені ұзындығының алтыдан бір бөлігін құрайтыны және осы алаңды екі айналдырып сым темірмен қоршау керек екені. Әрқайсысы 7 метр екені белгілі.

-          Әрқайсысы 7 метрден неше сым темір орамы қажет екені белгісіз.

-          Әрқайсысы 7 метрден неше сым темір орамы қажет?

-          Жоқ.

-           Өйткені біз неше сым орамы қажет екенін білмейміз.

-          Бөлу және қосу.

- 1) 18 : 6

2) 18+18+3+3

3) 42 : 7

- Иә. Ойын алаңының ұзындығы 18 м, ені ұзындығының алтыдан бір бөлігін құрайды. Әрқайсысы 7 метрден 6 сым темір орамы қажет.

-          Берілгені:

а – 18м

b – ? 6/1

Сым ұзындығы – 7 метр

Орам саны - ?

Шешуі: 18 : 6 =3

Р = 18 + 18 + 3 + 3 = 42

42 : 7 = 6

Жауабы: Әрқайсысы 7 метрден 6 сым темір орамы қажет.

-          Есепте  шаруашылықта көкөністің тасымалдануы туралы айтылған.

-          Есепте өткен жылы шаруашылық 12ц көкөніс жинап алынғаны. Оларды 3 машинамен көкөніс сақтау қоймасына тасығаны. Биылғы жылы 15ц көкөніс жиналғаны белгілі.

-          Егер әр машинаға көкөніс өткен жылғыдан 100 кг артық тиейтін болса, онда 15ц көкөністі қоймаға жеткізу үшін неше машина қажет болатыны белгісіз.

-          15ц көкөністі қоймаға жеткізу үшін неше машина қажет болады?

-          Жоқ.

-           Өйткені біз 15ц көкөністі қоймаға жеткізу үшін неше машина қажет екенін білмейміз.

-          Бөлу және қосу.

- 1) 12 : 3

2) 400кг + 100кг

3) 1500кг : 500кг

- Иә. Өткен жылы шаруашылық 12ц көкөніс жинап алды. Оларды 3 машинамен көкөніс сақтау қоймасына тасыды. Биылғы жылы 15ц көкөніс жиналды. Егер әр машинаға көкөніс өткен жылғыдан 100 кг артық тиейтін болса, онда 15ц көкөністі қоймаға жеткізу үшін 3 машина қажет болады.

- Берілгені:

Көкөніс (былтырғы) – 12ц

Көкөніс (биылғы) – 15ц

Машина саны (былтырғы)–3

                                                        100кг

Машина саны (биылғы) - ?

Шешуі: 12 : 3 = 4

4ц = 400кг

400кг + 100кг = 500кг
1500кг : 500кг = 3

Жауабы: 15ц көкөністі қоймаға жеткізу үшін 3 машина қажет.

-          Иә, дайынбыз!

1-бір, 2-екі, 3-үш, 4-төрт, 5-бес, 6-алты, 7-жеті, 8-сегіз, 9-тоғыз, 10-он.

1-один, 2-два, 3-три, 4-четыре, 5-пять, 6-шесть, 7-семь, 8-восемь, 9-девять, 10-десять.

10-он, 20-жиырма, 30-отыз, 40-қырық, 50-елу, 60-алпыс, 70-жетпіс, 80-сексен, 90-тоқсан, 100-жүз

10-десять, 20-двадцать, 30-тридцать, 40-сорок, 50-пятьдесят, 60-шестьдесят, 70-семьдесят, 80-восемьдесят, 90-девяносто, 100-сто

1- one     10-ten

2-two      20-twenty

3-three    30-thirty

4-four     40-forty

5-five     50-fifty            100-one hundred

6-six       60-sixty

7-seven  70-seventy

8-eight    80-eighty

9-nine     90-ninety

Кестені толытырады.

Салыстыруға берілген тапсырманы түгелімен, қатесіз орындайды.

1)     5677-1222< 3348+6789

2)     101476+45880 > 700619-99545

3)     7754-1008= 40212-33466

Білетін білімдеріне сүйене отырып  көптаңбалы сандарды жазбаша қосуды және азайтуды орындайды.

Тапсырманы берілген нұсқаулыққа сәйкес орындайды.  Берілген жазбаша есепті шығару арқылы  көптаңбалы сандарды қосу және азайту тәсілдерін одан әрі меңгереді.

Қысқаша жазылуы бойынша есептер құрастырып, оны шығару арқылы білімдерін тереңдете түседі.

Мұғалім алға қойған проблеманы бұрыннан білетін  білімдерін қолдана отырып  шешеді.

Мысалды шығару арқылы ойлана отырып қосу мен азайтуға арналған есептерді шығару барысында жылдамдықтары арта түседі.

Оқушылар қызығушылықпен берілген тапсырмаларды орындайды.

Бекітуге арналған тапсырмаларды орындай отырып, бүгінгі тақырыпты тереңірек меңгереді.

Ағылшын тіліндегі санау жүйесін естеріне түсіреді.

Мысалдарды шығара отырып, есепті  шығаруда жылдамдықтары артады.

Салыстыруға берілген тапсырманы амалдар қолдана отырып шығарады.

V. Үйге тапсырма.

VІ. Қорытындылау. Бағалау.

-         Балалар, үйге тапсырма ретінде 4-есепті (б,в) аламыз?!

б) 40 х 4 + 8 х 7

в)8 х 7 – (40 - 4)

Оқушылардың іс-әрекетін бағалайды. Қойылған бағаларға түсінік береді.

Үй тапсырмасын жазып алады.

б) 40 х 4 + 8 х 7 = 216

40 пен 4 сандарының көбейтіндісіне  8 бен 7 сандарының көбейтіндісін қос.

в)8 х 7 – (40 - 4) = 20

8 бен 7 сандарының көбейтіндісінен 40 пен  4 сандарының айырымын азайт.

Өз әрекетінің күшті және әлсіз жақтарын көрсетеді. Өз бағасын мұғалім бағасымен салыстырады. Өз іс-әрекетін бағалайды.

Ұсынылған ақпараттан қойылған міндеттерді шешуге қажетін бөліп алады, өз бетімен жұмыстанады.

Өз іс-әрекетінің нәтижесін көреді.