ЖББ
Амангелді орта мектеп-балабақшасы
«Тәуелсіз елдің ұланымыз»
Тәрбиеші:
Бисенбаева Ж.С.
2014
жыл
«Тәуелсіз елдің ұланымыз»
Балалар безендірілген залға кіреді. Амандасу шеңбері. Дөңгелене отырады.
Жүргізуші: Құрметті қонақтар, кішкентай бүлдіршіндер, бүгін біз дүниені
дүр сілкіндірген, тәуелсіздік туын алғаш көтерген әйгілі 1986 жылдың
желтоқсанына арналған «Тәуелсіз елдің ұланымыз» атты ашық тәрбие іс-әрекетті
бастаймыз.
Мұз жастанып азаматтық жолында,
Тәуелсіздік туы тұрды қолында.
Жеңіп шықты, бас имеді, қасарып
Сойыл таяқ ойнасада жолында
Желтоқсан-ау, ұмытылмайсың жүректе
Ұрпақ өсер айналатын тірекке
Егемендік тиді міне еншіме
Желтоқсаным, жеткіздің ақ тілекке.
Тәуелсіздігіміз баянды болсын дей отырып, барлығымыз мемлекеттік гимнді айтып,
ашық тәрбие іс-әрекетімізді ашайық.
Гимн айтылады.
Тосын сәт. Телефон соғып бейнетаспа арқылы «Білімді клубтың» балалары
хабарласып, тікелей эфирге шығады. Балаларға қойылатын сұрақтар:
- Балалар, біз қай елде тұрамыз?
Б: Қазақстан елінде тұрамыз.
Тәуелсіздігіміздің арқасында ұлттық рәміздер пайда болды.
- Еліміздің рәміздерін кім атап береді?
Б: Ту, Елтаңба, Гимн.
- Бас қаламыз қалай аталады?
Б: Астана
қаласы.
- Біздің еліміздің президенті кім? Президент туралы кім тақпақ
біледі?
Б: Н. Назарбаев (Айжан)
- Қазақстанда қандай ұлт өкілдері тұрады?
Б: Орыс, неміс, қытай, өзбек, шешен. т/б.
Жүргізуші: Балалар, бүгін бізге, байқасандар басқа ұлт өкілдері қонаққа келіп
отыр, оларда да бізбен бірге мерекені тойлайды, өйткені олар Қазақстанда тұрады.
Слайд арқылы туды, елтаңбаны, байтеректі, қазақ ұлттық киімін ажыратып
тақпақтарын айтқызу. («Білімді клуб» балаларының тапсырмалары)
Асемгүль: (Диляра, Дильназ, Ертілек)
Айнымайды аспаннан
Біздің тудың бояуы
Оны халық қашанда
Биікке іліп қояды
Диас: (Санат, Бекзат)
Қатар шапқан қос тұлпар
Ай астында қазақ үй
Қалықтаған жас сұңқар
Шарықтаған таза күй
Елтаңбасы елімнің
Елдігімнің белгісі
Милана: (Ерасыл)
Ән ұраным, жан ұраным
Айтар әнім, айтар сөзім
Туған жерім сағынарым
Мәнгі бақи шырқалар
Астана қаламыз туралы тақпақтар (Мадина, Әбілмансур, Шұғыла)
Би: «Батырлар» Санат, Диас, Әбілмансур
Асылхан:
16- желтоқсан
Тәуелсіздік алған күн
Мерекеде ел қуанып
Шаттанып ән салған күн
Айым:
Біздің елдей көркем ел,
Ән айтамыз туған ел,
Табылмайды іздесең.
Саған арнап, байтақ жер!
Жеке ән: «Атамекен»
Орындайтындар: Санат, Дильназ, Әбілмансур, Милана, Айжан
Ғазиз:
Тәуелсіздік таңнан түскен ақ сауле
Тәуелсіздік бақыт сенде бақ сенде
Қарқындайды жас кеуде қариялар қашанда
Жарқылдайды жарық шашып жас кеуде
Санат:
Тегеурінді соққыларды жайратқан
Ақша қарда судай ақты қайнап қан
Қайдан білсін қызбаланған ерлерім
Айырларым Ләззат, Ербол, Қайраттан
Жүргізуші: Балалар,
мындағы суретте желтоқсан құрбандары. Осы аға-апаларымыздың арқасында егемен ел
болып, көк туымыздың байрағы желбіреді. Ләззат, Ербол, Қайрат апа-ағаларымызды
еске алып 1-минуттық үнсіздік жариялайық.
Айжан:
Алып дүлей күштің зәре ұшқынын
Алаулатып жылатты бір қыс күнін
Сабирадай қайран қара көздерім
Тастағанын елге ерлік ұшқынын
Расул:
Жасасын азат ерлік күн
Жасасын бейбіт елмен жер
Бостандық алған қазақтың
Мәртебесін көрсін ел
«Орыс» биі: Жансұлу, Аружан, Асылхан, Бахтияр
Бекнұр:
Отан-деген ұлы ана
Отан деген ғұлама
Мен ғана емес атамда
Перзенті екен Отанға
Әдемі:
Аялап ару ананы
Өсірген еркін баланы
Бесігін бөлеп тербеткен
Отаным Қазақстаным
«Украин» биі: Ерасыл, Милана, Расул, Айжан
«Білімді клуб» балалары тікелей эфирге шығып ризашылықтарын айтады.
Зульфия:
Біз жас –ұлан отан өркені
Үміт артқан болашақ ертеңі
Тәуелсіз елдің даңқын көкке өрлетіп
Гүлге бөлеп жайнатамыз өлкені
Би: «Жаса Қазақстан»(тулармен)
Хор: «Көк тудың желбірегені»
Осымен тәулсіздік күніне арналған «Ақ көгершін» тобының ашық тәрбие іс-әрекеті
аяқталды, көңіл бөліп тыңдағандарыңызға рахмет. Қазақстанымыздың көк байрағы
желбіреп, еліміз тыныш, жұртымыз аман болсын.
Оставьте свой комментарий
Авторизуйтесь, чтобы задавать вопросы.