Главная / Начальные классы / план-конспект урока татарского языка по теме "Мой день" для 3 классов

план-конспект урока татарского языка по теме "Мой день" для 3 классов




Муниципальное автономное общеобразовательное учреждение для детей дошкольного и младшего школьного возраста “Прогимназия №64” города Набережные Челны

Обучение татарскому языку детей, говорящих на русском языке.

Урок татарского языка в 3 классе.

Учитель татарского языка и литературного чтения Галиева Наиля Галиевна







Тема урока Мой день



Цели: 1) тема буенча күрсәтелгән лексик берәмлекләрне һәм грамматик структураларны сөйләмдә куллану өчен шартлар тудыру;

2) балаларда логик һәм иҗади фикерләү күнекмәсе үсеше өчен җирлек булдыру;

3) үз эшеңне планлаштыра, оештыра белү, сыйныфташларыңа ярдәмчелек кебек сыйфатлар тәрбияләү.

Дәрес тибы: лексик-грамматик күнекмәләрне камилләштерү дәресе.

Җиһазлау һәм материал: дәреслек, компьютер, проектор, презентация, дидактик таратма материал, биремле карточкалар.






Дәрес барышы.


1. Уңай психологик халәт булдыру.

(исәнләшү, хәл сорашу) -Исәнме, дустым! (Кул бирешү.)

  • Сәлам, дустым! (Кул белән сәламләү хәрәкәте ясыйлар.)

  • Хәлләрең ничек? (Бер-берсенең җилкәсенә кул куялар.)

  • Бик әйбәт! (Уң кулның баш бармагы белән күрсәтәләр.)

  • Син кайда булдың? (Сорау мимикасы, кулларны ике якка җәяләр.)

  • Мин бик сагындым. ( Куллар белән үзләрен кочып күрсәтәләр.)

  • Син килдең! (Дусларча кул сугышу.)

  • Мин бик сөендем. (Кочаклашу.)

-Ә хәзер бер атнада ничә көн булса, шуның кадәр адым атлагыз.

(Балалар татарча санап, түгәрәктә 7 адым атлыйлар һәм яңадан сәламләшәләр)




2. Уку мәсьәләсен кую. -Укучылар, мин беләм, сез шигырьләр укырга яратасыз. Ә нинди шагыйрьләрне беләсез? ( А.С. Пушкин, Габдулла Тукай, Муса Җәлил). Ә менә бу автор – безнең якташыбыз Булат. Аның беренче шигырьләр китабы чыкканда, Булатка әле бары 6 яшь кенә була. Әйдәгез, бүген без дә кечкенә генә шигырьләр(рифмовкалар) иҗат итеп карыйбыз. Моның өчен төшеп калган сүзләрне өстәргә кирәк. Хәзер өстәлдәге ак төстәге карточкаларны алыгыз. 1нче номерлар – 1нче сүзне, 2-нче номерлар – 2нче сүзне, 3нче номерлар – 3нче сүзне өстиләр. Ә 4нче номерлар килеп чыккан рифмовканы укыйлар һәм сыйныфташларын мактыйлар .(Бирем русча да аңлатыла.) 2нче карточкадагы биремне үтәгәндә 1, 2, 4нче номерлар сүзләр өстиләр, ә 3нче номерлар укыйлар. Һәр укучы 1 минут дәвамында рифмалаштырып мәгънәсе буенча туры килгән сүзне яза.(1нче слайд).

Соңыннан, тикшерү өчен, экранда тулы текст күрсәтелә.(2нче слайд).

  • Балалар, сез ничек уйлыйсыз, без бүген дәрестә нинди тема буенча эшлибез? Дөрес, “Көндәлек режим”.




3. Уку мәсьәләсен чишү.

1) - Укучылар, өстәлдән сары төстәге карточканы алыгыз. Андагы сорауны укып, аңа җавап бирегез. Карточканың бөкләнгән өлешендә җавап язылган, шуны укып үз җавабыгызның дөреслеген тикшерегез. Ә хәзер басыгыз. Класс буенча йөрибез. Музыка туктагач, туктагыз һәм үзегезгә пар табыгыз. Карточкадагы сорауны пардагы иптәшегезгә укыгыз. Аның җавабын тыңлап, дөрес булса, мактагыз. Әгәр иптәшегез җавап биргәндә авырсынса, аңа ярдәм итегез. Шуннан соң карточкалар белән алмашыгыз.(Бирем русча да аңлатыла). Карточкадагы сораулар: Син иртән сәгать ничәдә торасың? Син иртән нишлисең? Сәгать ничәдә мәктәпкә китәсең? Дәресләр сәгать ничәдә башлана? Сезнең бүген ничә дәрес? Беренче нинди дәрес? Көндезге аш сәгать ничәдә була? Бүген ничәнче число? Бүген атнаның кайсы көне? Сәгать ничәдә йокларга ятасың? Класста кем белән утырасың? Сезнең сыйныфта ничә укучы? Хәзер елның кайсы фасылы?


2) 1нче сан астындагы укучылар зәңгәр төстәге карточкаларны алып, үзләренең төркемендәге балаларга тараталар. Карточкада бирелгән фигыльлләрне боерык формасында язарга.

