- Учебник: ««Абат (Букварь)»», Солтаханов Э.Х., Солтаханов И.Э.
- 01.10.2020
- 1229
- 141
Рабочие листы
к вашим урокам
Скачать
мТәрбийә саатиниң мавзуси: Йәр – бизниң умумий өйимиз Тәрбийә саатиниң мәхсити:
1. Билимлик
Оқуғучиларға шәһиримиз, районимиз, облусимиз, жумһурийитимиз экологияси тоғрисида чоңқур билим бериш.
2. Риважландуруш
Оқуғучиларииң дунияға болған көзқаришини, экологиялик билимлирини риважландуруш.
3. Тәрбийәлик
Оқуғучиларға экологиялик билим бериш, тәбиәткә, әтрап муһитқа, вәтәнғә болған муһәббитини тәрбийиләш.
Пайдиланған көрнәкликләр: рәңлик сүрәтләр, қанатлиқ сөзләр,
плакатлар, буклетлар.
Пайдиланған әдәбиятлар: гезит-журнал материаллири, М.Азизов «Уруш-атом»
Тәрбийә саатиниң бериши:
I. Киришмә сөз
- Әссаламму-әләйкүм бизниң тәрбийә саатимизға қәдәм тәшрип қилған әзиз меһманлар!
- Әссалам инсан қәлбигә билимдин нур қуйидиған, өчмәс қилип гүл чекидиған
қәдирдан устазлар!
Ойнашмиғин тәбиәт билән,
У һәр кишигә әмәс оюнчуқ.
Асра уни ақ нийәт билән,
Сехп қәлби биз үчүн очуқ.
Тәбиәт сени яратти гөзәл,
Шуңа һәр тамчаң көрүнәр гөһәр. Арминим йоө шу тамчаң кәби, Пайдам тәгсә хәлқимгә әгәр.
- Кәлгән қәдимиңлар қутлуқ болсун дәп, «Экология вә биз» намлиқ тәрбийә
саатимизни башлаймиз.
- «Тәбиәт адәм балиси үчүн ярилипту,
Барлиқ қизиқ тәбиәттин тарилипту» - дегәндәк, адәмизат үчүн тәбиәт - кәң сарай, мәңгү солмас баш-пана. Демәк, тәбиәткә ғәмхорлуқ қилиш - адәмизатниң борчи.
- Бүгүнки тәрбийә саатимиз «Экология вә биз» дәп атилиду.
ІІ. «Экология» илими тоғрилиқ чүшәнчә. (баянат)
«Экология» дегән сөзни 1689-жили дәсләп илимға киргүзгән даңлиқ немис алими Эрнест Геккель (1894-1919) болди. «Экология» сөзи грекниң «ойкос» - турар жай, макан жай, туридиған өй дегән мәналарни билдүридиған сөзлиридин елинған. Геккельниң пикри бойичә, экология илими тирик организмларниң бир-бири билән мунасивитини тәтқиқ қилиду. Тирик организмлар бәлгүлүк бир тәбиий шараиттила һаят кәчүрүшкә маслашқан. Экология илиминиң асасий вәзиписи, организмлар билән әтраптики муһит арисида болидиған өз ара алақиларни, зич мунасивәтләрни тәтқиқ қилиштин ибарәт. Бирләшмиләрниң тәрәққияти билән алмишишиға әтраптики муһит шараитлириниң тәккүзидиған тәсирини тәтқиқ қилишму – экологияниң вәзиписи. Экологиялик шараит һазирқи вақитниң мурәккәп мәсилилириниң бири. Бу мәсилә бизниң елимиздиму, санаәт мәркәзлиридә, йеза егилик өлкилиридә жиддий қоюлмақта. Тәбиий байлиқларниң үнүмлүк пайдилиништа көплигән чариләр әмәлгә ашурулған болсиму, қоршиған муһитни қоғдашта жавапкәрсизлик, кәлгүсини ойлимаслиқ орун алмақта. һаваниң, суниң, йәрниң паскинлиши нәтижисидә адәмләрниң һаятиға, уларниң яшаш муһитиға зор хәтәр туғулмақта. Экология илими көплигән илимлар билән зич бағлинишлиқ. Экология илими билән тәбиәтни қоғдаш мәсилилиригә пәқәт биология пәнила әмәс, шундақла география, геология, химия, физика, қанун илими, экономика, медицина в.б. пәнләр жавап бериду.
