- 04.10.2020
- 449
- 0
Темась: Ванфтсаськ перьфпяльдень мазышить.
М. Келин «Заповедникса»
Цельхне: - тонафтомс шабатнень ванфтома и кельгома родной природать и шачема касома вастть;
- касфтомс содамошиснон, лац корхтамаснон и
морафтомаснон мокшень кяльса;
- воспитандама кельгома природати, фольклорти,
мокшень кяльти.
Оборудованиясь: рисункат животнаень (зубра, сярда, офта, келазь, върьгаз, сель, вирень тува), нармонень ( вирьмацихть, карга, карьхциган, келнармонь, кавал, корож, равжа аист), шуфтонь (пиче, тума и ст. т.), «шишкат» содама ёфкс мархта, книгань выставка «Вирсь – минь козяшиньке».
Эпиграфсь: Россия, Русь,
Вирьхть, пиже лаймот,
Тонь лемцень мархта лямбе сай.
А. Доронин.
Урокть молемац.
I. Организационнай моментсь.
- Шумбратада, шабат! Озада. Тячи минь тинь мархтонт ушеттама од глава тонафнема, конань лемоц:
- морафтость марса
«Ванфтсаськ перьфпяльдень мазышить».
- Шабат, кода арьсетяда Мезень колга минь тинь мархтонт карматама корхтама. А сянь содасть, мъзярда кульсаськ, стихотворениять Михаил Моисеевонь «Къда керови келуня» (стихотворениясь макссеви ингольге)
II. Содамошинь актуализациясь.
1. Морафтсы ученица.
Онцтон, бъта арань акша келунякс,
Шуфтонясь перьфпяле улень тяконя
Сашендсть алон кельгондема кельгихне,
Эшксозон пси шитнень кяшендсть якайхне
Тушенды пизем – алон кяшендсть пиземда,
Коське – шяти варматненьге кирнине.
Шуфтонялень – ашень пеле сиземда,
Шуфтонять вдь мазец – эрьгац виренне.
Сяльде састь пиласа ломать – керамазь,
И кудряне лаподсть пульти –сокорти,
Шудесь эздон келуведнясь верезе.
Вастозон илядсь круг мархта мокорня.
Ся ульсь ни… А тяни арьсян лажназня:
Кальдяв, къда шуфта коса керови.
2. Корхтамась стихотворениять колга.
- Мезень колга корхтави тя стихотворенияса?
- Кодама ульсь шуфтонясь?
- Мезе ульсь шуфтонять мархта? (састь ломать, керазь)
- Мезе корхтави шуфтть колга керамда меле? (шудесь келуведняц верец, лаподсть кудрянза пульти)
- Ужяль или аф тиндейньк келунясь? Мес? Тяфта эряви тиендемс или аф?
-Кода тинь азость тячи минь тинь мархтонт карматама корхтама шуфттнень, вирьхть, природать ванфтоманц колга.
- Мекольдень кизотнень пяк оцю мяль шарфневи природати. А мезенкса?
- Да сяс, мес природать эзда ащи ломанть эряфоц, шумбрашиц. Штоба ломанць улель шумбра мезе тейнза эряви? (Ару кожф)
- А штоба улель ару кожф, перьфпяле мазыши эряви ванфтомс природась, вирсь.
- Шабат, а тинь содасасть, конашкава парсна сянгяря шуфтотнень? (Шуфттне ноляйхть кислород, кона эряви ваймонь тарксемс мастор лангонь сембе эряйхненди, сяс тейнек эряви сянгярьгофнемс эряма вастоньке, озафнемс шуфтонят.)
- Къда кажнайсь эздонк озафты аньцек фкя шуфтоня, марстонь вийса кеподихть целай вирьхть. Перьфпяльдень мазышить ванфтомац ащи аньцек эсь эздонк и аф эрявихть керсемс шуфтонятнень.
- И сяльде эвондасть заповедникт. Шабат, тинь содасасть мезе тяфтама заповедниксь? ( Заповедниксь – тя природань тяфтама территория, коса ломанти мезевок нельзя тиемс аф охотничамс, аф панкт, ягодат кочкамс, аф калонь кунцема, аф строямс.)
- Заповедникнень эса ванфтовихть юмай животнайхне и растениятне. Заповедник ули минь республикасонк – тя Волжско – Камскяй заповедниксь.
- Шабат, а тинь содасасть, што минь вирьхне, конат касыхть веленеконь эзда аф ичкозе – синь охраняемайт. Вирть крайса ули знак, што нельзе ляцнемс животнайхть, сязендемс Якстерь книгас тяштьф касыкснень.
- Тяфта жа ули Республика Мордовияса заповедник П.Г. Смидовичень лемса, кона ащи Темников сире ошть маласа. И тя заповедникть колга минь морафтсаськ Михаил Келинонь азксонц «Заповедникса».
3. «Заповедникса» М. Келинонь азксонц морафтомась.
Шабатне мельга мельцек морафтсазь азксть.
Физкультминуткась
III. Содамошинь кемокстамась.
- А тяни, шабат, минь тутама мархтонт аф оцю экскурсияс и ванцаськ мезе тинь кармаде содама заповедникть колга.
