Рабочие листы
к вашим урокам
Скачать
«О ,мæ ахсджиаг,о,ме ´взаг,
О, мæ фыдæлты хъæлæс!»
(Хъуысы уæздан ирон цагъд.Сценæмæ рацæуынц скъоладзаутæ.Аив кæсынц æмдзæвгæтæ мадæлон æвзаджы тыххæй)
1 скъоладзау.
Сты зондæн уацхæссæг æппæт дунейы ´взæгтæ,
Нæ дзы ´взары хæстæг æмæ дæрддаг,
Фæлæ ныххойыс зæрдæйы къæсæртæ
Æрмæстдæр ды,мæ мадæлон æвзаг.
2 скъоладзау.
У иу æвзаг дæр а дунæйæн фаг,
Фæлæ нæ ивынц мады риу æндæры!
Мæлæн дын нæй,мæ мадæлон æвзаг
Кæд ма æрбайсæфт хоры нæмыг мæры?!
Ды незаманæй ацы боны онг
Нæ фесæфтай дæ УАЗ хъæлæс,дæ намыс,
Æнус-æнус дæ сыгъдæг уды конд
Цырен арт æмæ карды комыл бахсыст
3 скъоладзау.
Куыд хъæздыг у ирон æвзаджы суадон!
Нæ байсысдзæн æнустæм дæр йæ цад.
«Ирон фæндыр»-нæ зондамонæг фаззон,
Хæссы сæрибар,амонд æмæ цард.
Нæртон æвзаг,-нæ хæхты хуызæн рагон,
Ныййарæг мадау,ды мæнæн зынаргъ.
Къостайы фæдзæхст ма рох кæнут абон,
Æххæст кæнут йæ бæллицтæ сымах!
4 скъоладзау.
Ирон дæн æз, æз дзурдзынæн иронау !
Зынаргъ мын у мæ мадæлон æвзаг!
Мæйдар æхсæв нын рухс уыдзæнис бонау,-
Ирон æвзаг ирон фарнæй у дзаг.
Фыдæлты фарнæй хайджын дæ, Ирыстон!
Рæвдауы нæ ныййарæгау дæ зæхх.
Хъæбулау дыл мæ зарджытæ фæфыстон,
Хъæдабæйау дæ тыгъд быдырты цъæх.
5 скъоладзау.
Ирон æвзаг –мæ уды цин цырагъ у,
Ирон æвзаг-цыкурайы фæрдыг.
Æвзæгтæ зонын зæрдæтæм фæндаг у,
Æнустæм у æнæцудгæ мæсыг.
Ирон æвзаг,сæууон хуры ыскаст у,
Мæ авдæнмæ йæ зæлтæ хъуыстон æз
Мæнæн,мæнæн-ныййарæгау зынаргъ у,
Фыдæлты фарн æнусты сæрты хæсс
Ирон æвзаг-мæ зæрдæйы,мæ туджы,
Ирон æвзаг мæ базырджын кæны.
Куыд нæ фæцуда Иры фарн нæ дуджы,
Цæсты гагуыйау-хъахъхъæнинаг ды!
(Сценæмæ рацыдысты дыууæ амонæджы.Иу дзы уырыссаг дарæсы ,йæ сæрмæ нал хæссы йæ мадæлон æвзаг.Иннæ та ирон дарæсы,тынг æнувыд у йæ мадæлон æвзагыл.)
1 Амонæг (æмдзæвгæкæсджытæм амонгæйæ,мæстыхуызæй)
-Мадæлон æвзаг,мадæлон!æз дын амæлон,цыма дуне æппæт ууыл лæууы,цыма Дуне уый фыдæй кæуы?
2 амонæг
- Цытæ дзурыс?Мадæлон æвзаг у адджын.Уый йемæ хæссы хæрзæгъдау,лæгуарзон æмæ рæстдзинад.
