Ақтөбе облысы, Хромтау ауданы
Аққұдық орта мектебінің
5-6 класс жетекшісі
Сагидуллина Даригуль Саиновна.
Тақырыбы:
«Ұлы жеңіс - жасасын!»
Мақсаты: Балаларға адамгершілікке, Отанын сүюге, оны қорғауға баулу.
Отанға деген сүйіспеншілігін арттыру. Оларға патриоттық тәрбие беру. Балаларды
Ұлы Отан соғысымен, қазақстандықтардың ерлік істерімен таныстырып, ой - өрісін
дамыту. Балаларды үлкен адамдарды сыйлай білуге, оларды қадірлеуге тәрбиелеу.
Көрнекілігі: Ұлы Отан соғысы туралы кітаптар, гүлдер, шарлар,
батырлардың суреттері, Ұлы Отан соғыс кезіндегі техникалар.
Өтілу барысы: Топ ішін безендіру. Музыка ойнап тұрады.
«Әнұран»
Мұғалім:Ұмытылмайтын, ескермейтін тарихи оқиғалар болады. Соның бәрі әлемді дүр
сілкіндірген екінші дүниежүзілік соғыстың қасіреті мен Ұлы Жеңістің қасиетің
батыр ағаларымыз бен апаларымыздың ерлігін ешкім де ешқашан ұмытпақ емес.
Әлемді дүр сілкіндірген оқиға 1941жылы маусымның 22 - де болған еді. Бірақ сол
кездегі Кеңес елінің бірлігі мен достығының арқасында 1945 жылы 9 - мамырда
бұға Ұлы Жеңіспен аяқталды. Міне, содан бері 70 жылдай мерзім уақыт өтті.
Үнтаспадан тыңдау: Тыңдаңыздар, тыңдаңыздар! 1941 жылы 22 - маусымда таң
шапағы жаңа ғана арайланып келе жатқан кезде елімізге қауіп төнді. Халқымыз
адам айтқысыз қиын - қыстау кезеңге душар болды. Фашистік Германия елімізге
опасыздықпен басып кірді.
Мұғалім: Соғыстың алғашқы күндерінен бастап - ақ Кеңес халқы жан тәнімен
Отанын қорғады. Әрбір ауыл, әрбір қала үшін кескілескен ұрыс болды. Қанішер
неміс басқыншыларымен Кеңес азаматтары аянбай шайқасты.
Айнұр:
Соғыс
жалмап аға - іні бауырды,
Зар жылатты тыныш жатқан ауылды.
Жалғызынан айырыпты ананы,
Әкесінен айырыпты баланы.
Мұғалім: Осы соғыста Кеңес одағының басқа республикаларымен бірге біздің
Қазақстан Республикасы да жан аямай шайқасты. Даңқты қарулы күштердің және
еңбек армиясының құрамында 1 млн 870 мың қазақстандықтар болған.
Ат ауыздығымен су ішкен, ер етегімен су кешкен сұрапыл соғыста ерлермен бірге
қолдарына қару алып, Отанын қорғауға біздің батыр апаларымыз Шығыс жұлдыздары
Әлия Молдағұлова мен Мәншүк Маметова ерлік көрсетіп, батырлықпен қаза тапты.
- Иә, кеудесін оққа төсеген қазақтың қарапайым қызы Мәншүк қас дұшпанынан елін
қорғаған еді.
Мұғалім:
Біздің қазақстандықтар Мәскеу,Ленинград,Сталинград үшін щайқаста ерлік
көрсеткен. /Сол батырлар туралы слайдтан көрсету/
-Батырлар
туралы тақпақтарды кім біледі?
Аружан:
Әлияны бұл күнде
Барлық бала біледі
Әлия атты көңілде
Әпкеміз деп жүреді.
Аты аңыз, жыр қылып,
Елдің батыр түлегі.
Әр жүректе тұр күліп,
Әлия атты батыр қыз.
Радина:
Мәншүк апай батыр қыз
Ардақтаймыз атын біз!
Ұқсап Мәншүк апайға
Өсіп келе жатырмыз!
Мади:
Қайтпаған жауыннан
Қаһарман Бауыржан
Қан ішер фашисті
Қырды ол мыңдаған.
