Главная / Начальные классы / "Менің жанұям" даярлық сыныбы

"Менің жанұям" даярлық сыныбы

Тәрбие сағатының тақырыбы: «Менің жанұям – менің қорғаным»

Мақсаты: Ата-аналар мен оқушылардың қарым-қатынас өрісін дамытып, қарым-қатынас    қасиеттерін қалыптастыру, ата-анаға деген сезімдерін жеткізе білуге, ата-ананы құрметтеуге тәрбиелеу.

Сабақтың әдіс-тәсілі: сұрақ-жауап, топпен жұмыс, шығармашылық жұмыс.

Көрнекіліктер: үнтаспа, суреттер, плакаттар, диаграмма.

Мұғалім:

- Бала қанша білім алып, мектеп табалдырығын аттағанымен, оның өмірінің көп бөлігі әке-шешесінің қасында өтеді екен. Ал сіздердің ата-ана, өміріңізде үш рет мектепке баратыныңызды әрқашан естен шығармаңыз. Бірінші рет-өзіңіз, екінші рет балаңыз, ал үшінші рет – немереңіз барады екен. Ендеше бүгінгі сабағымызға қатысып отырған ата-аларға әрдайым осы балаларыңыздың қорғаны болып, немере сүйіп мектепке келе беріңіздер демекпін!

І Ата-аналарға, оқушыларға арналған треннинг «Менің есімім»

Көңілді допты бір-бірлеріне беріп өз есімдерін айту.

- Есімің кім?

- Қандай мағына береді?

- Есіміңді кім қойды?

- Өз есімің өзіңе ұнай ма?

- Есіміңді өзгерткің келе ме?

ІІ Жаттығу «Өз жұлдызыңызды табыңыз»

Нұсқау: Жұлдызды түнді елестетіңіз. Жұлдыздар үлкен және кіші, жарық және күңгірт. Біреу үшін бұл біреу немесе бірнеше жұлдыздар, ал біреулер үшін сансыз көп, жарық шашып бірде алыстап, бірде қол созым жерде жақын орналасқан. Жұлдыздарға мұқият қарап, ең керемет жұлдызды таңдаңыз. Мүмкін, бұл балалық кездегі сіздің арманыңызға ұқсас шығар, мүмкін, ол сіздің бақытты сәби  кездеріңізді еске түсірген шығар. Тағы да ол жұлдызыңызға сүйсініп, соған жетуге тырысыңыз. Бар күшіңізді салыңыз. Сіз міндетті түрде сол жұлдызға жетесіз. Аспаннан алып оны алдыңызға қойыңыз.

а) оқушылар алдарында жатқан жұлдыздардан өзіне біреуін таңдап алады

ә) жұлдыздарға өз есімдерін жазады

б) тақтаға іледі

ІІІ Мақал – мәтелдің мағынасын ашу

Ата-аналарға:

1. «Баланы жетіге келгенше тыйма, он төртке келгенше құлыңдай қина, он төрттен кейін құрдасыңдай сыйла»

2. «Бетің қисық болса, айнаға өкпелеме»

3. «Тәрбие бесіктен басталады»

Оқушыларға:

1. «Сүтпен біткен, сүйекпен кетеді»

2. «Баланың жақсысы - қызық, жаманы - күйік»

3. «Әкеге қарап ұл өседі»

ІV Диаграмма құрастыру.

Нұсқау: Дөңгелек шеңберді 24 сағатқа бөліп, оқушының, ата-ананың бір күндік диаграммасын құру.

Ата-анаға:

1. Ұйқыға

2. Мектепке

3. Отбасымен қарым-қатынасқа

4. Үйірмеге

5. Достарына

6. Үй шаруасына

7. Жалғыз болуға

Оқушыларға:

1. Ұйқыға

2. Жұмысқа

3. Үй шаруасына

4. Отбасына

5. Маған

Диаграмманы қорытындылау

V Оқушыларға арналған «Шынымды айтсам.......» жаттығуын өткізу. Сөйлемді аяқтау.

1. Шынымды айтсам, менде бос уақыт болғанда…….

2. Шынымды айтсам, мен тәртіпсіздік жасағанда, ішімнен….

3. Шынымды айтсам, мен үйге келгенде немесе таңертең көзімді ашқанда…..

4. Шынымды айтсам, менің тәртібіме байланысты ата-анамды мектепке шақырғанда….

5. Шынымды айтсам, сыныптастарымның ата-аналары мектепке келіп, менің ата-анам келмесе……

6. Шынымды айтсам…….

VІ Оқушы шығармашылығы

1. Слайд арқылы оқушылардың суреттерін көрсету.

2. Оқушылардың «Менің жанұям-менің қорғаным» атты тақырыпта жазған шығармаларынан үзінді оқу.

VІІ Қорытынды

1. Сұрақ-жауап арқылы сабақты қорытындылау.

2. Сабақтың басында өткізген «Өз жұлдызыңды тап» жаттығуына қайта оралу.

- Міне, қоштасатын да сәт жетті. Дегенмен, біздің сабақ бойы жарық беріп тұрған жұлдыздарымыз қалды. Олар біздің энергиямызбен, мейірімізбен, ертеңгі күні үмітімізбен жетістіктерімізбен толы. Олар - сендерсіңдер балалар. Сондықтан ата-аналарыңның сендерге деген үміттерін сөндіріп алмаңдар!

Ал сіздерге, ата-аналар, сіздердің жарық жұлдыздарыңыз әрқашан осылай жарқырап жүру үшін, оларға әрқашан қорған бола біліңіздер.

1. Таудың суретін ілу

2. Бұлақтың суретін ілу

3. Гүлдердің суретін ілу

Әке-асқар тау,

Ана-бауырындығы бұлақ,

Бала-жағасындағы құрақ – деп дана халқымыз айтқандай, біздің мына ілген гүлдеріміз, сіздердің, ата-аналар құшақтарыңызда  жайқалып гүлдей берсін!

 

"Менің жанұям" даярлық сыныбы
  • Начальные классы
Описание:

Мақсаты: Ата-аналар мен оқушылардың қарым-қатынас өрісін дамытып, қарым-қатынас    қасиеттерін қалыптастыру, ата-анаға деген сезімдерін жеткізе білуге, ата-ананы құрметтеуге тәрбиелеу.

Сабақтың әдіс-тәсілі: сұрақ-жауап, топпен жұмыс, шығармашылық жұмыс.

Көрнекіліктер: үнтаспа, суреттер, плакаттар, диаграмма.

Мұғалім:

 

- Бала қанша білім алып, мектеп табалдырығын аттағанымен, оның өмірінің көп бөлігі әке-шешесінің қасында өтеді екен. Ал сіздердің ата-ана, өміріңізде үш рет мектепке баратыныңызды әрқашан естен шығармаңыз. Бірінші рет-өзіңіз, екінші рет балаңыз, ал үшінші рет – немереңіз барады екен. Ендеше бүгінгі сабағымызға қатысып отырған ата-аларға әрдайым осы балаларыңыздың қорғаны болып, немере сүйіп мектепке келе беріңіздер демекпін!

Автор Нугуспанова Шынар Туленовна
Дата добавления 24.02.2015
Раздел Начальные классы
Подраздел Планирования
Просмотров 534
Номер материала 57023
Скачать свидетельство о публикации

Оставьте свой комментарий:

Введите символы, которые изображены на картинке:

Получить новый код
* Обязательные для заполнения.


Комментарии:

↓ Показать еще коментарии ↓