Баяндама
«Оқушылардың тарих
сабағында танымдық белсенділігін арттыру»
Оқыған: Сарсенбаева С.И.
2014ж
а.Ақмол
Оқушылардың тарих
сабағында танымдық белсенділігін арттыру
Оқыту,
білім беру тәжірибесі педагогикалық үрдістің сапасын үнемі арттырып отыруды
талап етеді. Сол себептен педагогикалық үрдісті, процесті технологияландыру
мәселесі маңызды.
Мен өз
сабақтарымда Қазақстандық жаңашыл педагогтар Ж.А.Караевтың деңгейлеп оқыту
М.М.Жанпейсованың сатылай комплексті талдау технологиясын қолданамын. Оқу мен
жазу арқылы сыни тұрғысынан ойлау бағдарламасы алған білімін өмірде қолдана
алатын өзін таныта, дамыта білетін жеке тұлғаны қалыптастыруға мүмкіндік
тудыратын технология.
Сабақ
беруде оқытудың әдістерін түрлендіріп отырамын «топтастыру, кластер, әлемді
шарлау, ой қозғау, Вен диаграммасы, түртіп алу әдісі, пікір сайыс, пікір талас,
оқырмандар конференциясы т.б. түрлерін қолданамын.» Өздік танымдық
жұмыс-оқушылар бойындағы танымдық қабілетінің шығармашылық ойлау жүйесінің
дамуына жол ашады.
Тарих
сабағында тарихи материалдарды, көркем әдебиетті, деректі құжаттарды мақсатты пайдалану
арқылы оқушыларымның ақыл ойын, адамгершілік, эстетикалық, интелектуалдық таным
сезімін дамытып өздігінен ізденуіне қолайлы жағдай тудырамын.
Оқушылар
өз бетінше іздене отырып бұрын білген білімдеріне жаңа білім қосып нені
үйренгісі келетіндері туралы, нені осы уақытқа дейін білмей келгендерін алдағы
уақытта білгісі келетіндері жөнінде өз ойларын ортаға салады. Қосымша
ақпараттарды, мәліметтерді қажет ететін мәселелер туралы әңгімелесіп,
пікірлесіп, жеке, жұптық, топтық жұмыс әрекеттерін жасау жолдарын жоспарлайды.
Осындай әдістермен шәкірттерім өз ара ақпараттар алмасу арқылы жаңа материалды
меңгереді, өзара салыстырып талқылайды, ойларын ортаға салысып бөліседі.
Әртүрлі ақпараттарды – кітап, оқулық, көркем әдебиет, баспа беттері, көмекші
құралдар, деректер, шежірелерді зерттеу үшін бастыны іріктейді, цитаталар алу,
конспектілеу, жоспар, тезистер құрастыруға машықтанған. Оқушыларға мынадай
талаптар қоямын: тақырыптың негізгі мазмұнын баянда, оқыған тақырыптар бойынша
жоспар құр, конспекті жаса, тезис құра, қойылатын мәселеге орай жауаптар іздестір,
талдау жаса, салыстыр, материалды жинақта.
Қажетті
үлгілерін ұсынамын.
Мысалы
конспектілеудің үлгісі:
1. Конспекті
жасау үшін жоспар құр.
2. Өз сөзің
арқылы оқып болған соң түсініктеме жаз.
3. Конспектінің
соңында қысқаша ой түйіндер жаса.
I. Жоспар
жасау.
Жоспарды
жазбаның ең қысқа түрі ретінде дәлірек айтқанда мәтіннің
мазмұнын ұғыну,
идеясын айқындау, тарауларға бөлу, әр тарауға тақырып қою.
II. Конспектілеу.
Даталары,
цифрлар, фактілер, цитаталар, тұжырымдарды келтіре отырып
оқиғаны қысқаша
баяндап жазу.
III.
Тезистер
құрастыру.
Ақпарат көздерінен
негізгі қағидаларды қысқарта жазып, қорытып, талдау жасау арқылы нақты тұжырым
жасау.
Оқушылардың
өз беттерімен ойлау белсенділігін дамыту үшін сабақта көркем әдебиет
материалдарын пайдалану өте маңызды роль атқарады. Оқушылардың өз бетімен
шығармашылықпен жұмыс істеп ізденуге негізделген түрлерінің бірі пікір талас.
Пікір талас дидактикалық ізденістің маңызды мәселесі.
Пікір
талас екі жақтың ойын, көзқарасын жалғастырып ұштастырып отырады.
№5
Ақмол орта мектебі
Тарих пәнінің мұғалімі : Сәрсенбаева С.И.
Оставьте свой комментарий
Авторизуйтесь, чтобы задавать вопросы.