ІІ. Шәһәр экологияси
Яркәнт турар гөзәлликкә чөмүлгән бу күн, Һаваси сап, сүйи сүзүк қойнини ачқан. Кочисида дәл-дәрәқләр бой түзәп қатар, Күтивалар меһманларни кәлсә һәр қачан.
Адәмлири һөсүн қошар Яркәнт һөснигә, Меһирванлиқ дилкәшликни улардин үгән. Иллиқ меһри, сехилиғи дәстихинида, Жутимизда болған адәм аңа берәр тән.
- Бизниң шәһәр наһийәмиздики әң гөзәл шәһәр. Хәлқи өзиниң
меһирванлиғи, әмгәксөйгүчлүги, меһмандостлуғи билән алаһидә пәриқлиниду.
- Яркәнтни, бизниң дана адәмлиримиз «Яр бойидики чимән допа» дәп атишиду.
- Һә раст дәйсиз, Яркәнт - тарихий муқәддәс жутларниң бири.
- Шәһиримизниң экологиялик әһвали тоғрисида мәлуматларни тиңшап көрәйли.
1). Яркәнт шәһириниң экологияси
- Биз Яркәнт шәһиридә яшаймиз. Бизниң шәһиримиз 1881-жилқи Санкт-Петербург шәртнамиси бойичә ШУАР-ниң Или тәвәсидики уйғур, туңган, қазақ в.б. милләт вәкиллириниң Россия тәвәсигә көчүп чиқишиға рухсәт қилинғандин кейин, Или тәвәсиниң 80 % -қа йеқин турғуни Қазақстанға көчүп чиқип, йеза вә шәһәрләрни қуруп орунлашқан екән. Шуларниң ичидә Яркәнт, Пәнжим, Садир, Чулуқай, Хонихай, Төвәнки Пәнжим охшаш йезилар тәшкил қилинип бүгүнки күнгичә тәррәққий етип келиватиду. Яркәнт парис тилидин тәржимә қилғанда «Яр» - сай яки яр, «кәнт» - шәһәр яр бойидики шәһәр дегән мәнани билдүриду. Шәһәрниң асасини салғучиларниң бири атақлиқ содигәр, бай Вәли ахун Йолдашев болған. В.Йолдашевниң шу дәвирдә бирму миқсиз салған мечити та һазирқи күнгичә тарихий музей ретидә сақлинип кәлмәктә. Әнди шәһиримизниң һазирқи вақиттики экологиялик әһвали бир нәччә сәвәпләргә бағлиқ бузулған:
1. Дәл-дәрәқләрниң һәдидин ташқири кесилиши;
2. Әхләтләрниң өстәң, ериқларниң яқилириға, суларға төкүлүши;
3. Етизларға минераллиқ оғутларниң орунсиз пайдилиниши;
4. Өйләрниң турхунлиридин чиқидиған ислар тәсиридин бузулмақта,
5. Автомобильларниң көпийиши, улардин чиқидиған исларниң һавани
паскинлиши;
2). Тәбиәт жиғиси.
Мана һәсрәттә ана тәбиәт,
Азап чекәр яш пәрзәндидин.
Адәмләр болди аләмгә апәт,
Қақас, чөл қилип басқан изидин.
Қени, сап һава, зәңгири асман,
Мөлдүр булақлар, яйлақ орманлар.
Шәһәр йезини манан ис басқан,
Дала үстидә боранлар қувлар.
Йәр үстидин бетон, асфалът қаплиған,
Тунжуқуп ятар нәпәс алалмай.
