Главная / Другое / Конспект урока по родной литературе (мокша) 3 класс на тему "Я.М. Пинясов " Вирть казненза"

Конспект урока по родной литературе (мокша) 3 класс на тему "Я.М. Пинясов " Вирть казненза"

Мокшень лувомань уроксь


Темась: Яков Максимович Пинясов

«Вирть казненза»


Цельхне: - знакомондама Я.Пинясовонь «Вирть казненза» азксонц мархта;

- тонафтомс шабатнень ванфтома и кельгома родной природать и шачема-касома крайть

- воспитандамс кельгома мокшень кяльти, фольклорти, литературати.

Оборудованиясь: вирть колга картинат, магнитофон, диск «Кизонда вирняй» мороня мархта.


Урокть молемац


I Организационнай моментсь.

- Шумбратада, шабат! Мезень колга тячи минь тинь мархтонк карматама корхтама урокста тинь содасть, мъзярда кулхцондсасть моронять .


(«Кизонда вирняй» моронянь кулхцондомась)


- Мезень колга моронясь? Виде вирть колга. Аф тяфтак корхтайхть, што вирсь минь козяшиньке.

II Содамошинь актуализациясь

- Родной крайть природанц колга тинь пяк лама содатада и лия урокнень эзда. Тячи минь тинь мархтонк сяда кърхкалготфсаськ содамошиньконь шачема-касома краеньконь природанц колга.


- Шабат, лятфтасаськ кодама азкст, ёфкст вирть колга тинь морафнеде и тонафнеде ётай кизотнень эса?


(Леонид Макуловонь «Келуналса», коса келунясь шнасы кудрявай мазы щамса пизелксть.

Виталий Бианкинонь коряс «Шада ведсь вирьса», коса азови кода нумолсь аралакшнесь пря вирьса шада ведть эзда.

Н. Живайкина «Пизёлонкса, В.Виард «Вирень ванфтыхть», Е. Кокнаева «Вирявань стирня»)

- Но вирть колга улихть аф аньцек азкст и ёфкст, но и лама мокшень поэтт, конат шарфнезь эсь мяльснон пялонза и сёрмадсть колганза мялень пети стихотвореният.

Кулхцондсаськ Михаил Имярековонь стихотворениянц «Вирьса»


Акша коволнятнень ёткста

Налхксезь варжаксни шинясь

Сонцень кизоть мархта тошкси

Парьхцинь панарса вирнясь.

Апак лотксек цёфксне морайхть,

Эряйхть пичефкстома фланкс

Ундонястонза урсь ёряй

Лочаф тяшттнень модать лангс

Иттне якайхть пяштерьксналга,

Кизоть мазы пингонц шнайхть,

Кочкайхть панчфкат шуфттнень алга,

Сизефста куду сайхть.


- Кодама вирть пингонц шнасы поэтсь Михаил Имярековсь эсь стихотворениясонза?

(Кизонь вирть пингонц)

-Кодама пингонь вирсь тинь корязонт инь мазы?

(Тялонь, сёксень, тундань, кизонь)

- Кажнай ломанть ули сонцень вирть кельгома пингоц. А кодама пингонь вирсь тинь мялезонт? Куду ульсь максф задания тяштемс аф оцю сочинения «Вирть кельгома пингозе»

(Кепотьксонди морафтови 2-3 сочинения.)


- Виде, вирть кажнай пингонц сонцень мазышиц. А тяни шабат, вайматама.

Вармась уфай шамазонк

Шуфтонятне люказевсть

Варманясь сетьмоси, сетьмоси,

Шуфтонятне вяри касыхть.


III. Я Пинясовонь “Вирть казненза» азксть морафтомац.


-Тячи минь мархтонт морафтсаськ Я.Пинясовонь «Вирть казненза» азксонц.