1-це станциясь.
Тяса азондсаськ кодама шуфтт касыхть заповедникса? Мезенди эрявкшни пичесь, тумось?
- Заповедникса лама и лия шуфтта, лекарственнай тишеда, иможда, панчфта, панкта, лакштормарьда и стак тов.
2-це станциясь.
- Кодама нармонень колга корхтави тя азксса? Кодама синь асу кандыхть вирти, ломанти. Кодама азкст морафнеде ня нармоттнень колга?
3-це станциясь.
- Мезе корхтави животнайхнень колга? Кодама животнайхть васьфневихть заповедникса? Мезе содатада интереснай ня животнайхнень эряфснон эзда? Кодама произведеният, азкст, ёфкст морафнеде животнайхнень колга?
4-це станциясь.
-Сембе ня касыксне, нармоттне, животнайхне васьфневихть вирьса-заповедникса. Но вирть ули пяк пелькс и кяжи врагоц – тя толсь. А вирень пожархне эряйхть пъцтай фалу кинь эзда?
- Конечна жа ломанть. Сяс вирьса эряви маштомс прянь вятема, ванфтомс сонь кальдявть эзда.
- Шабат, кода эряви вятемс пряцень вирьса?
5-це станциясь.
- Шабат, ваность мъзярошка пичемарьхть пяярьхть пичеть алу. А ня пичемарьхне аф простойхть. Синь содама ёфкс мархтот. Если минь содасасть содама ёфкснень, то лисьтяма тя вирть – заповедникть эзда и пачкоттяма меки класс.
1. Улесь пани акшеть мельгя,
Акшеть сиволенц пяк кельги. (върьгаз и нумол).
2. Вирьста инжикс моли вели,
Ёрай пови нешкопери. (офта).
3. Шить сон уды шуфта пряса,
Веть сон лиенди, прянц трясы. (корож).
4. Пизоц эряй ундоняса.
Или рашку шуфта пряса.
Куз видьмоса, пангса, пяштьса,
Тумонь церяса прянц трясы.
Орняц тялонда сонь уле,
Кизось сай – тюжя прок сули.
Шуфста шуфтс пря ёряй вяри,
Аньцек паргу пулоц тяри. (Ур)
5. Виде столбакс вирьса касан,
Тараткяне аньцек прясон.
Тялондавок пижет марнек,
Ярхцамс аф молихть монь марьне. (пиче).
6. Вирьса якай салава
Шеер варять малава,
Ули тёжянь эсконяц,
Сяс и сон аф сяськови. (сеель).
7. Кизонда сонь уле ронгоц.
Тялось сась и акшемсь ороц (нумол).
8. Сонць катошка,
Ёжушиц латошка.
Коза учема арась –
Ванфтт пря, сараз. (келазь)
6-це станциясь.
Морафтсаськ учебникста «Содасак ли тон» заповедниконь фкя интереснай нармонь колга.
- Вирть пяк оцю смузец ломанть эряфса. Сонь эряви ванфтомс. Эряви арьсемс аф аньцек тя шить колга, но и вандыень и сяда товонь шитнень колга. Эряви мяляфтомс, што вирсь эряви аф аньцек тейнек, но и сай ломаттненди.
- Уроксь аделавсь. Няемозонк!
Рабочие листы
к вашим урокам
Скачать
Штоба ломанць улель шумбра тейнза эряви ару кожф. А штоба улель ару кожф, перьфпяле мазыши эряви ванфтомс природась, вирсь. Шуфттне ноляйхть кислород, кона эряви ваймонь тарксемс мастор лангонь сембе эряйхненди, сяс тейнек эряви сянгярьгофнемс эряма вастоньке, озафнемс шуфтонят. Къда кажнайсь эздонк озафты аньцек фкя шуфтоня, марстонь вийса кеподихть целай вирьхть. Перьфпяльдень мазышить ванфтомац ащи аньцек эсь эздонк и аф эрявихть керсемс шуфтонятнень. Республика Мордовияса ули заповедник П.Г. Смидовичень лемса, кона ащи Темников сире ошть маласа. И тя заповедникть колга Михаил Келинонь азксонц «Заповедникса».
6 655 172 материала в базе
Настоящий материал опубликован пользователем Абраконова Галина Васильевна. Инфоурок является информационным посредником и предоставляет пользователям возможность размещать на сайте методические материалы. Всю ответственность за опубликованные материалы, содержащиеся в них сведения, а также за соблюдение авторских прав несут пользователи, загрузившие материал на сайт
Если Вы считаете, что материал нарушает авторские права либо по каким-то другим причинам должен быть удален с сайта, Вы можете оставить жалобу на материал.
Удалить материал
Ваша скидка на курсы
40%
Курс профессиональной переподготовки
300/600 ч.
Курс профессиональной переподготовки
300/600 ч.
Курс повышения квалификации
72/180 ч.
Мини-курс
4 ч.
Мини-курс
6 ч.
Оставьте свой комментарий
Авторизуйтесь, чтобы задавать вопросы.