Главная / Начальные классы / Бағдаршам-бастауыш сыныпқа арналған тәрбиелік шара

Бағдаршам-бастауыш сыныпқа арналған тәрбиелік шара

hello_html_368cb05e.gifhello_html_52c2f1e.gifhello_html_m2d8c257d.gifhello_html_37cb5fd1.gifhello_html_17e37523.gifhello_html_m2a84b424.gifhello_html_m31134595.gifТақырыбы: Бағдаршам
Сабақтың мақсаты: Оқушылардың көшеде жүру ережелерін меңгеру

дағдысын қалыптастыру және оны іс - жүзінде

пайдалана білуін жетілдіру. Жол және адам өмірінің

қауіпсіздігінің алдын алу, бағдаршам туралы жол

ережесінің маңызды екенін ұғындыру. Оқушыларды

өмірін сақтау үшін жол қауіпсіздігінің ережелерін

орындауды дамыту.
Сабақтың түрі: дәстүрлі

Әдістері: ой қозғау, топтастыру, Венн диаграммасы, тренинг, сұрақ-жауап,

көрнекілік

Көрнекілігі: мазмұнды және жеке суреттер, өлең, сөзжұмбақ.
І. Қызығушылықты ояту

1) Жұмбақ
* Жоқ өзінде бас та, ауызда да, құлақ та,
Бақырайған үш көзі бар бірақ та. (Бағдаршам)
* Өзі сөйлей білмейді,
Бірақ «Тоқта, жүр!» дейді. (Бағдаршам)
- Сонымен бүгінгі біздің тәрбие сағатымыздың тақырыбы «Бағдаршам».

2) Венн диаграммасы

-Балалар, бағдаршам туралы не білеміз?



БАҒДАРШАМ






(Балалар өз ойларын қағазға жазады)

Мұғалімнің түсіндірме әңгімесі:

-бағдаршам – жарықпен белгі беру арқылы көшедегі, автомобиль жолы мен темір жолдағы қозғалысты реттеуге арналған құрылғы. Ол белгі беру тәсіліне қарай түрлі түсті.

Бағдаршам – өмірімізді жазымнан сақтандыратын көмекшіміз.

Алғашқы бағдаршам типтес құрылғы 1868 жылы Лондон көшелерінде, үш түсті электрлік бағдаршам 1918 жылы Нью-Йоркте, 1930 жылы Мәскеуде орнатылған.
Ал енді жолда жүру ережелерін еске түсіріп алайық. Барлығымыз да назарларымызды тақтаға аударайық.

ІІ. Мағынаны тану
3)«Бағдаршам» ойыны

Балалар енді біз «Бағдаршам» ойынын ойнайық. Мен сендерге бағдаршам көздерінің атқаратын қызметтерін атап тұрамын, ал сіздер соған сәйкес бағдаршамның көзін көрсетіп отырасыңдар.
Көрініс:
1 - көрініс:

Бағдаршамның қызыл түсі жанды. Машина жүреді. Анасы баласын ертіп жолға келеді. Бала жолдан өтпек болады. Анасы тоқтатады.
- Балам, қызыл түсте өтуге болмайды. Жасыл түс жанғанша күту керек. Есіңде болсын!
- Енді есіме сақтаймын.
Жасыл түс жанғанша күтемін.
Бағдаршамның жасыл түсі жанады.
Баласы: Енді өтуге бола ма?
Анасы: Әрине, жасыл түс жанса, өтуге болады.
- Сонымен балалар
, осы көріністен қандай қорытынды жасадыңдар?
- Балалар өте жақсы, ал енді бағдаршамның көздері жайлы мәлімет тыңдайық. Бірақ мұқият болыңдар.
4) Өлең шумақтары:
Қызыл көзі.
Өзгертпейтін тұрағын,
Бір орында тұратын.
Қызыл шамы жанғанда,
Қадам баспа бір адым.
Бұл тоқтаудың белгісі,
Білу керек бар кісі.
Бас иеді тәртіпке,
Келмесе де көнгісі.
- Ал енді сендерге тапсырма, жаңа ғана қай түс жөнінде айтылды, солар сол түстің қасына барып тұра қалады.
Сары көзі.
Сары көзін жаққанда,
Өтемін деп мақтанба.
Бұл дайындық белгісі,
Кідіре тұр аттанба.
- Келесі қай көзі туралы айтылды сол балалар шығады.
Жасыл көзі.
Төксе жасыл шырағын,
Қауіптенбе, шырағым.
«Жолың ашық, өте бер»,
Жасап алға мың адым.
- Енді соңғы көзі туралы айтылған оқушылар қасына барып тұра қалыңдар. Өте жақсы балалар, барлықтарыңыз
да мұқият тыңдадыңыздар. Енді біз бәріміз ортаға шығып қалдық ендеше кішкене демалайық. Менің соңымнан қайталаймыз.