(Я.Пинясовонь колга азондомась)


Яков Максимович Пинясов – мокшень содаф писатель. Сон ашу крестьянскай семьяста. Я. Пинясов эрясь ашуста. Но сон ашезе визне ашушинц эзда, кельгозе инжиень васьфнеманц-примаманц. Сон нолдась кодгемоньда лама книга. Эздост нильгемонць – ёмла лувихненди, т.е. сон тяштсь шабатненди. Улихть книганза кона тяштьфт рузонь кяльса, тя «Шумный брат», «Обыкновенные варежки», «Вечно живой» и ст. тов. Идень азкссонза сембонди пяк туфт мяльс. И ламоц произведениянза сувафтф школьнай учебникненди тонафнемс.

- Минь мархтонт морафнеме лама Я. Пинясовонь произведениянзон, лятфтасаськ кодама азксонзон мархта знакомондаме?

(«Надобият», «Модань кудняса», «Полярник», «Садса», «Лидань лезксоц» и стак тов)

- Панжесть книганьконь 169 страницать и морафтсаськ азксть.

Аф шарьхкодеви валхнень лангса покодемась:

- живица – пичень вай

- вазелин

- скипидар

- канифоль

- куженя

-ожна


IV Текстть мархта покодемась.


- Кизонь кодама картинат няфни авторсь эсь азкссонза?

- Мезсь дивандафтозе Петянь вирьгя молемста?

- Кодама асувоц вирть?

- Мезе няйсть цёранятне пичетнень бокста?

- Мезе колга азондсь Ваня Петянди?

- Мезе тиендевихть пичевайста? Мусть и морафтость тянь колга валрисьмотнень текста.


V Содак произведениять.


- А тяни шабат эряви содамс кодама произведенияста сявфт ня пакшкатне.


-«…Сёксень мани шиня Маша сърхкась вири пангонксса. Сон сявозе мархтонза пяльненц Мишань. Мъзярда сувасть вирьбулоняв акась тонафтсь сяда ёмлать:

-Ичкози тят тушенда, Миша, эрьгодят…» (Е.Кокнаевать «Вирявать стирняц»)


- «… Пачкодсть вирть тървас. Тясовок сембось лиякстомсь. Кой-кона шуфттне пъцтай штадотольхть, ёрдазь ни лопаснон. Сянкса келуфне сяшкава тюжатольхть, мярьгат, кие-бди лаподсь лангозост золотань руцят…» (Н.Живайкина «Пизелонкса»)


- «… Од содафоне эста сърхкасть вири, тунь мархтост монга. Вирть ароптомац – тевсь пара и пяк эрявикс. Вирень ванысь няфтезе работама вастть и тевсь лаказевсь…» (В.Виард «Вирень ванфтыхть»)


VI Итогть тиемац


- Шабат мезень колга минь тячи мархтонт корхтаме урокста? Мезе тиеме?


VII Кудонь тевсь.

Стр 172 мекольце кизефкстть.

Конспект урока по родной литературе (мокша) 3 класс на тему "Я.М. Пинясов " Вирть казненза"
  • Другое
Описание:

Яков Максимович Пинясов – мокшень содаф писатель. Сон ашу крестьянскай семьяста. Я. Пинясов эрясь ашуста. Но сон ашезь визде ашушинц эзда, кельгозе инжиень васьфнеманц-примаманц. Сон нолдась кодгемоньда лама книга. Эздост нильгемонць – ёмла лувихненди, т.е. сон тяштсь  шабатненди. Улихть книганза кона тяштьфт рузонь кяльса, тя «Шумный брат», «Обыкновенные варежки», «Вечно живой» и ст. тов. Идень азкссонза сембонди пяк туфт мяльс. И ламоц произведениянза сувафтф школьнай учебникненди тонафнемс.

"Вирть казненза" азкссь тонафты кельгомс и ванфтомс вирть, сяс мес вирсь - минь козяшиньке.

Автор Абраконова Галина Васильевна
Дата добавления 08.01.2015
Раздел Другое
Подраздел
Просмотров 432
Номер материала 45928
Скачать свидетельство о публикации

Оставьте свой комментарий:

Введите символы, которые изображены на картинке:

Получить новый код
* Обязательные для заполнения.


Комментарии:

↓ Показать еще коментарии ↓