Главная / Химия / 8 сынып химия пәнінен сабақ жоспары

8 сынып химия пәнінен сабақ жоспары

Сынып: 8

Тақырыбы: Химиялық байланыстың түрлері

Сабақтың мақсаты:

  1. Білімділік: Атом құрылысының белгілі заңдылықтары негізінде химиялық байланыстардың түзілу мәнін таныстыру, ковалентті байланысқан жай заттардың электрондық формуласын құру білігін қалыптастыру өз беттерінше сипаттап, байланыс түрлерін бір-бірінен ажырата білуге үйрету.

  2. Дамытушылық: Өз беттерінше жұмыс істеу, ізденушілік, зерттеу, ұйымдастырушылық қабілеттерін дамыту.

  3. Тәрбиелілік: Алған білімдерін өмірде қолдана білуге, өзіндік ой-қорытуға, өз-өздерін бағалай білуге, жан-жақтылыққа тәрбиелеу.

Сабақ түрі: аралас сабақ

Сабақ типі: жаңа материалды игеру

Әдіс-тәсілдері: зерттеу, миға шабуыл,интерактивті,өзіндік жұмыс, іздену

Формасы: топтық

Технологиялар:СТО, жеке тұлғаға бағытталған технология элементтері

Көрнекілігі: периодтық кесте, слайд,интерактивті тақта, карточка

Барысы: 1.Ұйымдастыру (Сынып 3-топқа бөлінеді)

Сәлеметсіздер ме, балалар! Көңіл-күйлеріңіз калай?Сіздерді көргеніме қуаныштымын. Бүгінгі сабақта сіздер өз ойларыңызды, пікірлеріңізді ашық, еркін айтып, отырыңыздар.

Кәне, балалар, жақсы көңілмен сабағымызды бастау үшін мынадай психологиялық тренинг өткізейік.

2.Психологиялық дайындық.

Көзді жұмып жақсы нәрселер ойлаңыздар.Өздеріңізге және бір-бірлеріңізге сәттілік және жақсы көңіл-күй тілеңіздер. Көздеріңізді ашып, бір-бірлеріңізге күле қараңыздар.

Мұғалім сөзі: Балалар, елімізде қуанышты бейбіт күніміздің тағы бір таңы атты. Еліміздің болашағы мектеп қабырғасындағы ұрпақ. Сондықтан Қазақстан бәсекеге қабілетті елу елдің қатарына ену үшін білім керек. Ендеше, білім алатын тағы бір сабағымызды бастайық.

Бүгін сіздермен бірге біз «жас зерттеушілер» ретінде жұмыс жасаймыз. Мына құралған әрбір топ кішігірім ғылыми зертхана болады, сіздер өз араларыңыздан осы зертхананың ғылыми жетекшісін сайлап алыңыздар. Яғни сіздердің бүгінгі зерттеу жұмыстарыңызға жауап беретін осы жетекші болады. Алдарыңызда сонымен қатар, бағалау парағы берілген. Яғн әрбір берілген тапсырмалар орындалып болғаннан соң, әр оқушыға баға қойылып отырады. Сондықтан сабаққа жақсы қатысыңыздар.Ендеше балалар, бүгінгі сабағымызды бастайық.

КЕСТЕ


Өте дұрыс,жарайсыңдар, балалар. Бүгінгі сабағымыздың тақырыбы: Химиялық байланыстың түрлері

Яғни осы тақырып бойынша ғылыми зертханада әр топ өз зерттеулерін жүргізеді.

  • Балалар, бүгінгі сабақта алдарыңызға қандай мақсат қоясыздар?

  • Бүгінгі сабақтан не үйренгілеріңіз келеді?Қане, топта талқыға салып айта қойыңыздаршы?

Жарайсыңдар, балалар! Осы мақсаттарға жету үшін бүгін сіздер жақсы зерттеушілік қабілеттеріңізді көрсете білулеріңіз керек. Жақсы зерттеуші болу үшін бойларыңызда қандай қасиеттер болу керек деп ойлайсыздар?(Оқушылар жауаптары: алғыр, тапқыр, білімді, шапшаң, қабілетті). Тамаша ,балалар!

Ең алдымен жаңа зерттеу жұмысын бастамас бұрын,сіздермен бірге кішкене сергіту ойынын ойнайық. Келісесіздер ме?Онда тақтадағы тапсырмаға назар аударыңыздар.

Топтық жұмыс. Топта талқыға салып, дұрыс жауабын тауып жауап беру керек. Ойынның шарты:



Керемет, балалар!Енді жаңа сабағымызды бастайық. Бүгінгі күнді жазып қояйық.Зерттеу жұмысын мына жоспар бойынша жүргіземіз.

ІІІ. Жаңа сабақ

1.Ковалентті полюссіз байланыс

2.Ковалентті полюсті байланыс

3.Иондық байланыс


Ал, балалар, мына кестеге қарай қойыңыздаршы. Бірінші бағанға натрий туралы не білесіздер соны жеке жұмыс жасау арқылы жазамыз,енді жұппен жұмыс жасаймыз, сосын топта талқыға салып, бөлісіп, айтамыз.