Қени, һайванлар әркин яйлиғи,
Өлүп түгиди озуқ тапалмай. Деңиз созулуп. орманлар қуруп,
Дәрәқ, өсүмлүк уруғи ачти.
Жансиз, жансизға зимин тар болуп,
Талийи «Қизил китапқа» көчти.
2). «Дәрәқләрниң кесилиши» көрүнүш.
Дәрәқниң жиғиси: Бәс! Тохтаңлар, инсанлар! Мени кесиштин бурун ойлиниңлара. Мән силәргә кислород бөлүп чиқирип беримәнғу. Немишкә ойлимайсиләр? Еһ, адәмләр! Мән силәр үчүн яралғанғу. Силәргә таза һава һәдийә қилған едимғу. Бағлириңларда булбул, каккук сайрап турса, өйлириңларда нахша-сазлар яңрап турса, немә дегән бәхит болар еди. Атом бомбисини кәшип қилған адәмләр, һәр хил қалдуқларни деңиз-көлләргә төккән адәмләр, әхләтләрни көйдүрүп, һавани бузған адәмләр, жан-жаниварларни, һайванатларни қириваткан йәнә силәрғу адәмләр. Мән зарлаймән, инсанлар мени кәсмәңлар. Келәчәк яшлар ялаңғидақ көк чимәндә маңидиған болсун, юмшақ йәрдә жиркәнмәй йетип, көп-көк таза асманға бақидиған болсун. Һәй, адәмләр! Тәбиәтни қоғдаңлар! Тәбиәт силәр үчүн яралған, тәбиәтни сақлаңлар!
III. Наһийә экологияси
- Новәттә наһийәмиз экологияси тоғрисидики мәлуматларни тиңшап көрәйли.
I). Бизниң наһийәмизниң экологияпик әһвали
-Тәбиәтни қоғдаш әң алди билән өзәң турған йәргә болған муһәббәттин башлиниду. Эколоғиялик әһваллар тәбиий тәңпуңлуқниң бузулушидин болиду. Район һавасиниң паскинлишиши санаәт орунлиридин чиқидиған ислар, район хәлқиниң күзлүги ғазаңларни көйдүрүши, қиш пәслидә көмүрниң йеқилишиниң тәсиридин һаваға углерод кислороди билән азот кислороди көп мөлчәрдә бөлүнүшидин, автомобильлардин чиқидиған оғиланған газлар нәтижисидә паскинлашмақта. Район һавасини дайим тазилайдиған йешилзарлиқтур. Һазир дәл-дәрәқләрниң орунсиз көп кесилишиниң тәсириму көп. Районда тал-терәкләрниң азийип кетишиниң сәвәви қурулуш объектилириниң селиниши, йол бойлиридики дәрәқләрни назарәт қилмаслиқ, йеңидин көчирилгән көчәтләрни күтмәслик нәтижисмдә боливатиду. 2011-жили Қазақстан Республикисиниң Илмий Тәтқиқат Институтиниң хадимлири, ҚР Саламәтликни Сақлаш Министрлигидин медицина хадимлири Панфилов райони бойичә балиларниң саламәтлигини тәкшүрди. Лобнордики партлашларниң тәсири ениқланди. Алмалы, Чоңчиған йезилиридин, Яркәнт шәһири бойичә 1-16 яшқичә 8115 бала тәкшүрүштин өтти. Тәкшүрәш нәтижисидә бу балиларниң бойи Алмута шәһириниң оқуғучилириниң бойидин 8-12 см қисқа екәнлиги ениқланған. Кеңәш Иттипақи дәвридә 34000 га йәргә көмүқонақ өстүрүлгән еди. Униңдин елинидиған һосулниң мөлчәрини көпәйтиш мәхситидә пайдиланған минераллиқ оғутларниң илмий түрдә рухсәт қилинидиған мөлчәридин бир нәччә һәссә ошуқ пайдилиниши нәтижисидә, адәм организмиға зиянлиқ химикатларниң 3000 м. чоңқурлуқтики суниң тәркивидин тепилған. Шәхсий егиликләргә бөлүнгән деханлар өз йәрлирини бөлүвелиш үчүн ериқларниң көп жүргүзүлишидин, район йери қумсаң болғанлиқтин топа эрозиягә учраватиду. Ахирқи вақитларда йоқап кетиш ховупида турған явайи һайванлар билән қушлар сани азаймақта. Мәсилән: марал, тағ текиси, қаван, архар, коңур ейиқ, өдәк, қирғавул, ғаз в.б.
