Главная / Математика / Ғажайып математика

Ғажайып математика

hello_html_6cb0077f.gifhello_html_1f747125.gifhello_html_1f747125.gifhello_html_m6a8e2aed.gifhello_html_m28934691.gifhello_html_4e6a26f0.gifhello_html_2cfa5d56.gifhello_html_m1daa7d01.gif«Ғажайып математика» сайысы


1-жүргізуші: Армысыздар, ұстаздар мен оқушылар, мынау ойынға жиналған қауым! Бүгінгі сайысымызды тамашалауға қош келдіңіздер!

2-жүргізуші: Бүгінгі күн ерекше күн болмақ. Себебі, қаһарлы қыстың соңғы айының осынау алғашқы күндерінде бастауышпен кеше ғана қош айтысып, орта буынға енді қосылған 5 сынып оқушыларының білімі сынға түспек.


1-жүргізуші: Біздің мақсатымыз:

Оқушылардың білімге деген құштарлығын арттыру, қызықтыру арқылы білімін тереңдету, математикалық ой-өрісін кеңейту, іздену қабілеттерін дамыту, өмірде кездесетін қиыншылықтарды оқушының өзі шеше білуіне ықпал жасау, өз күшіне сенімін арттыру.


2-жүргізуші:Ендеше, «Ғажайып математика» атты сайысымызды бастауға рұқсат етіңіздер!


1-жүргізуші:

Өрендерді сайысқа шақырамыз,

Сұрақтармен бастарын қатырамыз

Сүріндіріп аламыз, ұғындырып,

Ғылымның уыз дәмін татырамыз.


2-жүргізуші:

Сайыскерлерімізді ортаға шақырамыз.(Музыка қойылады).


1-жүргізуші:

Біреуінің жүрегінің түгі бар,

Біреуінің арқалаған жүгі бар

Біреуінің қатты істейтін миы бар

Бәрінің бір жеңістен үміті бар.


2-жүргізуші:

Топ басшыларын жеребе тартуға шақырамыз. Топтардың өнер көрсету кезегін анықтайық (топ басшылары жеребе тартады).






1-жүргізуші:


Шын жүйріктер шабыста танылады,

Нақты білім, терең ой қолда бары.

Бәріне баға берер, қол соғайық

Сіздерге құрметпенен, әділқазы!


2-жүргізуші:

Сайыскерлеріміздің білім мен өнерін саралап, баға беретін сарапшы-ұстаздарымыз- әділқазылар алқасымен таныс болайық!


1-жүргізуші:

1. _________________________________________

2. _________________________________________

3. _________________________________________


(Проектормен бүгінгі сайыстың жоспары таныстырылады).


2-жүргізуші:

Ал енді, бүгінгі сайысымыздың кезеңдеріне тоқталып өтейік:


1-жүргізуші:

  1. Танысу сәті (аты, ұраны, эмблемасы);

  2. Үй тапсырмасы (қарсылас топтарға сөзжұмбақ жасыру);

  3. «Кім мықты?»;

  4. Т оп басшылар сайысы;

  5. Қорытынды.

2-жүргізуші:

Ойын-толқын, жатқандай асып-тасып,

Біреу мығым, біреулер шалыс басып,

Бұл ойыннан өтеді ғұлама ойлар,

Жеңсең де, жеңілсең де қалма жасып.


1-жүргізуші:

Білмеймін деп қысылма,
Талабың болса бойында.
Білімдінің ырысы,
Жарқырап жатыр жолында -дей отырып, кезекті амандасу рәсімі және топтың аты мен эмблемасын қорғауға береміз.


1-жүргізуші: Әділқазылар алқасына сөз берейік. Топтарымыздың танысу рәсіміне қандай баға берер екен?


2-жүргізуші:

Айыра біл жақсы менен жаманды,
Айыра біл қарындаш пен қаламды.
Айыра біл соқпақтарын өмірдің,
Айыра біл тапсырмаңды алдағы-деп, ендігі кезекті «Үй тапсырмасына» береміз. Әр топ өздерінің дайындап келген сөзжұмбақтарын қарсылас топтарға ұсынады.


1-жүргізуші: Сөз кезегі әділқазылар алқасында.