Ерлігі әрқашан
Есімде сақталады
Ұрпағы ұмытпайды.
Өмірінен үлгі алады.
- Иә, сұрапыл соғыс ешкімді аямады. Ана жарынан айырылды, бала әкесінен
айырылды. Бірақ үміт оты еш өшкен жоқ. Бала әкесін күте берді, күте берді.
«Батыр бала Болатбек» әні орындалады.
Сахналық көрініс: «В землянке» әнін бейнелеу.
Мұғалім:1945 жылы 2 мамырда Берлин қаласы алынды, Рейхстаг
қабырғасына алғашқы болып ту тіккен Рақымжан Қошқарбаев.
Данияр:
Жеңіс келді далама,
Жеңіс келді қалама,
Жеңіс келді әке боп
Елдегі көп балаға.
Дүние жүзі халқы бостандық алды. Халық Отан ұғымың терең сезіне түсті. Қаһарман
ерлік пен еңбек жеңіп шықты. Зұлымдық, басқыншылық тізе бүкті. Бірлік, ерлік,
халықтар достығы нығая түсті.
Мұғалім:
Арылтып жаудан жерінді
Табанға жаншып өлімді
Жеңіспен желпіп өмірді
Оралды ерлер көңілді
Десеңдер бұл қай күні
Тоғызыншы мамыр күні!
- Балалар, жеңіс туралы тақпақтар айтайық.
Даулет:
Жеңіс келді ән болып,
Келді ауылға сән көрік
Жеңіс келді алақай,
Ұмытылмас мәңгілік.
Айжан:
Жүйрік озар әйгілі
Күні бүгін бәйгенің
Ура, Ура балалар!
Тоғызыншы май бүгін.
Аружан:
Жеңіс деген жақсылықтың сыңары,
Жігер менен құштарлықтың құралы.
Күрескердің арманы мен ұраны,
Қуаныш пен мерекенің бұлағы.
Дариға:Ұлы Отан соғысына қатысқан:
Бауыржан Момышұлы, Мәншүк Маметова, Әлия Молдағұлова, Мәлік Ғабдуллин, Талғат
Бигелдинов т. б. өз жерлестеріміз: Суюнгарин Келдібай, Суюнгарина Жаңыл,Алишев
Тұлғабай, Давлеталин Әмірбек т.б...
Ол кісілерге құрметпен бас иеміз. Ал осы бейбіт өмірге жете
алмаған, ерлікпен қаза тапқан ағаларымыз бен апаларымыздың рухына бас иіп, еске
алайық. 1 минут еске алу. (әуен ойнайды.)
Айнұр:
Соғыс жылдарында айырықша көзге түскен ақындардың бірі – Нұрсұлтан Жұбатұлы.
Ауылда мұғалім болып істейтін сауатты кісі болған. Оның майдан даласынан
оралмай қалған батырдың бірі Ү.Түктібаевтың анасы Наурызбикеге арнап жазған
«Майданнан хат» және анасының атынан жауынгер ұлына арнап жазған «Майданға хат»
атты толғаулары осы күнге дейін ел есінде. Енді осы толғауларды тыңдап көрейік.
Оқушы домбырамен орындайды:
«Майданнан хат» (үзінді):
Хат жазамын майданнан,
Мейірімшіл ғазиз-анама
«Жақыным-жарым» дегенмен,
Анаңдай жақын бола ма?
Көңілінде тілек, көзде жас,
Екі қолың жағаңда.
Қасірет шегіп, қан жұтып,
Сарғайдың ба санаға?
Сағынған соң мен ойлап,
жүрегің оттай жана ма?
Ет бауырың елжіреп,
Қайғыра берме балаңа.
Сабырдың суын бере көр,
Жаныңдаға жараңа.
Ажалсыз адам өлмейді.
Мезгілсіз шөлмек сына ма?
Ердің басы ел үшін,
Арыма жаным садаға.
Бұлт жамылып қар төсеп,
Мен жатырмын далада.
«Майданға хат» (үзінді):
Құлыншағым аман ба?
Қолыма тиді сенен хат.
Хабарыңды есітіп,
Қуанып қалды ғаламат.