IV. Облус экологияси.
- Қазақстан Жумһурийитидә 14 облус бар. Шуларниң бири бизниң облусимиз
Алмута облуси дәп атилиду.
- Бизниң облусимиз экологияси тоғрисида мәлуматларни тиңшап көрәйли.
I). Облус экологияси
Алмута облусиниң территориясидә тәбиәткә зиян йәткүзидиған төвәндики кан: орунлири бар: Алмута шәһиридики заводлар, санаәт орунлири вә икки иссиқлиқ электр мәркизи, Қапчиғайда чоң Су Электр Станцияси, йеза егилик қурулуш комбинати, белиқ ясаш заводи бар. Талдиқорған шәһиридә аккумулятор заводи, төмүр-бетон, йемиш-консерва заводи, Текелида қоғушун-мис комбинати, қурулуш материаллири билән консерва заводлири, Талғар шәһиридә қуюш-механикилиқ, хиш, спирт заводлири, Лепсида металлни қайта ишләш, Үштөбидә машина жөндәш заводи, Қарабулақ, Жансугуров, Көксу, Бескөлдә қәнт заводлири бар,
- Облусимиздики экологиялик мәсилигә учриған жайларниң бири «Балхаш көлидур». Балхаш көлиниң экологиялик әһвали тоғрисида аңлап көрәйли.
2). Балхаш көлиниң экологиялик әһвали.
Балхаш көли Қазақстанниң жәнубий-шәрқидә қурғақ чөл-далада орунлашқан. Көл ғәриптин шәриққә қарап 600 км-ға созулуп ятиду. 1967-жили Балхаш көлигә қуюдиған Или дәриясида Қапчиғай Су Электр Станциясиниң селиниши нәтижисидә көлгә қуюлидиған су мөлчәри азайди. Һазир көлниң су көләми азайди. Или дәриясидин келидиған тузсиз су мөлчәри азайғанлиқтин көлниң тузлуқлиғи ашмақта. Көл әтрапидики аһалилиқ пунктларни тузсиз су билән тәминләш мәсилиси пәйда болди. Балхаш экологиялик мәсилиси бойичә қазақниң шаири Мухтар Шахановнин қурған һәрикитиниң паалийити наһайити чоң роль ойнайду. Қазақстанлиқ алимлар хәлиқарилиқ конференциядә экологиялик мәсилиләр вә бу йәрдә жүргүзүливатқан тәтқиқат ишлири ян-яқлиқ талқиланди.
3). «Көлдики пажиә» көрүнүш. (Икки пақиниң диалоги)
- Немә дегән паскина бу сулар! Ялғағ мүмкин әмәс, Адәмләрниң биз билән кари йоқ. Кетәйли бу йәрдин.
- Товва, мошу көл өз вақтида таза, сүзүк болидиған. Адәмләр келип тазилап
күтәтти. Язлиғи келип, чөмүлүп, белиқ тутатти.
- Һазирқи яшлар тәбиәткә бепәрвалиқ билән қаримақта. Адәмләр тәбиәтни
паскинлаштурмақта.
- Бизниң санимизму азлап кәтти. Әгәр бу жайдин кәтмисәк бизму қирилип
кетимиз..
- Кетәйли, кетәйли. Лекин адәмләргә мәслиһәт берәйли.