1-жүргізуші:

Мықты болсаң – алдағыны басып оз,
Мықты болсаң – арттағыны жеткізбе!
Мықты болсаң – тайғанама, құлама!
Мықты болсаң – бөгеттерді бұзып өт.


2- жүргізуші:Сайысымыздың үшінші кезеңіне өтеміз.

Ол «Кім мықты?» деп аталады.


1-жүргізушіЖеті жұмбақ» бөлімі. Әр топ бір жұмбақтың шешімін айтады. Шешімін таба алмаған топ кезекті бірінші қол көтерген топқа береді.

(Слайд арқылы жұмбақтар көрсетіледі.)

Үлкені бөліп нәрсені,

Кішісі алады үлесін.

Айырылмай бірге жүрген соң,

Екеуіне қойылған бір есім.

Бөлетін, алатын екеудің

Есімін сен де білесің.

Алдыңнан шығып күн сайын

Жиі кездесіп жүресің. (Бөлшек. Дұрыс бөлшек.)


Тоғыз тоңқылдақ, бір шіңкілдек.

Шіңкілдек жүр шіңкілдеп.

Сенімен бірге жүрем деп.

Әр тоңқылдаққа діңкілдеп,

Тоңқылдақ жүр күңкілдеп. (Цифрлар.)


Ол оқушы құралы,

Қатеңді түзеп тұрады. (Өшіргіш.)


Дүниеге тұмсықсыз-ақ келеді,

Дегенменен тұмсығынан өледі. (Қарындаш. )

Он екі ақ парақ-

Он екі ақ қанат,

Жауабы әсем-ақ,

Сызылған тақталап. (Дәптер.)


Апалы-сіңлілі келеді,

Біріне-бірі ереді. (Екі аяқ.)


Төрт аяғы болғанымен

Жүре алмайды өзінше. (Үстел.)


Бір атқанда он алдым,

Он атқанда мың алдым. (Тұқым.)










2-жүргізуші:

Ойланайық азырақ,

Уақытыңды үнемдеп,
Кім шығады кәнеки,

Жалғасын мен білем деп,-дей келе ,кезекті «Ойымды жалғастыр... » атты бөлімге берсек.


1-жүргізуші:

Мақал-мәтел қазағымның мұрасы,

Мақал білген қазағымның баласы.

Мақал айтып жарысады жеті топ,

Қай топ мақал-мәтелді,

Біледі екен өте көп?

Мақалдың жалғасын таба алмаған топ кезекті бірінші қол көтерген топқа береді. (Әр топқа слайд арқылы мақал-мәтелдердің жалғасын табу ұсынылады).

І топ.

Білгенің бір тоғыз, (білмегенің тоқсан тоғыз).

Бір кісі қазған құдықтан, (мың кісі су ішер).


ІІ топ.

Жеті жұрттың тілін біл, (жеті түрлі білім біл).

Арсызға(алты) күн мейрам.


ІІІ топ.

Досыңды үш күн сынама, (үш жыл сына).

Бірдің кесірі (мыңға тиер).


ІV топ.

Өтіріктің құйрығы (бір-ақ тұтам).

Бір елі ауызға, (екі елі қақпақ).


V топ.

Ер егіз, (еңбек жалғыз).

Дос егіз, (дұшпан сегіз).


VІ топ.

Отыз тістен шыққан сөз, (отыз рулы елге жайылар).

Алпы қарсақ (ат) болмас.


VІ І топ.

Бір күн дәм татқанға, (қырық күн сәлем бер).

Ердің құны (жүз жылқы).


2-жүргізуші:

Енді болса, «Жаңылтпаштан жаңылма ......» бөліміне өтеміз.

Әр топқа бір жаңылтпаш ұсынылады.


І топ.

Үшып кетті үш құс,

Ұшып келді үш құс.

Қырық үш қызғыш құсқа

Қырық үш қызғыш құс қосса,

Қанша қызғыш құс болады ?


ІІ топ.

Қырық қырықтық,

Сырық қырықтық.


Төрт төртім бар,

Төрт тортым бар.

Төртім маған,

Тортым саған.


ІІІ топ.

Қырық құрқылтай

Бір құрдан үркіп ұшты.

Қырық құр

Бір құрқылтайдан үркіп ұшты.