5) Сергіту сәті:
Бір көзім кідір дейді,
Бір көзім жүгір дейді.
Бір көзім абайла дейді,
Қарап ал маңайға дейді.
6) Суретпен жұмыс.
– Балалар, әрқайсыңыздың алдарыңызда бағдаршамның суреті жатыр.
Бірінші қатар «Дайындал!», екінші қатар «Жүр!», үшінші қатар «Тоқта!» көздерін бояп шығады. Болғандарымыз суреттеріңді көтеріп қойыңдар.
- Өте жақсы, балалар. Бүгін біз сендермен бағдаршам туралы көп мәлімет алдық, солай емес пе? Ендеше қазір біз сендермен апасы мен сіңлісінің әңгімесін тыңдайықшы.
2 - көрініс: (апасы мен оқушыны шығару)
- Апа, апа, неге жолдарда бағдаршамдар тұрады?
- Егер бағдаршам болмаса, онда көліктер апаты жиі болып тұрар еді және адамдардың өміріне де қауіпті болар еді.
- Түсінікті, ал егер бағдаршам болмаса ше? Онда біз қалай жолдан өтеміз?
- Ол орынды сұрақ. Бағдаршам жоқ жерде жаяу адамдар өтпесінен өтуге болады.
- Түсіндім, енді осы ережелерді әрқашан есте сақтап жүремін.
- Сонымен қандай ережелерді есте сақтау қажет?

(Балалардың жауабы)

7) тақпақтар

-Балалар, бағдаршам туралы кім қандай тақпақ, жұмбақ біледі? Үйге тапсырма берген болатынмын.
1-оқушы: Сөйлегенді білмейді,
Бірақ «тоқта, жүр»дейді.
Әйгілі үш сөзді,
Бір дәу тұр үш көзді.
Оған жас-кәріміз,
Бағындық бәріміз.

2-оқушы: Көреген дәу қырағы,
Көшемізде тұрады.
Ол бергенде команда,
Бағынамыз әмәнда!
Ашса кезек үш көзін,
Айтты деп ұқ үш сөзін.

3-оқушы: Тоқта! Сақтан!
Жол ашық!
Жүрме жолға таласып.
Қызыл көзін ашқанда,
Сынық сүйем баспа алға!
Сары көзін ашқанда,
Қарап қалма аспанға!
Жасыл көзін ашқанда,
Өте бергін, жасқанба!

4-оқушы: Арманға алдан күткен асығамыз,
Біз қалай толқын атпай басылармыз.
Жол жүру ережесін жақсы біліп,
Сақтықта тұра алатын жас ұланбыз.

ІІІ. Толғаныс

8) Қол жаттықтыру жұмысы

Дайын шаблондарды пайдаланып, бағдаршамды түсті қағаздардан құрастыру, жапсыру.
9) Бағдаршам әні
Көреген, дәу, қырағы,
Көшемізде тұрады.
Оның аты – бағдаршам,
Жол сілтейді әрқашан.
Ол бергенде команда,
Бағынамыз әманда.
Қайырмасы:
Ашса кезек үш көзін,
Айтты деп ұқ үш сөзін.
«Тоқта! Сақтан! Жол ашық!»
Жүрме жолға таласып.
Қызыл көзін ашқанда,
Сынық сүйем баспа алға!
Сары көзін ашқанда,
Қарап қалма аспанға!
Жасыл көзін ашқанда,
Өте бергін жасқанба!
- Балалар, сонымен сендердің көңіл күйлерің қандай?
10) Қорытындылау, мадақтау

- Егер сендердің көңіл күйлерің көңілді болса онда үстелден қызыл смайликті, ал егер жай ғана жақсы болса онда жасыл смайликті, ал егер көңіл күйлерің болмаса онда сары смайликті аламыз. Ал енді кім өз көңіл күйін қонақтарға сыйлағысы келсе, онда қолдарыңдағы смайликтеріңді қонақтарға беріңдер.
- Осымен балалар, біздің бүгінгі «Бағдаршам» атты тәрбие сағатымыз аяқталды. Өз өмірлерімізді қауіпті апаттардан сақтау үшін жол ережелерін есте сақтап, сол ережелерді бәріміз орындайық.











Бағдаршам-бастауыш сыныпқа арналған тәрбиелік шара
  • Начальные классы
Описание:

Тақырыбы: Бағдаршам
Саба
қтың мақсаты: Оқушылардың көшеде жүру ережелерін меңгеру  

                                      дағдысын қалыптастыру және  оны іс - жүзінде  

                                      пайдалана білуін жетілдіру. Жол және адам өмірінің  

                                      қауіпсіздігінің алдын алу, бағдаршам туралы жол   

                                      ережесінің маңызды екенін ұғындыру.  Оқушыларды  

                                      өмірін сақтау үшін жол қауіпсіздігінің ережелерін 

                                      орындауды дамыту.
Сабақтың түрі: дәстүрлі

Әдістері: ой қозғау, топтастыру, Венн диаграммасы, тренинг, сұрақ-жауап,   

                 көрнекілік

Көрнекілігі: мазмұнды және жеке суреттер, өлең, сөзжұмбақ.
І. Қызығушылықты ояту

1) Жұмбақ
* Жоқ өзінде бас та, ауызда да, құлақ та,
   Бақырайған үш көзі бар бірақ та. (Бағдаршам)
* Өзі сөйлей білмейді,
   Бірақ «Тоқта, жүр!» дейді. (Бағдаршам)
- Сонымен бүгінгі біздің тәрбие сағатымыздың тақырыбы «Бағдаршам».

Автор Есенбаева Захот Болатовна
Дата добавления 12.02.2015
Раздел Начальные классы
Подраздел Конспекты
Просмотров 1307
Номер материала 56231
Скачать свидетельство о публикации

Оставьте свой комментарий:

Введите символы, которые изображены на картинке:

Получить новый код
* Обязательные для заполнения.


Комментарии:

↓ Показать еще коментарии ↓