№37
орта мектептің қазақ тілі мен әдебиеті пәнінің мұғалімі, 5 сынып жетекшісі
Ділдабекова Л.
Сыныптан тыс жұмыс
«Елі сүйген, елін сүйген Елбасы»
Мақсаты: 1.қазақ халқының
тұңғыш президенті Нұрсұлтан Әбішұлы
Назарбаевтың өмір жолы,туып-өскен,оқып білім
алған ,қызмет
еткен жерлері туралы мағлұмат беру;
2.елбасының өмір жолынан үлгі ала отырып Отанын ,халқын
сүюге, ержүректілікке,азаматтыққа, патриоттық сезімге
тәрбиелеу;
3.шәкірт
жүрегінде елбасына деген сүйіспеншілік сезімін
ояту,құрметтеу.
Көрнекілігі: слайдтар көрсету, үнтаспа, шарлар, суреттер, буклет,қабырға
газеттері, көрініс жабдықтары: бесік, қазақи бұйымдар, т.б.
1 – жүргізуші: Армысыздар ұстаздар мен оқушылар! 1 – желтоқсан
Қазақстан Республикасының Тұңғыш Президент күніне арналған салтанатты кеш ашық
деп жариялауға рұқсат етіңіздер! (Гимн)
Көрініс. Мазмұны:
Елбасымыздың дүние есігін ашқан уақыты. Ауыл іші той- думан. Ауыл адамдары
жиналып құтты болсын айтып, сәбиге азан шақырып ат қоюға жиналады. Ақ жаулықты
әжесі- Мырзабала немересіне ерекше етіп екі есім береді. Ол,әрине, Нұрсұлтан
еді.
2 – жүргізуші: «Қазақстан
Президенті Нұрсұлтан Назарбаев халықтың өз ішінен шықты» дегенде, мұны
поэтикалық - асқақ мәнде де, тура мағынасында да түсінген абзал. Нұрсұлтан
Назарбаев қарапайым ауыл отбасында туып - өсті. Оның балалық шағы ауыртпалығы
мол соғыс және соғыстан соңғы жылдармен тұстас келді. Ел алапат соғыстан кейін
қайта еңсе тіктеп жатқан еді, ең қажетті нәрселер жетіспеді, адамдар үнемі
ашқұрсақ болатын.
1 – жүргізуші: Жас
Назарбаев соның бәрін басынан өткеріп, бәрін жеңе білді, өте жақсы білім алып,
«от - жалынды» мамандықты игеріп, азамат қатарына қосылды. Елмен жұмыс
жүргізетін басшылық қызметтерге сатылап жоғарылады. Тәуелсіз Қазақстанның
Тұңғыш Президенті болды.
2 – жүргізуші: Сондықтан
Нұрсұлтан Назарбаевты тек «халық арасынан шықты» деп айту аз. Ол халықтың өз
қанынан жаралған бір бөлшегі болатын және солай болып қала береді, сонымен
қатар ол бұрын - соңды қазақ жерінде туған ең дара ұлдарының бірі екені сөзсіз.
Халықпен осынау тұрақты, айнымас рухани және
тікелей байланыс көп жағдайда оның бүкіл ғұмырының бағыты мен мұрат - мақсатын
айқындап берді.
1 – жүргізуші: Халықтың осындай қуатты қолдауы мен сенімі арқасында
Президент Қазақстанды дамыған экономикасы, әлеуметтік кепілдіктері және
қоғамдағы тұрақтылығы бар озық көшбасшы мемлекеттер қатарына шығара отырып, өз
идеялары мен бастамаларын табысты жүзеге асырып келеді.
2-жүргізуші:Нұрсұлтан
Назарбаев үнемі «ел тамырының бүлкілін»тап басып танып отырады.Қазақстанның
бірде-бір өңірін,бірде-бір ірі кәсіпорнын назарынан тыс
қалдырмайды,республиканың барлық түйіткі мәселелері туралы біледі.
1 – жүргізуші:
Ән мен күйді төгілтіп,
Інжу – маржан шашайық.
Қонақтарды таңдантып,
Өнерден күмбез жасайық.
Ортада «____________________» әні орындайтын _____________________________________________________________
1 – жүргізуші:
Бірде
шырқап, бірде төмен құлаған,
Өмір жолы болған қиын бұралаң.
Қазағымды жарқын жолға бастады
Елбасы боп сайланды да Нұр ағам.
2 – жүргізуші:
Естімейік енді елдің жылағанын,
Қайта құлап, бостандық сұрағанын.
Абылайдың жолымен алға басқан,
Құт болсын «нұрлы жолы » Нұр ағаның.
Құрметті
ұстаздар мен оқушылар Елбасымыздың лауазымдары
жайлы толық мәлімет алу үшін кезекті мектеп оқушылары дайындаған шағын көрініске берейік. Ортада Аманкелді
Анель және Көшербай Диана.