Қырық құр қорқақ па?

Қырық құрқылтай қорқақ па?


ІV топ.

Арқада алты арқар бар,

Қырда қырық арқар бар.

Бір қарт арқар бар,

Алты арқарға қырық арқарды,

Қырық арқарға қарт арқарды

Қосса, қанша арқар бар?


V топ.

Сегіз көк өгізіміз де

Өз өгізіміз.

Семіз көк өгізіміз де

Өз өгізіміз.

Егіз көк өгізіміз де

Өз өгізіміз.

Өзге көп өгізіміз де

Өз өгізіміз.


VІ топ.

Үш кісі ішік пішті,

Бес кіші ішік пішті,

Неше кісі ішік пішті?

Неше кіші ішік пішті?


VІ І топ.

Қырқада қырық арқар бар.

Қырық арқарда ақ арқар бар.
Алты арқарда марқа арқар бар.


1-жүргізуші:

Кезекті «Кім мықты?» кезеңінің соңғы бөлімі «Логикалық есептерге» берейік. Бұл бөлімде логикалық есептер ұсынылады, сөз бірінші қол көтерген топқа беріледі(Слайд арқылы логикалық есептер көрсетіледі).


1. Бірінші баланың әкесі ұлына 150 теңге, ал екінші әке баласына 50 теңге берді. Екі бала қолдарындағы ақшаны қосса , 150 теңге ғана болып шықты. Неліктен? (ата, әке, немере).


2. Бір бай үш жыл малай жалдап, оның ақысына бір бұзау және 12 лақ беруге уәделеседі. Байғұс малай байдың жөн-жосықсыз аямай жұмсағанына шыдамай 2 жылдан кейін кетіп қалады. Бай малайына бір бұзау және 6 лақ береді. Бұзауды қанша лаққа бағалаған? (6 лақ)


3. Бір қариядан қанша балаңыз бар деп сұрағанда былай деп жауап берді:

«Ұл мен қыздарымның саны бірдей, ал әр ұлымның үш қарындасы бар». Бұл кісінің қанша баласы бар? (үш қыз, үш ұлы).

4.Таяқшалардан 6 үшбұрыш құрастырылған. 4 таяқшаны алып тастап, осындай 3 үшбұрыш қалдыр.







5. Берілген фигурада неше үшбұрыш бар? (12).





6. Үш бала 17 бауырсақ жеді. Ең көп жегені Тимур. Аз дегенде Тимур неше бауырсақ жеді? 

7.Сұрақ белгісінің орнындағы санды тап? (130)



hello_html_m72cb03e5.gif



8. Екі адам 5 метрлік бөренені ұзындықтары тең 5 бөлікке кесті. Егер бөлікті кесуге 1,5 минут кетсе, бөренені кесуге қанша минут кетеді? (6 минут).


2-жүргізуші: Сөз кезегі әділқазылар алқасында.


1-жүргізуші: Ортаға топ басшыларын шақырамыз!(Музыка ойналады).

Қазылар орнықтырар әділдікті,

Кімдердің жауаптары дұрыс шықты.

«Топ басшылар сайысы» кезеңінде

Жеңіске жетер дейміз нағыз мықты.


2-жүргізуші: Топ басшыларына арналған тапсырма «Көп ойлан, сөз ойла» деп аталады». 2 мин ішінде әріптерді ретке келтіріп, сөздерді табу керек.


РНКӨЕ НСА
УБК СЕҮЛ
ӨЕЙТКУБ НБІТҮ

ТВКАРДА ЛӨМБІ
АСАРЛА УҚСО
ЛФАРОУМА ЗЙТАУА

ИРЕТПРЕМ ДНАУА

ШБЕӨКЛ НҚЫДСЫО

Жауабы:

ӨРНЕК САН
КУБ ҮЛЕС
КӨБЕЙТУ БҮТІН
КВАДРАТ БӨЛІМ
АРАЛАС ҚОСУ
ФОРМУЛА АЗАЙТУ
ПЕРИМЕТР АУДАН

БӨЛШЕК ҚОСЫНДЫ


1-жүргізуші: Топ басшылары сайысқа түсіп жатқанда біз көрермен қауымға арнап дайындап келген сұрақтарымызға жауап алуға тырысып көрейік:

(Слайд арқылы сұрақтар көрсетіледі)

1.Табақтағы жемісті,

Бұлай ғана бөлісті.