1нче төркем. Ашый- _________ , китә - ____________ ,

тора - __________, бара - ___________ .



2нче төркем. Укый - __________ , эчә - _____________ ,

кайта - __________ , бирә - _____________.



Знче төркем. Йоклый - _________ , ала - ______________ ,

сикерә - __________ , яза - _______________.

Балалар биремнәрне үтиләр һәм каршыдагы күршеләре белән алмашып, бер-берсенең эшләрен тикшерәләр, иптәшләренә ярдәм итәләр. Шуннан соң биремнең үтәлеше экранда да күрсәтелә.(3нче слайд)


3) Һәр почмакта(3 почмак) рәсемле һәм сорау язылган кәгазь бите бөркетелгән.( Аю, син кыш көне сәгать ничәдә йокыдан торасың? Ябалак, син сәгать ничәдә йокыдан торасың? Әтәч, син сәгать ничәдә йокыдан торасың?). Балалар үзләре теләгән почмакка баралар, бергә киңәшеп җавапны әйтәләр. Если бы птицы и животные умели говорить, как бы они ответили?

Аю: “Мин кыш көне йокыдан тормыйм. Мин кыш көне йоклыйм.”

Әтәч: “Мин иртәнге сәгать дүрттә йокыдан торам.”

Ябалак: “Мин кичке сәгать сигездә йокыдан торам.”


4) 4нче почмакка малай рәсеме төшерелгән һәм “Син нишлисең?” дип язылган кәгазь бите бөркетелгән. 1нче, 2нче номерлар түгәрәк ясап басалар. 3,4нче номерлар үзләренең каршы күршеләренә карап басалар. Атна көннәрен әйтеп түгәрәк буйлап әйләнәләр. Укытучы кулын күтәргәч, туктыйлар. Кайсы атна көнендә туктасалар, шуны кулланып, сорауга җавап бирәләр. Мәсәлән, "Дүшәмбе мин мәктәпкә барам." "Якшәмбе мин ял итәм”. Начинает тот, кто выше ростом (у кого волосы светлее).



4. Монологик сөйләм үстерү. Текст 2өлешкә бүленеп, аерым җөмләләр итеп бирелә. Балалар, бергә киңәшеп, җөмләләрдән текст төзиләр, аны кәгазь битенә ябыштыралар. 4нче номерлар кәгазь битләрен магнит тактасына беркетәләр. Соңыннан текст экранда бирелә.(4нче слайд). Теләк буенча балалар текстны сөйләргә дә мөмкин

Мин иртән сәгать алтыда йокыдан торам, зарядка ясыйм, юынам, иртәнге ашны ашыйм. Аннан соң киенәм һәм мәктәпкә китәм. Мәктәптә мин укыйм, язам, мәсьәлә, мисал чишәм, рәсем ясыйм. Татар, инглиз телләре өйрәнәм. Дәресләр сәгать бердә бетә. Аннары мин көндезге ашны ашыйм. Сәгать икедә мин өйгә кайтам. Өйдә мин әнигә булышам, ял итәм, дәресләр әзерлим. Сәгать алтыда кичке ашны ашыйм. Сәгать тугызда йокларга ятам.




5. Йомгаклау.

  • Балалар, без бүген дәрестә нишләдек?

Дәрестә үтәлгән эш төрләрен атыйлар, теманы әйтәләр.

6. Өйгә эш бирү: үзеңнең көндәлек режимың турында 5 җөмләдән торган текст төзе, аны сыйныфташыңа сөйләргә әзерлән.


7. Үзбәя. 4нче санлы балалар яшел төстәге карточкаларны тараталар. Карточкада 3 төрле бәя бирелгән( Бик әйбәт. Әйбәт. Тырышырга кирәк). Укучылар үзләренең эшчәнлеген бәяләү өчен кирәк булган сүзләрнең астына сызалар. Үзләренең ни өчен мондый бәя сайлауларын аңлаталар.







план-конспект урока татарского языка по теме "Мой день" для 3 классов
  • Начальные классы
Описание:

Цели:  1) тема буенча күрсәтелгән лексик берәмлекләрне һәм грамматик структураларны сөйләмдә куллану өчен шартлар тудыру;

                 2) балаларда  логик һәм иҗади фикерләү күнекмәсе үсеше өчен җирлек булдыру;

                 3) үз эшеңне планлаштыра, оештыра белү, сыйныфташларыңа ярдәмчелек кебек сыйфатлар тәрбияләү.

Дәрес тибы:  лексик-грамматик күнекмәләрне камилләштерү дәресе.

Җиһазлау һәм материал: дәреслек, компьютер, проектор, презентация, дидактик таратма материал, биремле карточкалар

Автор Галиева Наиля Галиевна
Дата добавления 23.12.2014
Раздел Начальные классы
Подраздел Конспекты
Просмотров 1143
Номер материала 10761
Скачать свидетельство о публикации

Оставьте свой комментарий:

Введите символы, которые изображены на картинке:

Получить новый код
* Обязательные для заполнения.


Комментарии:

↓ Показать еще коментарии ↓