Мақсаты:
жастар арасына ғылыми білімді тарату, олардың сөздік қорын, дүниетанымын
молайту. Оқушылар арасынан білгір, алғыр, интеллектуалдық деңгейі жоғары,
ой-өрісі кең білімгерлерді анықтау. Білімгерлердің оқуға, білімге деген
қызығушылықтарын ояту және жан-жақты танымдық белсенділігін арттыру.
Көрнекілігі:
Ел тәуелсіздігіне арналған көрме, нақыл сөздер.
Кештің барысы:
Жүргізуші:
-Деген екен қазақ халқы:
«Сәлем – сөздің анасы»,
Біледі оны еңкейген қарт, еңбектеген
баласы. Амандасу – ізгіліктің сыпайылық белгісі. Баршаңызға қайырлы күн!
Тәуелсіздігіміздің 20 жылдығына арналған «Ұлт болашағы – білімді жастың
қолында» атты интеллектуалдық сайысымызға хош келіпсіздер! Сайысымызды бастамай
тұрып әділқазы мүшелерімен таныс болайық:
1.
2.
3.
Енді қатысушы топтармен таныс болайық:
____________________________________________________________________________________________________________________________________
Елбасымыз Н.Ә.Назарбаев: «Мен біздің
жастарға сенемін. Сендердің білімдерің, сендердің күш-жігерлеріңмен сендердің
еңбектерің күшті де өркенді Қазақстанды орнатуға жұмыс істейтініне сенімдімін»,
- деген.
Кезекті сайысымыздың І турына
береміз. «Бір күн таныстыққа – қырық күн сәлем» атты топтың өзін таныстыру
номинациясы бойынша қатысушыларға сөз береміз. (Командалар өзін таныстырады)
ІІ турымыз Тәуелсіздік
– ең алдымен қазақ халқының бостандыққа ұмтылған асқақ армандары мен қайсар
рухының жемісі. Сондықтан да біз үшін Тәуелсіздік күні ең қастерлі күн. Үй
тапсырмасын қорғау, әр топқа үйге Тәуелсіздікке 20жыл тақырыбына шығарма жазып
келу берілді. Әр топ шығармасын оқиды.
Сайысымыздың ІІІ туры «Жорға» деп
аталады. Әр командаға 10 сұрақтан беріледі, сұрақтарға тез арада жауап
қайтарылуы тиіс:
І топтың сұрақтары:
1. Табу
сөздер деп қандай сөздерді атаймыз?
2. «Бандыны
қуған Хамит» әңгімесінің авторы?
3. Тұрмыс-салт
жырларының түрлерін ата.
4. Қазақ
тілінде қосымшаның неше түрі бар?
5. Құрмаш
қай шығарманың кейіпкері?
6. Синтаксис
саласы нені зерттейді?
7. Сөздердің
байланысу түрлерін ата.
8. Сәбит
Мұқановтың әңгімелерін ата.
9. Есімдіктің
мағыналық түрлерін ата.
10. «Сырдария»
өлеңінің авторы кім?
1. Дисфемизм
деген не?
2. «Ананың
анасы» әңгімесінің авторы кім?
3. Абайдың
неше қара сөзі бар?
4. Қазақ
тілінде жұрнақтың қандай түрлері бар?
5. Әмірқан
қай әңгіменің кейіпкері?
6. Морфология
саласы нені зерттейді?
7. Сөздердің
байланысу тәсілдерін ата.
8. Ғ.Мүсіреповтың
әңгімелерін ата.
9. Сан
есімнің мағыналық түрлерін ата.
10. «Ақсақ
Темір мен ақын» шығармасының авторы кім?
ІV турымыз
«Өзіңді өзің таны» деп аталады. Мұнда екі топқа педагогикалық жағдаят беріледі.
Мұнда оқушылардың жағдайдан жол таба білу қабілеті анықталады.
І жағдаят: Бірнеше пәннен екілік алып
жатырсың. Мұғалім сенің оқымай жүргеніңді байқап, «Әкеңді шақырып кел» деп,
өзіңдң жұмсады. Сен әкеңнің қатал мінезін білесің. Не істейсің?
ІІ жағдаят: Сағат 3-те мектепке баруға
жиналып жатырсың, оған міндетті түрде баруың керек. Сол сәтте үйге қонақтар
келіп қалды. Үйде жұмсайтын ешкім болмағандықтан, анаң сені дүкенге жұмсады.
Енді не істейсің? Өткенде де бармай қалып, мұғалімнен ұрыс естідің. Анаңа айтып
едің, «Қап, енді қайттым?» деп өкініш білдірді. Сен қалай жол табар едің?
V турымыз «Ақылды
басшы – елдің намысы» деп аталады. Топ басшыларына тақырыптар беріледі, топ
мүшелерімен бірге пікірталас ұйымдастыру керек 5минут дайындыққа беріледі.
Мұнда сіздердің ұйымдастырушылық қабілеттеріңіз байқалады. «Мемлекеттік тілдің
мәртебесін көтеру үшін не істеу керек?», «Дамыған елу елдің қатарына қосылу
үшін жастар не істеу керек?»
VІ турымыз «Өнерлі
жастар – өмір тұтқасы» деп аталады. Әр топ өз өнерлерін ортаға салады.
Әділқазы алқасына сөз кезегін береміз.
Жеңімпаздарды шын жүректен құттықтаймыз!
Қош, сау болыңыздар!
Оставьте свой комментарий
Авторизуйтесь, чтобы задавать вопросы.