Екі анасы,қос баласы,

Әжесімен немере

Бір-бірден тиді алмасы,

Айтшы қанша жан басы? (әжесі, анасы, баласы)




2.Ұшып барады бір топ қаз оңтүстікке

Мықты болсаң қанша екенін тез есепте

Алдында екеу,екеуі келеді артында

Екі-екіден келеді қос бүйірде.(4 қаз).


2-жүргізуші: Әділқазылар алқасынан топ басшыларын бағалауды өтінеміз.


1-жүргізуші:Сонымен, бүгінгі «Ғажайып математика» атты сайысымызда қай топ жеңіске жетті екен, соны білейік. Сөз кезегі –әділқазылар алқасында! (Әділқазылар алқасы жеңімпаз топтарды жариялайды).


1-жүргізуші:

Сайыстың соңғы сәті таяп қалды

Демейміз «Өнерлерін аяп қалды».

Жеңімпаз тобымызды анықтадық .

Осылай сөзіміз де аяқталды.


2-жүргізуші:

Біз сіздермен қоштаспаймыз,

Алда әлі асулар бар,

Биіктерді бағындырып

Асулардан асыңыздар!


1-жүргізуші: Бүгінгі сайысымыздың жеңімпаздарын құттықтаймыз!


2-жүргізуші: Жеңістеріңіз құтты болсын!


Ғажайып математика
  • Математика
Описание:

Жақсылыққа бастайтын жарық жұлдыз-оқу. «Надан жұрттың күні – қараң, келешегі тұман»,-деп М.Дулатов айтқандай, егеменді еліміздің тірегі-білімді ұрпақ.Білім беру ісіндегі жоспарлаудың маңыздылығын айта келіп, Қазақстан Республикасының президенті Н.Ә.Назарбаев былай дейді: «Ұлттың бәсекеге қабілеттілігі оның білімінің көрсеткішімен белгіленеді». Білімдену жүйесінің табысты болуы көбіне қолданылатын оқу әдістеріне тәуелді.Оқу әдісі – білім игеру мақсаттарына қол жеткізуге бағытталған оқытушы мен оқушының бірліктегі іс-әрекеті қимыл-тәсілдері.Оқу мақсаты жолындағы ұстаздың оқыту жұмысы мен шәкірттің оқып-үйрену әрекеттерінің өзара байланыстылығы осы оқу әдісінен көрінеді.Оқушыға белгілі бір дәрежеде білім берумен қатар оқуға, үйренуге деген ықыласын арттыру әр ұстаздың басты міндеті. Сабақ барысында шәкірттің білімге құштарлығын арттыру, өздігінен ойлау қабілетін жандандыру, еңбек етуге баулу, жалпы оқушы бойына жауапкершілік сезімін қалыптастыру, ешқашан күн тәртібінен түспейтін мұғалімдерге қойылатын басты талап.Екінші деңгей бағдарламасы мұғалімнің алдына, оқушының жан дүниесін жақсы түсіне білу жөнінде нақты міндеттеме қойып отыр.Кембридж бағдарламасы бойынша өткізілген курс тапсырмаларын орындау, мұғалімдер-дің шеберлігін арттыр –жас ұрпақты өз бетімен жұмыс істеу,тиянақтылыққа, ұстамдылық-қа тәрбиелеу,жауапкершілігін артады Осы жоба Қазақстан мектептерінде толық жүзеге асатын болса басқа елдермен бәсекеге түсе алатын жас ұрпақты тәрбиелеп шығуымыз сөзсіз.Мектептегі оқушыларға сапалы білім беру нәтижесі мұғалімнің ұстанымына байланысты.

Автор Калкеева Балжан Ермухамбетовна
Дата добавления 14.05.2015
Раздел Математика
Подраздел Другое
Просмотров 465
Номер материала 59312
Скачать свидетельство о публикации

Оставьте свой комментарий:

Введите символы, которые изображены на картинке:

Получить новый код
* Обязательные для заполнения.


Комментарии:

↓ Показать еще коментарии ↓