1-оқушы.
Ел
басқарған Нұрсұлтандай ағам бар,
Көк алқапты жасыл жайлау далам бар.
Ел бірлігін, ел тірлігін тілеген,
Ақ ниетті халық деген данам бар.
2-оқушы.
«Елбасына»
Ауыр
күнді артымызға тастауы –
Қиын сәтте қиындықтан қашпауы.
Тілім,дінім, ұлтым қайта көгерген,
Елбасымыз Нұрағаңның бастауы
Туды ұстап тура жолға түсіріп,
Жас Отанның өмірін де түсініп,
«Елім,жерім» деп ұрандап тайсалмай,
Бір керемет жасады-ау кісілік!
3-оқушы.
Елбасымыз саған мәңгі разымыз,
Үлкен-кіші, ағайындар – бәріміз.
«Ұлтым,елім» деп қайғырған ұлы жан,
Сіз біздердің піріміз де, әніміз.
4-оқушы.
Биіктей
бер, Нұр аға,
Қыран қанат талмасын.
Қадірлемей тұра ма,
Халық сіздей тұлғасын.
5- оқушы.
Гүлдене бер, Отаным,
Көтерген туын Нұр ағам!
Көбейткен достың қатарын,
Нұр аға – біздің ұлы адам.
6-оқушы
Халқым
айтқан жер көтерер ер даңқын,
Елім
айтқан ел көтерер жер даңқын.
Президентім,елбасы,аман
болғай,
Мәңгі
жаса,жас қазағым,өр халқым!
1 – жүргізуші:
Қазақстандықтар өз Отаны мен өз Президентін
мақтан тұтады. Қазақстан азаматы болу — зор абырой және биік мәртебе. Сондықтан
Отанымызды қастер тұтып, Тәуелсіз Қазақстанның Тұңғыш Президенті — Негіз
қалаушы, Реформатор және Жасампаз ретінде Отанымыздың және әлемнің тарихына
енген Елбасымызға сенім арту — әрқайсымыздың азаматтық парызымыз.
2 – жүргізуші: Қазақ халқы
әр қашан салт- дәстүрін сақтап, ырым- тиымдарды қатаң ұстанған халық. Сондай
ырымдардың бірі- дүние есігін ашқан сәбиге беделді, абыройлы тұлғалардың
есімін қою. Болашақта сол кісілердей болсын деп, баласына сенім артады. Қазіргі
таңда Елбасымыздың есімімен аттас ұл балалардың саны біршама. Бұл, әрине,
халқының қамын ойлайтын, еліне абыройлы президентіміздей болсын деген ырым
болар. Елбасымыздың есімімен аттас жас буындар біздің мектебімізде де
баршылық. Жас Нұрсұлтандарды бүгінгі мерекемен құттықтай отырып, сөз кезегін
Елбасымызбен аттас жас өренге берейік, достар.
1 – жүргізуші:
Біздің Қазақстан
Анамыздай тілеуі ақ.
Отан бізге біреу – ақ
Ол – біздің Қазақстан!
Жастан сүйе аңсаған
Тәтті күй мен кәусар ән дей келе ендігі
кезекті әнге берейік. «Көк тудың желбірегені» әнімен ортаға ___________________________________
қошеметтеп шақырайық, достар!
2 – жүргізуші:
Нұрсұлтан Назарбаевтың: «Біз тәуелсіздікке аңсап, зарығып,
жеттік. Енді сол тәуелсіздіктің қасиетті белгілерін де, ерекше қадірлеуіміз,
қастерлеуіміз керек» - деген сөзін әрбір азамат жүрегінің терең түрпіріне
сақтап, қашанда жадында ұстау керек. Бұл баршамыздың туған ел алдындағы
перзенттік борышымыз.
Тәуелсіздігіміз тұғырлы, еліміз еңселі болғай!
Ту тігілді халқымның бүгін бағына,
Жас өрендер, желбіретіп, нық ұста!
Ғасырларға жалғастырып елдікті,
Дақ түсірме ата – баба рухына.
Үлгі бізге аталардың ерлігі,
Ұлағаты, өнегесі, еңбегі.
Тәуелсіздік туын ұстап жоғары,
Бүгінгі ұрпақ – болар елдің ертеңі.
1 – жүргізуші:
Тұңғыш Президент күні баршаңызға құтты болсын! Тәуелсіздік
туы әрдайым биікте желбірей бергей! Осымен салтанатты кешіміз өз соңына да
жетті.Уақыттарыңызды бөліп, тамашалауға келгендеріңізге көптен- көп рахмет!
2 – жүргізуші:
Демеңіз біз өнерді аяп қалды,
Мезгілде біраз жерге таяп қалды.
Қош,болып тұрыңыздар,көріскенше,
Осымен іс-шарамыз аяқталды.
Оставьте свой комментарий
Авторизуйтесь, чтобы задавать вопросы.