1 амонæг (йæ былтæ акъуыргæйæ)
-Хæссы,хæссы!..Куыннæ стæй,тæбæгъы æвæрдæй!!!Диссаджы ныхæстæ фæкæныс!!!
2 амонæг (мæсты ,фæлæ хиуылхæцгæйæ)
-Дæу та афтæ фæнды,цæмæй дын алцыдæр дæ размæ тæбæгъы æвæрдæй куыд хæссой!
1 амонæг (фæлмæнæй)
-Омæ хорз,мæсты ма кæн,фæлæ мæнмæ дæр байхъус.Кæм ма ис ирон æвзаг?Бынтондæр адæм уырыссагау дзурын куы райдыдтой! Байхъус –ма мæ хæлар Гæбис æмæ Суликъома
(сценкæ )
-Федтай, мæ лымæн, уый та дын ирон æвзаг!
2 амонæг
-Дыууæ адæймаджы тыххæй ирон æвзаг никæйуал хъæуы,ничиуал æй зоны,зæгъгæ,зæгъæн нæй.Фæлтау ма бакæсæм аргъау «Булкъ»-мæ
( сценкæ «Булкъ»)
-Федтай куыд рæсугъд у нæ ирон мадæлон æвзаг!
Ирон зыланг ныхас,дæу айс мæнæй,
Уæд баззаин къуырма æмæ куырмæй.
Нæ арв,нæ зæххæн нал уынин сæ хуызтæ,
Æнæ дæу мын мæ къæхтыл ацæуæн дæр нæй!
1 амонæг.
-Уый дæумæ гæсгæ.Бирæты хъуыдымæ гæсгæ та ирон æвзаг ардыгæй Елхотмæ,стæй нал хъæуы. Бакæсæм та сценкæмæ.
\
Сценкæ «Ирон нæ зони»
Сценкæ «Афтек агурын»
Спайда кодтам:
Зæронд усæн - зæронд усы дзаумæттæ, сумкæ, кæсæнцæстытæ.
Лæппуйæн - телефон, наушниктæ.
Зæронд ус: - ( Рацæуы йæ къухы гæххæтты гæбаз, кæсы йæм æмæ цыдæр агуры). Мæ хæдзарыл! Кæм æй агурон! Стæй цы æлхæнын, уый дæр куы нæ зонын. Уæдæ æнæахуырæй æвзæрдæр исты ис? Цы зæгъон мæ рæстæгæн скъолайы дуарæй никуы бакастæн, стæй уæд мæ кæстæр хомæ та чи кастаид. Мæ мад куынæ бакуыстаид, уæд та æххормагæй мардаиккам. О, о! Уæртæ уыцы лæппуйы куы афæрсин. Хорз лæппу! Дæ бон хорз!
Лæппу: (нæ хъусы, йæ хъусты наушниктæ, йæ къухы та телефон, афтæмæй йæхинымæр кафы йе уæхсджытæй).
Зæронд ус: Дæумæ дзурын лæппу! ( æвналы йæм) - Нæ мæ хъусыс? Æви ирон нæ дæ?
Лæппу: (исы йæ наушниктæ) - Что бабуля! Я ирон на жонис.
(фæстæмæ сæ бакодта йæ наушниктæ.)
Зæронд ус: ( гæххæт æм дары). Мæ фырты фырт рынчын у, æмæ хостæм рацыдтæн горæтмæ. Æркæс ма ацы гæххæтмæ æмæ мын афтек дæр ацамон.
Лæппу: Бабуля! Я же сказал: Нæ жони ирон.
Зæронд ус: Афтек мын уæддæр ацамон.
Лæппу: Афтек - мафтек, я не понимаю. ( иннæрдæм азылд æмæ та йæхицæн кафы)
Зæронд ус: Ай цавæр лæппу дæ? Зæронд адæймаг дæ сæрмæ нæ хæссыс æви?
( Сæ ныхасмæ лæппуйы мад рауад)
Мад: Цы дæ хъæуы мæнæ ус? Кæй агурыс?
