Главная / Другое / «Біз тәуелсіз ел ұланы болашаққа үн қосқан»

«Біз тәуелсіз ел ұланы болашаққа үн қосқан»


«Біз тәуелсіз ел ұланы болашаққа үн қосқан» атты Республикалық бірыңғай «Жас Ұлан» балалар мен жасөспірімдер ұйымына оқушыларды қабылдау салтанатты жиынының маршруты


  1. Ашылуы-фанфар, жүргізушілер сөзі.

2. «Жас қыран» қатарына қабылданушы 86 оқушы шақырылады.

3 Ұланбасы сөзі жас ұлан ұйымының Туы кіргізіледі.

4. ҚР Әнұраны орындалады.

5. Ұланбасы Әріпхан Алихан сөзі.

6 . Сәлемдесу, 5Б сынып оқушылары шығады.

7. Аға-тәлімгерге рапорт тапсыру

8 «Жас Ұлан» ұйымына қабылданушылар ант береді.

9. Қонақтардың құттықтау сөзі және галстук төсбелгі тағу рәсімі.

10. Көшбасшы Даулеттің сөзі.

11. Жас ұландықтардың арнауы 7А сынып оқушылары.

12.«Жас Ұлан» ұйымының әнұраны.

13.Салтанатты шараның жабылуы.




























Түрі: жиын

Фонфар

Жүргізушілердің ортаға шығуы.

Марғұлан:

Армысыздар салтанатты жиынымыздың қонақтары және жас ұланшылар!

Нұрсауле:

Қайырлы күн ,қымбатты достар! Мектеп әкімшілігі! және ұстаздар!

«Біз тәуелсіз ел ұланы болашаққа үн қосқан» атты Республикалық бірыңғай «Жас Ұлан» балалар мен жасөспірімдер ұйымы қатарына қабылдау салтанатты жиынына қош келдіңіздер!

Марғұлан:

Тәуелсіздік-елдің ерен еңбегі,

Тәуелсіздік-барша ұлттың теңдігі.

Тәуелсіздік-байтақ елдің кеңдігі

Тәуелсіздік-еліміздің елдігі!

Дильназ:

Бүгінгі Қазақстан Республикасының Тәуелсіздігі күніне арналған, сондай-ақ жас азаматтарды еліміздің нағыз патриоттары, өзгерістерден қаймықпайтын, еңбекқұмар,білімге құштар, өзін-өзі жетілдіруге үнемі ұмтылатын, өршіл, қайсар етіп тәрбиелеуді, дәстүрімізді, ұлттық және жалпы адамзаттық құндылықтарымызды қастерлейтін рухани дүниесі кең тұлғаны қалыптастыруды көздейтін «Бірыңғай Жас Ұлан балалар мен жасөспірімдер ұйымы» Республикалық қоғамдық Бірлестігінің қатарына мектеп оқушыларын қабылдау рәсіміне арналған салтанатты жиынымызды ашық деп жариялаймыз!

Нұрсауле:

Жасұлан-жігерлі де жайдарлы ұйым

Төл мерекең жыл сайын тойлайды ұйым!

Жаңғырып, жанданатын жылдан-жылға

Жасұлан-жалынды ұйым, айбарлы ұйым.

Салтанатты жиынға қатысушылар! Бүгін мектебіміз үшін ерекше күн! Дәл бүгіндей «Жас Ұлан» бірыңғай балалар мен жасөспірімдер ұйымына қабылдануға арналған салтанатты шаралар республикамыздың түкпір-түкпірінде ұйымдастырылуда. Бүгін салтанатты түрде 2 сынып оқушыларын «Жас қыран» қатарына қабылдаймыз. Осындай атаулы күні мектеп оқушылары республикалық «Жас Ұлан» бірыңғай балалар мен жасөспірімдер ұйымына қабылдау салтанатты жиынына сап түзеді.