- Келәчәкни ойлаңлар. һәй адәмзат! Су тосмилирини тазилап туруңлар. Униңда
яшаватқан жаниварларниң силәргә пайдиси тегәр.
- Бизни өлтүрмәңлар! Биз силәргә зиян қилидиған һашарәтләрни йәймиз. Әиди
кәттуқ, Қачан көлни тазилайду, қайтип келимиз. Тәбиәтни қоғдаңлар!
V. Республика экологияси
- Вәтән ана, сән бар, демәк, һеч бир қайғуси йоқ,
Сәндәк сехи, кәң елимдә қәриздармән көп.
-Жүрәктики ялқун сөзләр пәқәт сән үчүн, Ишән маңа, сән болғачқа көңлүм мениң тоқ.
- Ана вәтән һәр ким үчүн муқәддәс.
- Шундақ екән, Жумһурийитимиз экологияси һәммимизни қизиқтириду.
- Жумһурийитимиздә санаәт орунлиридин чиққан чиқиндиларниң әтрап муһитни
паскинлиши тоғрисида тиңшап көрәйли.
1). Санаәт орунлиридин чиққан чиқиндиларниң әтрап муһитни паскинлишиши. Республика экологиясиниң бузулушиға санаәт орунлиридин чиқидиған чиқиндиларниң тәсири көп. Экибастуз көмүр бассейниниң иси билән күли пүткүл Сариарқини булғаватиду. Мошу көмүрни пайдилинидиған Семей, Өскемен, Павлодар Йеқилғу Электр Станциялириниң қалдуқлири мошу өлкә һаваси билән биллә чоң дәрия Иртышни оғулаватиду. Қазақстанда 116 уран канлири иш ишләйду. Уларниң һәммиси әтрапни радиоактивлиқ шолилар билән зәхимләватиду. Семей полигонидики 40 жил бойи жүргүзүлгән ядролиқ синақлар, Ғәрбий Қазақстандики «Капустин-Яр», «Азгир» полигонини қошсак, шундақла Арал деңизидики Возрождение арилиға орунлашқан бактериологиялик қурал ясашни алсақ, Қазақстанда таза йәрниң қалмиғини ениқ. Жамбул шәһиридики фосфат билән суперфосфат оғутлирини тәйярлайдиған завод, Чимкәнт шәһиридики қоғушун, фосфор ишләп чиқиридиған санаәт орунлириниң әтрапни оғилаватқини қанчелик? Ғәрбий Қазақстандики нефть-газ канлири зәһәрлик қошулма чиқириши билән биллә өлкиниң тәбиий иссиқ аридлиқ өлкигә айлиниши, ғәрбий тәвәдики Жайиқ, Едил дәриялиридики белиқ байлиғида экологиялик ағриқниң көпәйгинини көрситиду. Елимизниң ғәрбидики техникилиқ зираәтләрни өсиридиған Қизилорда, Жәнубий Қазақстан, Алмута облусидики жуқури һосул елиш үчүн қоллинидиған зәһәрлик препаратларниң орунлуқ, орунсиз пайдилинишниң өзи йәргә, әлгә қанчелик зиян кәлтүриватиду.
6 664 887 материалов в базе
Настоящий материал опубликован пользователем Давлетова Гулнара Курбановна. Инфоурок является информационным посредником и предоставляет пользователям возможность размещать на сайте методические материалы. Всю ответственность за опубликованные материалы, содержащиеся в них сведения, а также за соблюдение авторских прав несут пользователи, загрузившие материал на сайт
Если Вы считаете, что материал нарушает авторские права либо по каким-то другим причинам должен быть удален с сайта, Вы можете оставить жалобу на материал.
Удалить материалВаша скидка на курсы
40%Курс профессиональной переподготовки
300/600 ч.
Курс повышения квалификации
36 ч. — 144 ч.
Курс повышения квалификации
72 ч.
Мини-курс
6 ч.
Мини-курс
3 ч.
Оставьте свой комментарий
Авторизуйтесь, чтобы задавать вопросы.