Главная / Начальные классы / Нан қайдан шығады? (ашық сабақ)

Нан қайдан шығады? (ашық сабақ)

hello_html_61ee0784.gifhello_html_5192dacb.gifТақырыбы: Нан қайдан шығады?

Мақсаты: Балаларға «Нан қайдан шығады?» ертегісін оқып беріп, балалардың сөздңк қорларын, сөйлеу мәдениетін, ойлау қабілетін дамыту. Нан туралы түсініктерін тереңдету. Еңбекті бағалау, адамгершілік қасиеттерін дамыту.

Міндеті: Балаларды нанның қадірін бағалап, білуге үйрету.

Әдісі: Түсіндіру, әңгімелеу, көрсету.

Түрі: Дәстүрлі ұйымдастырған оқу іс-әрекеті.

Типі: Жаңа білімді меңгерту.

Көрнекілік: Тақырыптық материалдар, интерактивті тақта.

Инклюзивтік әлеует: Балалардың өз ойларын ашық айта білуге баулу.


Іс-әрекет кезеңдері

Мұғалімнің іс-әрекеті

Балалардың іс-әрекеті

Түйсік түрткісі

Шаттық шеңбері

Мұғалім ең алдымен іс-әрекетті балалармен бірге «Шаттық шеңберімен» бастайды. «Шаттық шеңбері» табиғат анамен амандасудан басталады.








Балалар мұғалімнің ұсынысы бойынша «Шаттық шеңберіне» тұрып, табиғат анамен амандасып алады.



Амансың ба, алтын күн?

Амансың ба, көк аспан?

Амансың ба, достарым,

Сендерді көрсем қуанам.


- Жарайсыңдар, балалар. Міне бүгін біз көркем әдебиет іс-әрекетін жақсы көңіл-күймен бастадық. Енді мен сендерден өтілген іс-әрекеттерден бұрын білетін ертегілермен танысқанымызды еске түсіріп жіберейік. Сендер сол ертегілерді атап, мына суреттерден сол кейіпкерлерді тауып, тақтаға іле қойыңдар.

Балалар өтілген іс-әрекеттегі танысқан ертегі бойынша суреттерден өздеріне таныс ертегіні таңдап алып, тақтаға шеңбердің айналасына орналастырады. Мысалы, «Мақта қыз бен мысық», «Шалқан», «Бауырсақ».

Ұйымдастыру ізденушілік

- Ал енді, балалар, тағы да ертегі тыңдағыларың келеді ме? Мен сендерді керемет ертегімен таныстырғалы тұрмын. Сендер ертегіні тыңдамас бұрын мен сендерге жұмбақ жасырамын.

Ұзын мұртты сарылар,

Наның содан алынар. (бидай)

Балалар жұмбақтың шешуін тауып береді.


- Жарайсыңдар, балалар! Әрине жұмбақтың жауабы бидай болады. Бүгінгі біздің іс-әрекетімізде осы бидайдан жасалатын ас атасы – нан туралы өтеміз. Мен сендерге қазір «Нан қайдан шығады?» ертегісін оқып беремін.

Осы кезде есік қағылып, ішке «Ғажайып сәт» ретінде Бидай кіріп, балалармен сәлемдеседі. Бидай:

- Сәлеметсіңдер ме, балалар? Мен сендерге қонаққа келдім, - деп өз қуанышын білдіреді.

Қуанамын мен де,

Қуанасың сен де,

Қуанайық, достарым,

Арайлап атқан күнге.

- Ал, балалар, сендермен бірге нанның қайдан шығатынын менің де білгім келеді және сендердің нан туралы не білетіндеріңді менің де естігім, көргім келеді.

Мұғалім Бидайды төрге отырғызады.


Әңгімелесу

Мұғалім Бидайды төрге отырғызады да, балаларға ертегіні айтып бермес бұрын, балалармен әңгіме қозғайды.

- Нан туралы не білесіңдер? Ал сендерге сол нанның қайдан шыққанын айтып берейін. Сендер мұқият зер салып тыңдаңдар.



Нан туралы білетіндерін ортаға салып айтады.

Кері байланыстылық, түзетушілік

Сергіту сәті

Шаршағанда ырғалып,

Бидайға ұқсап дем алам.

Қанатымды бір қағып,

Бидай болып жайқалам.


- Енді осы ертегіні рөлдерге бөлініп, сахналап көрейік, - деп балаларды рөлге бөледі, ертегіні сюжетті рөлді ойын ретінде сахналайды.

Балалар тышқан, нан, күзетші, сатушы, наубайшы, диірменші болып ертегіні сахналайды.


Содан соң мұғалім балаларды мақтап, мадақтап отырғызып, нанға байланысты мақалды Бидайға айтып беруді сұрайды.

Балалар Бидайға өздері білетін мақалдарды айтып береді.

  • Ас атасы – нан.

  • Нан бар жерде ән бар.



  • Жарайсыңдар, балалар. Сендер көп мақал біледі екенсіңдер. Енді мен сендерге егінге байланысты мақал-мәтелді айтып өтейін және нанға байланысты тыйым сөздерді де айтамын.

  • Жердің сәні – егін,

Ердің сәні – білім.

  • Ексең егін,

Ішерсің тегін.

Тыйым сөздер:

  • Нанды бір қолмен үзбе.

  • Нанды жерге тастама.

  • Наннан аттама.

- Міне, балалар, нанның қандай еңбектің арқасында келетінін білдіңдер. Нанның қасиеті мен қадірін білуіміз керек.

Осы кезде ғажайып сәт ретінде келген Бидай да өз ризашылығын білдіріп, балалармен қоштасып, өзі әкелген бауырсақты балаларға үлестіріп береді.

Мұғалім іс-әрекетке белсенді қатысқан балаларды мақтап мадақтайды.




Күтілетін нәтижелер: Балалар не үйренді? Олар нанның қайдан шығатынын білді


Нан қайдан шығады? (ашық сабақ)
  • Начальные классы
Описание:

Тақырыбы: Нан қайдан шығады?

Мақсаты: Балаларға «Нан қайдан шығады?» ертегісін оқып беріп, балалардың сөздңк қорларын, сөйлеу мәдениетін, ойлау қабілетін дамыту. Нан туралы түсініктерін тереңдету. Еңбекті бағалау, адамгершілік қасиеттерін дамыту.

Міндеті: Балаларды нанның қадірін бағалап, білуге үйрету.

Әдісі: Түсіндіру, әңгімелеу, көрсету.

Түрі: Дәстүрлі ұйымдастырған оқу іс-әрекеті.

Типі: Жаңа білімді меңгерту.

Көрнекілік: Тақырыптық материалдар, интерактивті тақта.

 

Инклюзивтік әлеует: Балалардың өз ойларын ашық айта білуге баулу.

Автор Усенова Баян Алдабергеновна
Дата добавления 08.01.2015
Раздел Начальные классы
Подраздел
Просмотров 2073
Номер материала 46037
Скачать свидетельство о публикации

Оставьте свой комментарий:

Введите символы, которые изображены на картинке:

Получить новый код
* Обязательные для заполнения.


Комментарии:

↓ Показать еще коментарии ↓