Марғұлан:

Ақ туымыз желбіреп

Биіктен көз тартады

Жас Ұлан ол ер жүрек

Болашақтың қорғаны

Нұрсауле:

Тамсандырған әнұраны ұйымның,

Сый секілді, бізге берген ғажап тым

Тектілігін кең әлемге танытып,

Жырымыз бұл, ән ғып салар азатпын.


Ұланбасы Алихан: Жас ұлан! Түзел! Тік тұр!

Жас Ұланның намысы мен бірлігінің символы, жас ұлан ұйымының туына қарап тіктел!


Ту ұстаушы:Тілектес Талғат

Ассистенттер: Қуандықова Нұржанар, Көлбай Айнель.


ҚР Әнұраны ойналады.


Марғұлан:

«Жас ұлан» ұйымы қанатын кеңге жаюда. Бүгінгі салтанатты жиында белсенді оқушыларымыздың қатары тағы бір мәрте көбеймек. Ұйым қатарына мектебіміздің 2 сынып оқушыларынан 98 оқушы қабылданады.


Алихан сөзі:

Елдің болашағын баянды ететін жастар. Олар әрқашанда қоғаммен біте қайнасып әр бала өзін сан алуан қырынан танытады. Сонымен қатар өзіндік орнымен ерекшеленеді. Алайда осы жастарды бір арнаға тоғыстырар бұлақ көзі болу қажет. Осы бір күні сол арна біздің қоғамда бар. Ел тәуелсіздігінің 20 жылдығы қарсаңында Елбасының тікелей жолдауымен Республикалық бірыңғай «Жас Ұлан» балалар мен жасөспірімдер ұйымы құрылған болатын. Біз бақытты жастар осылайша тәуелсіз Қазақстанда тұрып жатқанымызға бақыттымыз. Осы бір айтулы мереке қарсаңында бірыңғай балалар мен жасөспірімдер ұйымының құрылуы біздің патриоттық сезімімізді арттыра түспек.










Нұрсауле:

Құрметті қонақтар бүгінгі Елбасының тікелей бастамасымен құрылған

«Жас Ұлан» балалар ұйымы халықтар арасындағы, балалар арасындағы шынайы достықты, ынтымақты нығайтуда атсалысуда. Ендеше өздеріңізбен сәлемдесу үшін алдарыңызға жас ұландарды шақырамын.

( ортаға 5Б сынып оқушылары жас ұландар шығады)

Алихан: Жас Ұлан! Біздің ұранымыз:

«Уақыт босқа кетпесін, бірде-бір күн мейрімсіз өтпесін!»


Жас ұлан ұйымының шапалағы

Іскербай:

Жас Ұлан!

Жарқылдаңдар, күліңдер!

Бақытты өмір сүріңдер!

Бар жақсылық-Бейбітшілік, білімде

Ұлы Отанды ардақ тұтып жүріңдер


Іскербай:

Біз- жақсылыққа жақынбыз

Біз- батыр елдің ұрпағымыз

Біз –ұлағаттың ұланымыз

Біз-Тәуелсіз елдің қыранымыз

Болашақ біздің қолымызда!

Айым:

Бұл ұйым бізге не береді?

Хормен : Жаңа достар, асқақ арман, айқын бағыт

Жас Ұлан ұйымы бізді біріктіреді.

Жақсы істерге шақырады.

Өмірге бейімдейді,

Әлеуметтік қызметтерге араластырады.

Тұлға етіп қалыптастырады.

Армандарымызды іске асыруға көмектеседі,

Қоғамдағы кері әсерлерден қорғайды.

Сондықтан да Жас Ұлан ұйымы бізге қымбат.

Мағжан:

Жас ұландықтарды не біріктіреді?

Ортақ оймен әсем ән!