Тамаша, яғни біраз мәліметтер біледі екенбіз. Енді 2-ші бағанға не білгілеріңіз келеді, соны жеке дәптерлерімізге жазамыз, енді жұптаса қояйық, енді барлығын қорытып, топта талқыға салып дайын болған топ шеңбер жасап, қолдарыңызды көтере қойыңыздар. Басқа топ тыңдаймыз, олардың айтқандарын қайталамаймыз.


Білемін

Білгім келеді

Үйрендім




















Тамаша, балалар. Енді әрбір кішігірім ғылыми зертханаларға зерттеу жұмысын беремін. Сол берілген тақырыпқа 5 минут уақыт беріледі.Оқимыз, сосын алдарыңызда қағаз бен маркер бар, соларды пайдалана отырып қысқаша кластер, немесе тірек-сөздермен жазып, әр топтан шығып қорғайсыздар.Тапсырма түсінікті ме балалар?Ендеше іске кірісейік.

1-топ. Ковалентті полюсті байланыс

2-топ. Ковалентті полюссіз байланыс

3-топ. Иондық байланыс


Көзге жаттығу.


Бекіту тапсырмалары:

  1. Осы алған біліміміздің нақтылау үшін келесі тапсырмаларды орындайық. “Айқыштар мен нөлдер” ойыны

А) ковалентті полюсті ә) ковалентті полюссіз

NaCl

Si

KI

HCl

HF

HI

Na

O2

Cu

Cl2

HI

KCl

HCl

O2

Au

Na

Cu

N2

б) иондық

Na2S

CH4

Br2

PH3

KCl

NH3

O2

H2O

NaCI



Келесі тапсырманы балалар жеке орындап, өзімізді бағалаймыз.


Тест жұмысы

1. Иондық байланысы бар қосылыстардың қатарын көрсетіңіз
а) NaF CaF2 Na2 SO4
б) N2, Na2 S, HF
с) K2 SO4, O2
2. Полюссіз ковалентті байланысы бар қосылысты көрсетіңіз
а) Na2 SO4
б) HF
с) O2
3. Полюсті ковалентті байланысты қандай элемент атомдары түзеді?
А) электртерістігіайқын айырмашылық бар элемент атомдары
Б) электртерістігі бірдей
С) электртерістігінде айырмашылық аз.
4. Ковалентті полюссіз байланысы бар қосылыстар қатарын көрсетіңіз
а) F2, O2 N2, C8
б) N2, Na2 S, HF
С) NaF, CaF2, Na2 SO4
5) Ортақ электрон жұбы арқылы түзілген байланыс қалай аталады?
А) иондық
б) коваленттік
с) металдық
6. Оттек молекуласы түзілгенде неше ортақ электрон жұбы түзіледі?
А)1
б) 2
с) 3
7.Иондық байланыс қалай жасалады?
А) атом электронын электртерістілігі жоғары Атомға беруі
Б) ортақ электрон жұбының түзілуі
С) электрондардың жалпылануы

Дұрыс жауаптары:

1 2 3 4 5 6 7

А С С А Б Б А
Бағалау шкаласы: 1қате- «5»

2 қате –«4»

3-4 қате- «3»

Ал, кәнекей, балалар!3-топтан маған «мен» деген 3-оқушы шықсын.(карточкамен жұмыс)

Қалған оқушылар топта жұмыс жасаймыз.Қай топ бірінші болады екен?Жауаптарын салыстыру.

Кім жүйрік?

  • NaCI-нің құрамындағы натрийдің массалық үлесін есептеңдер.

  • 187,2г натрий хлоридін алу үшін қанша грамм натрий қажет?

Ал енді балалар бүгінгі сабақта не үйрендіңіздер?Кестенің 3-ші «Үйрендім» бағанына жазыңыздар.(алдымен жеке, сосын жұптасып, содан соң топта талқыға салып, жауап береміз.)Табылмаған сұрақтардың жауабын үйден қосымша ізденеміз.

Бағалау парағын толтырып маған өткізіңіздер.

Бағалау парағы

р/с

Оқушының

аты-жөні

Айқыштар мен нөлдер ойыны

Тест жұмысы

Кім жүйрік?

Топтық жұмыс

Мұғалімнің ерекше пікірі

Орташа ұпай

1








2








3








4








5








6








7










Үйге тапсырма: § 63

4 есеп.






8 сынып химия пәнінен сабақ жоспары
  • Химия
Описание:

Химия пәнінен 8-сыныпқа "Химиялық байланыстың түрлері" атты сабақ жоспары. Сабақтың мақсаты: Атом құрылысының белгілі заңдылықтары негізінде химиялық  байланыстардың түзілу мәнін таныстыру, ковалентті байланысқан жай заттардың электрондық формуласын құру білігін қалыптастыру өз беттерінше сипаттап, байланыс түрлерін бір-бірінен ажырата білуге үйрету.Сабақ жоспарын жоспарлау барысында оқушылардың жас ерекшеліктері мен қабілеттері ескеріле отырып, жоспарланды.                                  

 

Автор Турганбаева Макпал Бердибековна
Дата добавления 04.01.2015
Раздел Химия
Подраздел
Просмотров 1864
Номер материала 29477
Скачать свидетельство о публикации

Оставьте свой комментарий:

Введите символы, которые изображены на картинке:

Получить новый код
* Обязательные для заполнения.


Комментарии:

↓ Показать еще коментарии ↓