Күніге тоқсан тілеймін,
Құлыным кел деп саламат.
Жүрегім – жалын, ішім у,
Жанымда ауыр жарақат.
Суретің келді хатыңда,
Шекпен киген жалаңқат.
Ерге лайық бес қару,
Асыныпсың автомат.
Суретіңе қарасам,
Емшегім иіп, сүт тамад.
Көзімнің жасы төгіліп,
Ұйқыдан кетті рахат.
Отаның үшін қарағым,
Арың қымбат жаныңнан.
Бөбектерің аман-сау,
Ас жейді әзір қолымнан.
Ербеңдеген ермегім,
Тастамаймын қолымнан.
Лақ-қозы қайырсам,
Қалмайды сүйем соңымнан.
Жағдайсыз емес келінім,
Оны да көрем бағымнан.
Қайырмайды тілімді,
Жібектей майда жамылған.
Көңілімде алаң жоқ,
Жаны сүйген жарынан.
Уһілеп кейде демалып,
Шығады түтін жалыннан.
Хабарыңды жиі жаз.
Өтпесін көп күн арадан.
Талқандап жауды аман қайт,
Бұлт серпіліп көгімде.
Жазылсын жүрек жарадан!
«Әрқашан күн сөнбесін» әні үш тілде орындалады.
Мұғалім: Ел алдындағы борыштарын өтеп,
еліміздің амандығын, жеріміздің тұтастығын қорғап қалған ерлерге тағзым етеміз.
Олар еліміздің жарқын болашағын, жас ұрпақтың өмірін, халықтың бақыты мен
қуанышын сақтап қалды. Ардагерлер ерліктері арқасында біз осы күнге жеттік.
Біздің өз қалауымызбен еркін өмір сүріп, мектепте алаңсыз білім алып
жатқанымыз, шаттана күлгеніміз, жайраңдап күлгеніміз - бәрі де сол Ұлы Отан
соғысы Жеңісінің жемісі. Әрине, соғыс болмасын! Біздер соғысқа қатысып батыр
болмайық. Біз бейбіт күннің батырлары болуға тырысайық. Ел үшін аянбай еңбек
етіп, білім алып, өз жеріміздің патриоттары болуға мүмкіндіктер бар.
Мұғалім: Балалар, біздің шекараны кім
қорғайды? (солдаттар)
Ақтоты:
Шекарада солдат тұр.
Ел бақытын қорғап тұр.
Көңілденсін ағалар,
Амандық хат жолдап тұр.
Ән: «Атамекен»
Аружан:
Елге қауіп төнбесін,
Егестен адам өлмесін!
Есен – аман болайық,
Енді соғыс болмасын!
Өртенбесін туған ел!
Шайқалмасын асқар бел!
Шайқалмасын шалқар көл!
Айнұр:
Жасасын Жеңіс!
Бақытты елім күле бер!
Тәуелсіз болып болашағына жүре бер!
Болмасын соғыс!
Болмасын соғыс!
Болмасын!
Осы тілекпен барша халайық түрегел!
Ж. Нәжімеденовтың «Бейбіт күн тілегі» әні
орындалады:
Жойылсын жалғыз сөз соғыс деген,
Оқ даусы мәңгілік жойылсын.
Бомбаның орнын тегістеген,
Күректер музейге қойылсын.
Қайырмасы:
Кел, достарым, ән бастадым.
Көтеріп жаңғырық!
Данасын дала, баласын ана,
Жоқтамасын мәңгілік!
Көктесін жас ағаш одан әрі,
Өткен күн қайтадан жанбайды.
Сұлудың кестелі орамалы,
Сүртсін, тек тершіген маңдайды.
Қайырмасы:
Қайғыны білмесін ана жаны,
Қазіргі адамда арман сол.
Әлемнің бар сәби балалары,
Оянсын ұйқысы қанған соң.
Қайырмасы.
Мұғалім:
Осымен Ұлы Жеңістің 69 жылдығына арналған
«Ұлы жеңіс – жасасын!» атты тәрбие сағатымыз аяқталды.
Оставьте свой комментарий
Авторизуйтесь, чтобы задавать вопросы.