Отанға, атамекенге деген махаббат

Өмірді жақсатруға, мейірімділік жасауға, адамдарды бақытты етуге деген ұмтылыс. Бір-бірімізді тыңдап, түсіне білуді және бірге жұмыс жасауды үйренуге деген құштарлық, Білетінімізден артық білуге, қолымыздан келетін іс жасауға деген қажеттілік.




Гүлжайна:

Жас ұландықтарға не қымбат?

Ойларымен, қуаныш, қайғыларымен адам қымбат.

Әрбір адамның денсаулығы қымбат

Халықтар арасындағы бейбітшілік пен достық қымбат

Халықтың тағдыры мен мәдениеті қымбат.

Туған табиғатымыз қымбат.

Шаттық:

Біз кімге қамқорлық жасаймыз?

Бізден кіші және әлсіздерге

Қарттар мен жалғысбастыларға

Өз туғандарымыз бен жақындарымызға

Бір-бірімізге және қайғыға душар болғандарға.

Хормен:

Жас Ұланды ел танысын,

Көтерейік оң қолды!

Жас ұланда дос көбейсін

Көтерейік сол қолды.

Көрсін әлемі

Есітсін әлем

Өскелең елдің Жас ұланын!


Ұланбасы Алихан:

Топ басшылары бүгінгі «ЖасҰлан» балалар мен жасөспірімдер ұйымына қабылдау салтанатты жиынына дайындықтары туралы рапорт тапсыруға дайындал.

Рапорт мәтіні:

Аға тәлімгер 2А,2Б,2В,2Г сыныбының «Жас қыран» мүшелері бүгінгі Республикалық бірыңғай «Жас Ұлан» балалар мен жасөспірімдер ұйымына қабылдау салтанатты жиынына дайын!

Рапорт тапсырушы топ басшысы ____________________

Тәлімгер сөзі: рапорт қабылданды!

Барлық топ осылай рапорт тапсырып шығады.


Марғұлан:

Қымбатты қонақтар және «Жас қыран» мүшелері!

«Жас ұлан» ұйымына мүше болуға ынта білдірген оқушылардан салтанатты Ант қабылдау рәсімін бастаймыз!

Жас қыранның 1 мүшесі ант береді, қалғандары Ант етеміз, Ант етеміз, Ант етеміз 3 рет қайталайды.

Ұланбасы Алихан: Қабылдауға жас қырандар дайын!

Нұрсауле:

Құрметті салтанатты жиынға қатысушылар! Жас Ұлан ұйымына өтуге тілек білдіруші ұландарға галстук пен төсбелгі тағу құрметі және құттықтау сөз гимназия директоры Қуаныш Есқараұлына беріледі. Директордың тәрбие жұмысы жөніндегі орынбасарлары Қожалепесова Набат апайға және Жалимбетова Нургул апайға сөз беріледі.

Барлық қонақтар, ұстаздар, сынып жетекшілер сіздерді «Жас ұлан» ұйымына қабылданған оқушыларға галстук және төс белгілерін табыстау рәсіміне шақырамыз.

Марғұлан:

Ту тігілді халқымның бүгін бағына.

Жас өрендер желбіретіп нық ұста,

Ғасырларға жалғастырып елдікті.

Дақ түсірме ата-баба руғына,

Үлгі бізге аталардың ерлігі.

Ұлағатты өнегесі еңбегі,

Тәуелсіздік туын ұстап жоғары.

Бүгінгі ұрпақ болар елдің ертеңі,


Ұланбасы Алихан: «Жас қыран» ұйымының арнайы төс белгісін кеуделеріне алғаш болып тағушы ұландарымызды шын жүректен құттықтаймыз!

«Жас ұлан» ұйымының жаңа мүшелері өз бірлестіктеріңнің қатарына қосылсын!

Даулет:

Кең байтақ, көз жетпейтін жерім менің

Таулы орман, жасыл жайлау көлім менің

Бүгінде бар әлемге даңқың жетті

Тәуелсіз Қазақстан-елім менің!