Зæронд ус: О,о! Кæдæй, уæдæй ма, ирон горæты, ирон ныхас фехъуыстон. Мæнæ ацы лæппу дæ лæппу у?
Мад: Мæн у, мæн, а что из этого?
Зæронд ус: Иу ныхасæн мын дзуапп нæ ратта, æвæццæгæн иронау æцæг не 'мбары, æви мæ хынджылæг кæны?
Мад: Махæн Вовочкæ по осетинский не понимать кæны. Притом хæдзары все дзурæм по русский.
Зæронд ус: Ау! Æмæ уæм æппындæр худинаг нæ кæсы? Ахæм хæрзконд ирон лæппу, æмæ йæ сæрмæ иронау дзурын нæ хæссы.
Мад: Æмæ ирон та кæм хъæуы? Где это надо? Мæнæн Вовчик Мæскуыйы ахуыр кæндзæн.
Зæронд ус: Мæскуы бæргæ хорз у, фæлæ йæхи æвзаг та? Йæ мадæлон æвзаг ма хъуамæ зона?
Мад: Оф! Цы кадджын дæм кæсы ирон æвзаг. Цы нын ныууагътой хорзæй, нæ предкæтæ?
Зæронд ус: (зæхх æрхоста лæдзæгæй) - Цы, æмæ кадджын æгъдæуттæ, æмæ рæсугъд æвзаг! Кæцыйы хъахъхъæнын нæ зонынц, мæнæ дæу хуызæттæ! Дæ фыртæн дæр ды сæнад кодтай йæ мадæлон æвзаг! Æмæ чи у дæ фырт, уый бæрæг дзы нал ис.
Мад: Ацы хорз ус, цы дæ хъæуы махæй? Нал нæ ныууадздзынæ абон. Надоела уже! Цы æххуыс дæ хъæуы? Кæннод мне уже домой пора.
Зæронд ус: Ницы мæ хъæуы дæуæй. Ирон адæмы низтæ бахæр!
Мад: - Ни поняла! Пошли Вовчик! Ацы деревенщина нæ цалынмæ нæ фæнадта уæдмæ. (ацыдысты)
-цæй ,ныр та ма мын цы зæгъдзынæ?
2 амонæг (æнкъардхуызæй)
-Алцыдæр махæн нæхицæй аразгæ у.Нæ мадæлон æвзаг нæ ирон царды бындур у.Мадæлон æвзаг чи нæ зоны,уый мæм саст маргъау кæсы.Цæмæй маргъ арвмæ стæха,уый тыххæй йын дыууæ фидар базыры хъæуы.Кæй зæгъын æй хъæуы,саст базыримæ дæр цæрдзæни цъиу,фæлæ уый царду?Уый цард нæу!
Уыйау адæймаг дæр.Нæ мадæлон æвзаг йæ цард къахыр у,йæ уд та –тутт.Цал æвзаджы,дам , зонай,уал адæймаджы дæ.Уый раст у,фæлæ раст у уый дæр,æмæ мадæлон æвзаг у æппæты сæр .Уый у нæ цинты гуырæн, нæ амæндты райдайæн.
Ис æвзагæй нал дзурæм иронау
Ис хъæбулæй не 'взаг у æвæд
Стыр уырысæн нал хизæм йæ ронæй,
Удæй ма куыд уæм ирæттæ уæд!
Макæй уарзæм афтæ æз нæ зæгъын
Фæлæ уарзтæй ма хъуамæ уæм куырм
Зæрдæ дæр цы риуæн равзæрд хурау
Рухс кæнæт æппæты фыццаг уым!
Сценкæ
Ирон æвзагæн иу бон куыд дæттут?
Куы нæ йын ысты мин азтæ дæр фаг!
Цæры ма уым нæ фыдæлты нæргæ дуг,
Нæ фидæнмæ дæр уый кæны фæндаг.
Æз та йæ уæдæ афтæ зæгъин абон:
Уæд алы бон дæр не взагæн йæ бон!
