Главная / Другое / Денің сау болсын десең

Денің сау болсын десең

Өзiн-өзi тану сабағының жоспары

Мектеп: № 47 ЖОББМ Мерзiм: ақпан № 22 сабақ

Тақырып: «Денің сау болсын десең» (1-сағат)

Құндылық: дұрыс әрекет

Қасиеттер: мейірімділік, сүйіспеншілік,қамқорлық, сақтық

Мұғалiм: Рахматуллина Г.А Сынып 6

Сабақ мақсаты:Оқушыларға жан саулығының тән саулығына әсері туралы түсінік беру.

Міндеттері:

-оқушыларға адам денсаулығына ой тазалығы мен таза ниеттің әсері туралы түсінік беру;

- оқушылардың жағымды ойлай білу қабілеттерін дамытуға ықпал ету;

-өзіне және өзгеге адал болуға тәрбиелеу;

Ресурстар:(құралдар, мәлiметтер)

Сабақ барысы:

Ұйымдастыру кезеңi.

Оқушылармен амандасып, «Өзін- өзі тану» сабағының ережесін «5-Т» қайталап, сабаққа қатысқандары үшін әр балаға 20 ұпайдан беремін

.Оқушылардың оқу құралдарын «5 затты» тексеріп, ұпайларын түгендейміз.

Тыныштық сәті

Нұрға бөлену

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады. Рахмет.

Үй тапсырмасын тексеру

Адам Дж.Джексонның «Денсаулықтың он құпиясы» әңгімесі

Сұрақтар:

  • Денсаулықтың құпиясын іздеудің мәні неде?

  • Денсаулықты ақыл – оймен байланыстырудың себебі неде?

Денсаулықтың бесінші құпиясын қалай түсінесіңдер?

Сабақ барысын талдау

Дәйексөз.

«Сау дене, азат ақыл, адал көңіл – үшеуімен болады бақытты өмір...»

Әйтеке би

-Дәйексөздің мағынасын қалай түсінесіңдер?


Әңгiмелеу (мұғалімнің сыйы)

Қартайдық, қайғы ойладық, ұйқы сергек

Абай

Қартайдық, қайғы ойладық, ұйқы сергек,

Ашуың – ашыған у, ойың – кермек.

Мұңдасарға кісі жоқ сөзді ұғарлық,

Кім көңілді көтеріп, болады ермек?

Жас қартаймақ, жоқ тумақ, туған өлмек,

Тағдыр жоқ өткен өмір қайта келмек.

Басқан із, көрген қызық артта қалмақ,

Бір құдайдан басқаның бәрі өзгермек.

Сырттансынбақ, қусынбақ, өршілденбек,

Сыбырменен топ жасап бөлек – бөлек.

Арамдықпен бар ма екен жаннан аспақ,

Өзімен - өзі бір күн болмай ма әлек?

Қолдан келе бере ме жұрт меңгермек,

Адалдық, адамдықты кім теңгермек?

Мақтан үшін қайратсыз болыс болмақ,

Иттей қор боп, өзіне сөз келтірмек.

Сұрақтар:

-Ақын өлеңде не айтқысы келген?


Шығармашылық жұмыс

Нақыл сөзді пайдаланып ой – толғау жазу


Топпен ән айту.

Әрқашан күн сөнбесін

Сөзі: Л.Ошанин

Әні: А.Островский

Аударғандар: І.Мәмбетов, Қ.Ыдырысов

Күн әдемі, күн әлемі,

Бұл – суреті жас баланың.

Ақ қағазға салған ізі,

Қалдырған бұл сөзі:

Қайырмасы:

Әрқашан күн сөнбесін!

Аспаннан бұлт төнбесін!

Қасымда болсын мамам,

Болайын мен де аман.


Үй тапсырмасы.

«Зиянды әдеттер» әңгімесін оқу


Соңғы тыныштық сәтi.

Баяу әуен қойылады. Оқушылар денесін, басын тік ұстап, көзін жұмып отырады.

Мұғалім жәй дауыспен:

- Әрқайсымыз оң қолымызбен жүрегімізді ұстап көрейік. Өз жүрегіміздің жылылығын сезініп, жүрек жылуымызды адамдарға, айналамызға жеткізу үшін іштей оларға жақсы тілектер тілейік. Жақсы ой ойлайық, жақсы сөз сөйлейік, жақсы іс жасайық! Бүгінгі сабақтан алған әсерлеріңізді жүректеріңізге түйіп алыңыздар. Рахмет! Көздеріңді ашуға болады.




Денің сау болсын десең
  • Другое
Описание:

Сабақ тынышытқы сәтінен басталады. Үй тапсырмасы ретінде Адам Дж.Джексонның «Денсаулықтың он құпиясы» әңгімесі бойынша сұрақтар қойылады. Сабақ соңғы тыныштық сәтімен аяқталады.Әйтеке бидің «Сау дене, азат ақыл, адал көңіл – үшеуімен болады бақытты өмір...» сөзі дәйексөз ретінде қолданылады. Абайдың "Қартайдық, қайғы ойладық, ұйқы сергек" өлеңі ұсынылады.Шығармашылық жұмыс нақыл сөзді пайдаланып ой – толғау жазу. Топпен ән айту. Үйге тапсырма ретінде «Зиянды әдеттер» мәтіні тапсырылады.Соңғы тыныштық сәті орындалады.

Автор Рахматуллина Гульмира Адилжановна
Дата добавления 26.03.2016
Раздел Другое
Подраздел Планирования
Просмотров 263
Номер материала MA-065875
Скачать свидетельство о публикации

Оставьте свой комментарий:

Введите символы, которые изображены на картинке:

Получить новый код
* Обязательные для заполнения.


Комментарии:

↓ Показать еще коментарии ↓




Похожие материалы