Құрметті достар! «Жас ұландықтардың» басты мақсаты қажет нәрселердің бәрін үйрену, денсаулығы мықты және күшті болу, қиыншылыққа мойымауға тырысу. Біз Жас ұлан ұйымының мүшелері Республикамыздың өсіп өркендеуіне, көркейіп гүлденуіне ат салысып, үлес қосып, келе жатқан жастармыз!

Нұрсауле:

Барлық ұлтты бауырыңа басасың

Көкте туым желбіреген аса тым

Тарихымда өшпес дағы ізі бар.

Егеменді елім менің жасасын!

Марғұлан: Жас Ұлан!

Қатысушылар: Ел ертеңі!

Нұрсауле: Жас Ұлан!

Қатысушылар: Күн сәулесі!

Марғұлан: Жас Ұлан!

Қатысушылар: Жеңіс қанаты!




Ортаға жас ұландарымыз әдеби-монтажбен шығады.



Хормен:

Бір , екі – Жас Ұлан!
Екі, үште- Жас қыран!
Қанаттары талмасын,
Биіктерге самғасын,
Жас Ұланға сенде кел,
Еш оқушы қалмасын.
Жат қылықтан аулақ боп,
Түзу бұрсын арнасын,
Жас Қыранға қамқор боп,
Жас Ұландар қорғасын!

Даулет:

Біз Жас ұлан өнегеміз,

Ұл-қызына әлемнің

Бізден ізгі үлгі алады,

Балалары бар елдің!

Даулет:

Жас Ұлан, Жарқыра, Жалында

Ұмытылып тек алға адымда

Болашақ көшбасшы ұрпақпыз,

Жалғассын игі істер ғасырға!

Гауһар:

Жас ұлан өзгерпейді шешімін,

Жас ұлан өзгертпейді кесімін

Болашақтың туын ұстап қолыңа,

Нық қадам бас тәуелсіздік жолында!

Гауһар:

Мен елімнің ертеңімін-Жас ұлан,

Жаралғанмын қазақ деген асылдан!

Елім үшін, жерім үшін аянбай

Тұрғызамын асыл күмбез ғасырдан!

Береке;

Туған елім-Қазақстан Отаным,

Мақтанышпен таңды әркез атамын!

Тыныс алып ұлағатты саяңда,

Болашақтың жарқын үнін қатамын!

Береке:

Парызымыз-Ұлы Отанға адалдық,

Бойымызда бар өскіндік балалық

Барша жанға үлгі-өнеге боламыз,

Біз Жас ұлан адалдықтан жаралдық!





Ақнұр:

Айтылғандай біздерге жырда аңыз,

Өсиетінен тарихтың үлгі аламыз!

Сенім артқан қазағым ақ ниетпен

Ұлағатты Жас ұлан біз боламыз!

Ақнұр:

Егеменді еліміздің тірегі

Мектептің болашағы жігері

Достықпен татулық тілегі

«Жас Ұлан» ұйымының біз түлегі

(Бірге жас ұлан ұйымының шапалағы)


Жас Ұлан ұйымының әнұраны орындалады!


Ұланбасы Алихан:

ортаға ұланбасы шығады, барабан дробы ойнайды.

Жас ұлан! Түзел! Тік тұр!

Жас Ұланның намысы мен бірлігінің символы, жас ұлан ұйымының туына қарап тіктел!

Ту шығарылады.


Марғұлан:

Бүгінгі республикалық «Жас ұлан» ұйымына қабылдау салтанаты мектеп тарихында, ант қабылдаушылардың есінде мәңгі қалары анық. Тәуелсіздік туын қолда берік ұстау-баршамыздың абыройлы боршымыз. Тәуелсіздігіміз тұғырлы, егемендігіміз еңселі болсын.