Уыйдзæнис уæд æвидигæ нæ амонд,
Йæ рухсæй ифтонг зæрдæ æмæ зонд.
Ирон æвзаг,цæй диссаг дæ!
Æвзæгты хсæн куыд аив дæ.
Куыд зынаргъ дæ ирон лæгæн
Ирон æвзаг –ирон удты цæрæнбон,
«Ирон фæндыр»-ирон зæрдæты цагъд:
Ирон æвзагæн хуры тын –йæ урдон,
Æнусты сæрты Ирыстонмæ æртахт!
Ирон æвзаг –æрвон дунетæй уазæг,
Зæххон фæндæгтыл цард æмæ цæры:
Ирон æвзаг-зæххон æвзæгты равзæрд,
Нæ бæллицтау нæрыд æмæ нæры.
Мæ хъысмæт ,мæ намыс,мæ мадæлон арм,
Мæ ирон æвзаджы –мæ фыдæлты фарн.
Мæ сагъæс,мæ бæллиц,кæмæй хæрын ард,
Мæ удæн йæ хæзна,мæ зæрдæйы хъарм.
Алантæ сæрбæрзонд,фæзминаг цытæн,
Ныууагътой мын се взаг ,æнæ уый цы дæн?
Æввонгхор ,æвæстаг,æнæном цыдæр…
Афтæ цæрынæй мæлæт у хуыздæр.
О, стыр хуыцау !!!
Фыдрæстæгæй нæ бахиз.
Нæ чысыл Ирыл ма рауадз фыдæх
Куыд уой йæ фырттæ алы ран уæлахиз,
Куыд уа æнустæм амондджын йæ зæхх.
Мæ Ирыстонæн ма фесæфæд йе 'взаг
Мæ Ирыстоныл ма æрцæуæд зæй.
Æдзæттæйæ нæ ма баййафæд не 'знаг
Нæ кæрæдзийы мауал кæнæм уæй.
I - кæсæг: Нæ изæры кæрон ма байхъусæм Къадзаты Станиславы æмдзæвгæ «Нæртон бæллиц»-мæ.
«Нæртон бæллиц»
Ирон дзырдтæ - мæ базыртæ
Мæ уидæгтæ - мæ цин
Æз сæ цы рæвдыд базыдтон
ÆвидигÆ фæци.
Мæ уд хъæдгæмттæ бандыдзы
Нæ фыдæлты хъæлæс
Цыфæнды маст дæр алидзы
Куы йæ фехъусын æз.
Ирон æвзаг - арвайдæнау
Кæсын æм зон æрмæст
Йæ алы дзырд дæр адджын у,
Нæ дзы æфсæды цæст.
Нæртон бæллиц мæм ахæм и –
Куы рафтауид æфсир –
Цъæхирд тъымы-тъыматæм - иу
Иронау дзурæнт Ир!
I – кæсæг: Нæ изæр кæронмæ æрхæццæ.
II – кæсæг: Хæрзизæр раут!
Ирон музыкæйы зæлтæ.
Кæрон.
6 651 897 материалов в базе
Настоящий материал опубликован пользователем Накусова Ирина Ахсарбековна. Инфоурок является информационным посредником и предоставляет пользователям возможность размещать на сайте методические материалы. Всю ответственность за опубликованные материалы, содержащиеся в них сведения, а также за соблюдение авторских прав несут пользователи, загрузившие материал на сайт
Если Вы считаете, что материал нарушает авторские права либо по каким-то другим причинам должен быть удален с сайта, Вы можете оставить жалобу на материал.
Удалить материал
Ваша скидка на курсы
40%
Курс профессиональной переподготовки
500/1000 ч.
Курс профессиональной переподготовки
600 ч.
Курс профессиональной переподготовки
300/600 ч.
Курс повышения квалификации
72/180 ч.
Мини-курс
4 ч.
Оставьте свой комментарий
Авторизуйтесь, чтобы задавать вопросы.