Нұрсауле:

Салтанатты жиынға қатысушылар, құрметті қонақтар, «Жас ұландықтар»Патриоттық сезімге толы салтанатты жиынымыз өз мәресіне жетті, ендеше республикалық «Жас Ұлан» ұйымына қабылдау салтанатын жабық деп жариялаймыз!


Марғұлан Нұрсауле:

Бірге: Сау болыңыздар!










Түсініктеме хат



Мақсаты:

16 желтоқсан Қазақстан Республикасының Тәуелсіздігі күнінің маңыздылығын түсіндіру. Өскелең жас ұрпақтың бойында патриоттық, білім мен өзін-өзі жетілдіруге деген құштарлық, беріктік, Отан тарихына, Тәуелсіз Қазақстанның бүгіні мен болашағына деген жауапкершілікті қалыптастыру.

Міндеті:

Жауапкершілік пен еңбексүйгіштікті қалыптастыруға, көшбасшылық және ұйымдастырушылық қабілеттерін дамытуға бағытталған баланың жеке тұлғалық қасиеттерін дамыту.


Жүргізушілер:

  1. Атназар Марғұлан

  2. Нақып Нұрсауле

Қабылданатын оқушылар саны -86 оқушы (жас қыран)

Қатысатын оқушылар саны-14 оқушы (жас ұлан)


Өтілетін орны:

3-қабат, фойе ҚР Мемлекеттік рәміздерімен безендіріледі.

«Жас Ұлан» ұйымының таңбасы баннерге бейнеленіп ілінеді, өтетін орынға салтанатты әуен ойнатылады.

Уақыты: 21 желтоқсан сағ 16-00 де

Шақырылатын қонақтар: мектеп әкімшілігі, ұстаздар,қонақтар

Қабылданатын оқушылар: 2А,2Б, 2В, 2Г.
















Қызылорда облысы

Қазалы ауданы, Әйтеке би кенті

Б.К. Мергенбаев атындағы №226 гимназия

«Жас Ұлан» балалар мен жасөспірімдер ұйымы



hello_html_1aebcd60.gif



«Біз тәуелсіз ел ұланы, болашаққа үн қосқан»

«Жас Ұлан» балалар мен жасөспірімдер ұйымы қатарына

қабылдау салтанатты жиыны










Өткізген: Тәлімгер А.Маханова

«Жас ұлан» ұйымының мүшелері














21 желтоқсан 2015жыл



«Біз тәуелсіз ел ұланы болашаққа үн қосқан»
  • Другое
Описание:

«Біз тәуелсіз ел ұланы болашаққа үн қосқан» атты Республикалық бірыңғай «Жас Ұлан» балалар мен жасөспірімдер ұйымына оқушыларды қабылдау салтанатты жиынының маршруты

1. Ашылуы-фанфар, жүргізушілер сөзі.

2.«Жас қыран» қатарына қабылданушы 86 оқушы шақырылады.

3 Ұланбасы сөзі жас ұлан ұйымының Туы кіргізіледі.

4. ҚР Әнұраны орындалады.

5. Ұланбасы Әріпхан Алихан сөзі.

6 . Сәлемдесу, 5Б сынып оқушылары шығады.

7. Аға-тәлімгерге рапорт тапсыру

8 «Жас Ұлан» ұйымына қабылданушылар ант береді.

9.Қонақтардың құттықтау сөзі және галстук төсбелгі тағу рәсімі.

10. Көшбасшы Даулеттің сөзі.

11. Жас ұландықтардың арнауы 7А сынып оқушылары.

12.«Жас Ұлан» ұйымының әнұраны.

13.Салтанатты шараның жабылуы.

Автор Маханова Айгуль Куанткановна
Дата добавления 06.04.2016
Раздел Другое
Подраздел Планирования
Просмотров 324
Номер материала MA-066216
Скачать свидетельство о публикации

Оставьте свой комментарий:

Введите символы, которые изображены на картинке:

Получить новый код
* Обязательные для заполнения.


Комментарии:

↓ Показать еще коментарии ↓